الموضوع: هل صحيح صالون الافيو ضيق؟

المشاركة الأصلية كتبت بواسطة running_man

أنصحك بيها جدا........أنا عشت مع اللانوس و الفيرنا كتير ...و جبت أفيو من غير كلام عشان مبنيه على اللانوس.......مع الفرق الملحوظ طبعا لصالح الأفيو.......و برغم انك يمكن تقلق من انها 1500 و 84 حصان بس الا انها جراية جدا جدا لان عزمها عالى عند دورات موتور منخفضه 130 عند 3000 ........العفشة حلوه ......ناشفه شويه بس ثابته و كويسه....عاليه عن المطبات و دي أحلى حاجه فيها...التكييف قوى ...........الثبات علي السرعات ممتاز رغم علوها و شكلها اللي يقلق.........باخد ملفات جامده على 120 و 130 و عمرها ما عومت او لعبت........التوب سبيد كويس و دا اللى ما كنتش متوقعه......جابت 187 تقريبا رغم ان الكاتالوج بيقول 170 بس.........و شيك جدا من جوه..........يمكن العيب الوحيد استهلاك البنزين زياده حبتين 180 في الصفيحة جوه البلد...بس دا يمكن أنا عشان باقرص كتير..

و ختاما لو معا قرشين زياده اتجه للأوبترا طبعا ... تحفة

و نصيحة لو حاتجيب زيرو ما تحطش غير موبيل 1 أو شل هيليكس ألترا كل 10000 أو 8000
مبروك مقدما

اولا اشكرك جدا على نصايحك واهتمامك,,
عندى سؤال كمان,,,,, اخبار قطع غيارها اية, هل عندك فكرة؟؟
ولو انى حاسس ان دة هيكون اكبر عيب فيها بالمقارنة ب اسعار قطع غيار اللانوس.

بالنسبه لقطع الغيار العربيه لسه جديده وبتقول يا هادي لكن عموما اللانوس حيتوقف انتاجها يعني باذن الله الافيو حتنتشر جامد وطبعا معاها قطع غيار ارخص