مشكلة غريبة عاملة زى مسائل الرياضة فى ابيزا 98

**M.Hassan47** · 16-08-2009 07:37 PM

انا ياجماعة عندى مشكلة رخمة اوى فى العربية وغريبة موووت

انا امبارح كنت ماشى بالعربية ومكنش فيها بنزين المهم شحطت وفضلت تقطع لحد ماوقفت خالص
المهم جبتلها حوالى اربعة لتر بنزين ودورت ومستنتهاش تطلع الهوا ولا حاجة مشيت علطول مسافة بتاعت كيلو وفضلت بردو تقطع منى وراحت واقفة خالص منى بقى
ادور مادورش بعت جبت كمان اربعة لتر دارت وتقعد حوالى خمس ثوانى وتروح مبطلة وبعدها بعشر دقايق لما تدور وتعمل نفس الحوار ده

اتصلت باميكانيكى ولعب فى دماغى ان ممكن يكون المفتاح بتاع العربية اتخبط ولا حاجة والشفرة مش شغالة عشان كده بدور وتفصل المهم بشوف المفتاح كده وهو متلكك اصلا لقيته اتكسر وكده كملت بقى سبت العربية مكانها ورحت اطلع على المفتاح جابلى كافر جديد ونقل الشفرة وكله تمام ورحت عشان اجرب العربية مبقتش بدور خالص المهم قطرتها لحد البيت وقاعد اتفرج عليها لعارف العيب من المفتاح ولا من العربية

والراجل بتاع المفاتيح اما كشف على الشفرة لقاها شغالة وقالى اتأكد من العربية
طيب دلوقتى لو جبت ميكانيكى مهو عشان يكشف هايحتاج يدور العربية وممكن يكون العيب من المفتاح

مبقتش عارف ابدأها منين ولا اعمل ايه هاتجنن خلاص
حد يقولى ياشباب

**M.Mostafa80** · 16-08-2009 08:05 PM

هتاخد العربيه لأقرب مركز ويحطها على الجهاز هيعرف اذا كان فى مشكله فى وحده التشفير بتاعت المفتاح ولا فى حاجه تانيه لأن كدا ممكن تكون لقدر الله طلمبه بنزين وفى الحاله دى بردو هيقدر يعرف ويقولك ربنا يوفقك

**ehab_mansour** · 16-08-2009 08:44 PM

السلام عليكم

معلش ليا سؤال هيا العربية كام سيسي وحقن الكتروني(انجيكشن) ولا عادي(كاربيراتير) ولما بتفتح الكونتاكت بتسمع صوت طلمبة البنزين ولا لأ ؟؟؟

رد علي الأسئلة دي وممكن مع بعض نقدر نعرف ايه الحل او ايه اللي معطلها عشان عايز اخلصك من مشكلة المفتاح دي الأول

**ehab_mansour** · 16-08-2009 10:23 PM

تمام كده طيب الفلاش اللي بيعملو عداد الكيلومتر الكبير الديجيتال اول ما تفتح الكونتاكت واللي بيظهر فيه السيرفس بتاع العربية ده لمدة حوال 5 ثواني بيحصل عادي وبعد السيرفس بيديك عداد الكيلومتر لو ده بيحصل طبيعي لما تفتح الكونتاكت يبقي هقلك علي حاجه تبص عليها وهي انك تروح تفتح الكبوت وانت فاتح الكونتاكت وتسمع فيه صوت زنه خفيفه كده بيطلع من تحت عمة الهواء(اللي فيها فلتر الهواء) ولا لأ لو بيطلع الصوت ده يبقي بوابة الإنجيكشن بتفتح طبيعي جدا وناقص انك تشوف ضغط البنزين لو ما بيفتحش وانت مش سامع صوت حاجه يبقي البوابة ما بتفتحش ممكن تشوف الموضوع ده دلوقتي كده وقلي وهل عندك امكانية وعده زي مفك صليبة وبنسه ولقمه مقاس 10 عشان تفك الغطاء اللي علي الموتور وعمة الهواء وتشوف وانت فاتح الكونتاكت فيه بنزين واصل للرشاشات ولا لأ
معلش انا طولت عليك بس لو انت قريب مني كان ممكن نشوفها سويا لكن انا في عين شمس وانت في الجيزة وربنا يوفقك حاول بس كده ولو فيه حاجه مش فاهمها قلي ونتكلم ماسنجر لو امكن

**ehab_mansour** · 16-08-2009 10:25 PM

معلش نسيت اقلك ان لو الفلاش بتاع العداد الديجيتال شغال مضبوط مع فتح الكونتاكت والبوابة بتفتح يبقي كده الكنترول شغال تمام والمفتاح سليم والشفرة سليمة والله اعلم وناقص فقط البنزين عشان تدور

**M.Mostafa80** · 17-08-2009 01:14 AM

انا فاكر أن انت قلت انك فى الجيزه تمام كدا
لو كدا بقى فى واحد فى الشارع بتاع الحى اللى فى بين السريات الشارع بتاع الورش أكيد عارفه لسه فاتح جديد شغال فى الفولكس والراجل دا كان شغال مع المهندس سيد اللى شغال فى شارع السودان وأحتمال يبقى عندو الجهاز وأهو هيبقى قريب منك ويظبطلك الدنيا

**ehab_mansour** · 17-08-2009 08:10 AM

كده ان شاء الله المفتاح والشفرة مافيش فيهم مشكلة لأن لو فيهم مشكلة الكنترول مش هيقوم اصلا ولا العدادات هتشتغل

انت عليك وعلي اي ميكانيكي ييجي يشوفلك فيه بنزين في خرطوم البنزين ولا لأ وده وانت فاتح الكونتاكت ثانيا بوابة الإنجيكشن بتفتح طبيعي ولا لأ مع فتح الكونتاكت و كمان يشفلك فيه اشعال جاي للبوجيهات من الموبينه ولا لأ وبكده يبقي مافيش حجه ليها انها تدور وربنا يسهلك الأمر ولما تخلص عرفنا ايه اللي حصل ......

-

الموضوع: مشكلة غريبة عاملة زى مسائل الرياضة فى ابيزا 98

LinkBack

أدوات الموضوع

عرض

-

-

-

-

-

-

المواضيع المتشابهه

فيشة غريبة و عاملة مشاكل كتير بالنوبيرا

Byd عاملة حادثة غريبة!!!!!

أنا زهقت ومش عارف ايه العلاقة بين الرياضة والدين والعروبة ...... حاجة غريبة

الكلمات الدلالية لهذا الموضوع

المفضلات

المفضلات

ضوابط المشاركة