اخيرا وبعد عذاب...اعادة رصف الأسفلت من قها الى طوخ على طريق اسكندرية الزراعي

**asbeats** · 17-08-2009 03:27 AM

بشرى سارة لجميع مستخدمي طريق اسكندرية الزراعي...

تم البدء في اعادة رصف المسافة من قها الى طوخ باتجاه اسكندرية...والجدير بالذكر ان هذه المسافة كانت تمتاز بكثرة الأخاديد والخنادق التي يمكنها ان تبتلع عربية نقل بالكامل بحمولتها دون ان يظهر لها اي اثر:b4_611:

والعاقبة عندكم في المسرات

**كابوس الليل** · 17-08-2009 03:47 AM

كانت تمتاز بكثرة الأخاديد والخنادق التي يمكنها ان تبتلع عربية نقل بالكامل بحمولتها دون ان يظهر لها اي اثر

يعنى ممكن نلاقى هناك عيال صغيرة تيهاة؟

**madoo** · 17-08-2009 03:59 AM

اخيرا
الحمد لله
دا انا كنت ببقى مرعةب وانا بعدى الحته دى
بشوف العربيات كلها عماله تترقص قدامى وانا سايق

**zanativich** · 17-08-2009 11:00 AM

يا ألف نهار أبيض....

**mada121977** · 17-08-2009 12:23 PM

الف مبروك ..لا واختاروا وقت ممتاز كالعاده مع دخول رمضان وسفر الناس المقيمين بالقاهره للافطار مع اهاليهم فى الاقاليم مما يؤدى الى زحمه مروريه رهيبه على الطريق علشان يخلوا الناس يستمتعوا بالحر والزحمه مع الصيام ...(ربنا ينتقم من المسؤلين على الطرق فى محافظه القليوبيه اشد انتقام ان شاء الله ).. وعقبال مدخل كفر شكر اللى بنقعد فيه ساعه لوحده

**Ashraf_Ashraf** · 17-08-2009 01:12 PM

ماتفرحوش قوى كده كلها اسبوعين بعد الرصف وهيرجع كل شئ زى ماكان قله ضمير اللى بيرصف واستخدام اسفلت غير مطابق
وقله ضمير المهندس اللى بيستلم الرصف وتقل حموله النقل عن حمولتها المقرره وعدم محاسبه النقل على كده
هيخلوا اى طريق لا يصلح
علشان كده بقولكم مش تفرحوا قوى لان الطريق اصلا كله مليان

**Ahmed Nouh** · 17-08-2009 09:15 PM

طبعا كالعاده هيكون الرصف عباره عن طبقه من المايونيز يليها طبقه ورق زبده ونرشهم كل يوم الصبح مرتين وكلها شهر ونلاقى الطريق نزل نص متر تحت الارض تانى

بصراحه من ما سبق وشوفناه من اعمال اعاده رصف على الطريق ده مش متفائل - ربنا يستر

**Dr Ahmed** · 18-08-2009 01:22 AM

المشاركة الأصلية كتبت بواسطة ash_rsi

ماتفرحوش قوى كده كلها اسبوعين بعد الرصف وهيرجع كل شئ زى ماكان قله ضمير اللى بيرصف واستخدام اسفلت غير مطابق
وقله ضمير المهندس اللى بيستلم الرصف وتقل حموله النقل عن حمولتها المقرره وعدم محاسبه النقل على كده
هيخلوا اى طريق لا يصلح
علشان كده بقولكم مش تفرحوا قوى لان الطريق اصلا كله مليان

هو دا اللى هيحصل بالضبط
غالبا الحتت اللى بتهبط لما بتتسفلت بنفس الطريقة بترجع زى ما كانت مع سير السيارات عليها