مميزات الفانتازيا 2010

**mabdou2005** · 22-08-2009 02:59 PM

الاخوةالافاضل كل سنة وانتم طيبين
باقى مميزات الفانتازيا

1-مثبت السرعة فية recall بمعنى السرعة المخزنة بزار set تقدر ترجعة بزرار rest وطبعا من غير ما تدوس بنزين السرعة المخزنة ترجع لوحدها وعلى فكرة استخدام مثبت السرعة موفر فى استخدام البنزين

2- الراديو استقبالة جامد جدا انا جربتة بالاريال فى المنتزة جاب محطات يونانى وايطالى ةتركى ولبنانى ودول تانية كتير قوى ودة طبعا غير المحطات المصرى والصوت منتهى الوضوح من غير اريال المحطات المصرى بس

3-العربية طبعا كل حتةمختوم عليها vw حتى الشكمان المصنع من الاستنالس يعنى المفروض عمرة ما يصدى اوى يتخرم

4-مساحات التخزين كتير فى العربية والباب فية مكان لتخزين زجاجة مياة كبيرة

5- الكرسى الامامى ممكن ضبط ارتفاعة

6- مستوى العزل ممتاز واحسن من ال a5 بكتير

7- التكيف مش وحش بس مش زى اليابانى

لو افتكرت حاجة تانية هاكتبها ان شاء اللة وهنكتب العيوب الى انا لحظتها برضة

م / محمد عبدة

**zizf** · 08-09-2009 01:09 AM

الف مبروك عربية جاااااااااااااااااااااااا اااااااااامدة

**sherifahmed** · 08-09-2009 03:24 PM

هى عربية الوكيل فى منها مانيوال؟
بكام؟ و ايه المواصفات؟

**mabdou2005** · 08-09-2009 09:58 PM

العربية المانيول نفس كماليات الو تماتيك معدا التكيف مش كل الزراير تاتش وسعرها 150000

**digital_joe** · 11-09-2009 04:29 AM

احنا معانا فانتازيا 2010 اول فئة اتوماتك وكيل..بصراحة ما شاء الله العربية هايلة و كمالياتها تحفة.....انا بس عندى كذا سؤال مجننى...
-هى الاضائة اللى فى المرايات بتشتغل ازاى...مرة اشتغلت معايا و من ساعتها مش عارف اشغلها تانى..حد يعرف بتشتغل ازاى...؟؟؟
-انا موبايلى HTC و البلوتوث شغال تمام بس ساعات مش بلاقى الاسماء على شاشة العربية فى قائمة Phone و ساعات تانية بلاقيها.... ده غير ان لما حد بيتصل بيا مش بتكتب اسمه....حد عنده حل للمشكلة دى؟
- لما باكون ماشى بقالى فترة و اركن و ابطل العربية باسمع صوت حاجة بتطق (زى ماكون حاطت زلطة فى علبة صفيح و بهزها) الصوت بيختفى بعد دقيقة..هو ايه الصوت ده؟؟؟ (فى ناس قالتلى ان دى السوست بتريح عشان العربية جديدة)
-المروحة بتشتغل بعد ما ابطل العربية و تفضل شغالة دقيقتين تلاتة و بعدين تفصل مع انها ممكن ماتكونش شغالة و العربية دايرة قبا ما ابطل على طول...هل ده طبيعى.؟؟؟

**mabdou2005** · 12-09-2009 12:49 PM

المشاركة الأصلية كتبت بواسطة digital_joe

احنا معانا فانتازيا 2010 اول فئة اتوماتك وكيل..بصراحة ما شاء الله العربية هايلة و كمالياتها تحفة.....انا بس عندى كذا سؤال مجننى...
-هى الاضائة اللى فى المرايات بتشتغل ازاى...مرة اشتغلت معايا و من ساعتها مش عارف اشغلها تانى..حد يعرف بتشتغل ازاى...؟؟؟
-انا موبايلى HTC و البلوتوث شغال تمام بس ساعات مش بلاقى الاسماء على شاشة العربية فى قائمة Phone و ساعات تانية بلاقيها.... ده غير ان لما حد بيتصل بيا مش بتكتب اسمه....حد عنده حل للمشكلة دى؟
- لما باكون ماشى بقالى فترة و اركن و ابطل العربية باسمع صوت حاجة بتطق (زى ماكون حاطت زلطة فى علبة صفيح و بهزها) الصوت بيختفى بعد دقيقة..هو ايه الصوت ده؟؟؟ (فى ناس قالتلى ان دى السوست بتريح عشان العربية جديدة)
-المروحة بتشتغل بعد ما ابطل العربية و تفضل شغالة دقيقتين تلاتة و بعدين تفصل مع انها ممكن ماتكونش شغالة و العربية دايرة قبا ما ابطل على طول...هل ده طبيعى.؟؟؟

الاضاءة الى فى المراية بتشتعل لما العربية تقف وتفتح الباب علشان تنور وانتى نازل مدة 10 ثوانى
المشكلة دى عندى برضة مع موبيل sony ericssion اعتقد ان التليفون لازم يتوصل اكتر من مرة
الصوت دة طبيعى وعندى برضة
المروحة بردة عندى بتعمل نفس الحركة

**lord0000** · 13-09-2009 02:16 PM

أنا كمان عندي نفس الصوت بالظبط و ده عادي ميقلقشي و برضو htc وبيعمل نفس الطريقة - اللي مضايقني غطاء تنك البنزين حتي و السنتر مقفول بيفتح حتة صغيرة و خايف حد غبي يكسره التوكيل قاللي ده عادي مش عاريف ازايز

**ahmedlr** · 14-09-2009 10:57 AM

باشا .... ايه اخبار زيارة التوكيل ؟؟؟

**mabdou2005** · 15-09-2009 12:42 PM

انا روحت التوكيل بتاع نور الدين الشريف علشان صيانة الالف هو بيعمل chek مجانى على العر بية اسمة PDI انا الشكوة الى كانت عندى ان الفتيس بحس ان تقيل احيانا من ال P الى R المهندس شافها وقالى مفيهاش حاجة وجرب اكتر من مرة قدامى وفعلا ماكنش فية اى مشكلة بس هو عموما مركز تعبان جامد ولا يليق بشركة سكودا ولا يقارن بمركز خدمة زى تويوتا ولا كبا ولا رينو ولا اوبل

**tamerking** · 16-09-2009 09:21 PM

أ/ محمد عبدة ممكن لوسمحت تقوللى اية مقاس الكاوتش اللى نازلة بية عربيتك ؟
انا عارف طبعآ انها اول فئة اوتوماتيك يعنى طاصات مش جنوط ولاكن سؤالى هذا لانها لو نازلة مقاس كوتش 16 فمعنى كدة انى اقدر اركب نفس مقاس جنوط الاليجانس ومن غير ما احتاج الى تغير الكاوتش ولو كان نازل مقاسة 15 فللاسف هغير الجنوط والكاوتش لان الجنوط ال16 افضل بكتير للعربية دى
واخيرآ الف مبروك على سيارتك وربنا يديلك خيرها ويكفيك شرها