الموضوع: اية احسن نوع زيت فتيس و زيت كورنا للسيارة الشاهين

لو عربيتيك معدية ال 150 ألف كيلومتر حط لها زيت تعاون 140

لو عربيتك حديثة حطلها زيت متعدد الدرجات (اظن بيكون 80-120 بس مش متأكد) من إسو او شل

متحطش زيت احادى الدرجة 90

اهم من نوع الزيت ان جوان غطا الكورونا لازم يكون محكوم ميجيبش نقطة زيت

نظف الكورونا كويس علشان تكون شايفها، وأتأكد دايما -بنظرة الى السيارة من الخلف وانت واقف على بعد حوالى 10 متر خلف اسيارة -انها ناشفة مش منشعة حوالين الغطاء الصاج الخلفى بتاعها، لو منشعة لازم تغير الجوان او تعالج اى شرخ فى الغطاء الصاج، واوعى تسمع كلام صنايعى يقوللك (يا بيه ده تعريق زيت طبيعى)، الكورونا بتاعة العربية الشاهين ليس لديها غدد لإفراز العرق، ومعنى وجود زيت حولها هو التسريب ولا شئ سوى التسريب، لأن الزيت لو نشع واهمل بيفضى ويقضى على الكورونا فى مدة قصيرة، والكورونا بتاعة الشاهين غالية جدا

ا

متغيرش زيت الفتيس ديلوقتى، غيره على 30 ألف

اهم حاجة انك دايما تبص على الكورونا وتطمن انها ناشفة

زيت الفتيس وزيت الكورونا هم الغتنين نفس النوع ومادام عربيتك جديدة حط متعدد الدرجات لما تيجى تغير

الاخ سبعاوى انا عندى شاهين 2006 حطيت لها زيت فتيس شل 90 متعدد الدرجات مش احادى
هل فى مشكلة؟
مع اعلم ان الميكانيكى قال ده انظف زيت موجود فى السوق

المتعدد الدرجات هو انسب زيت للشاهين ، بس هو بيكون له رقمين، يعنى مثلا 90-120، ممكن تكون انت قريت الرقم الاول بس، عموما حتى لو احادى، لما تيجى تغيره ابقى حط متعدد الدرجات، يتم تغيير زيت فتيس وكورونا الشاهين كل 30 الف كيلومتر كما هو مذكور فى الكتالوج