هل صحيح صالون الافيو ضيق؟
عرض للطباعة
هل صحيح صالون الافيو ضيق؟
بالعكس أنا شايف من وجهة نظرى العكس تماما فهى الأوسع فى فئتها بالمقارنة بالفيرنا واللانوس وحتى الماتريكس من وجهة نظرى :roll:
لأ أكتر من معقول
يعنى يساع 5 ركاب
أوسع صالون فى فئته بدون منافس.......فعلا
اقتباس:
المشاركة الأصلية كتبت بواسطة running_man
يا ترى من خلال تجربتك مع الافيو تنصحنى بيها ولالآ
اقتباس:
المشاركة الأصلية كتبت بواسطة ARAMIS
يا ترى من خلال تجربتك مع الافيو تنصحنى بيها ولالآ
أنا لما ركبت في الكرسي جنب السواق كنت مرتاح
ولما قعدت في الكنبة اللي ورا راسي كانت لازقة في السقف (طولي أكثر من 180 بكام سنتي)
الماتركس اوسع من حيث مساحة الكنبة الخلفية من الافيو بكتير بس دا على حساب الشنطة وطبعا التقيم فى الاخر طبقا لاحتياجاتك فلو سفرك و شنطك كتير يبقى افيو و ال3 اللى بيقعدوا ورا هيعقدو مستريحين الى حد ما,اما اذا كان سفركقليل و محتاج مساحة اكبر للكنبة فيبكى الماتركس مع امكانيكة تركيب شبكة علوية.و متنساش ان فى الاخر هناك فرق فى السعر مش قليل دا غير ان 99% من رواد المنتدى بيشكروا فى مراكز صيانة هيونداى(دا هزار طبعا).وربنا يوفقك لعربية تبقى راضى عنها
هي مساحتها معقوله طبعا
بس لو معاك قرشين زياده اطلع على الاوبترا عدل
أنصحك بيها جدا........أنا عشت مع اللانوس و الفيرنا كتير ...و جبت أفيو من غير كلام عشان مبنيه على اللانوس.......مع الفرق الملحوظ طبعا لصالح الأفيو.......و برغم انك يمكن تقلق من انها 1500 و 84 حصان بس الا انها جراية جدا جدا لان عزمها عالى عند دورات موتور منخفضه 130 عند 3000 ........العفشة حلوه ......ناشفه شويه بس ثابته و كويسه....عاليه عن المطبات و دي أحلى حاجه فيها...التكييف قوى ...........الثبات علي السرعات ممتاز رغم علوها و شكلها اللي يقلق.........باخد ملفات جامده على 120 و 130 و عمرها ما عومت او لعبت........التوب سبيد كويس و دا اللى ما كنتش متوقعه......جابت 187 تقريبا رغم ان الكاتالوج بيقول 170 بس.........و شيك جدا من جوه..........يمكن العيب الوحيد استهلاك البنزين زياده حبتين 180 في الصفيحة جوه البلد...بس دا يمكن أنا عشان باقرص كتير..
و ختاما لو معا قرشين زياده اتجه للأوبترا طبعا ... تحفة
و نصيحة لو حاتجيب زيرو ما تحطش غير موبيل 1 أو شل هيليكس ألترا كل 10000 أو 8000
مبروك مقدما