الكعب العالى ؟؟؟؟؟؟؟؟؟؟؟؟؟؟

**nabaster** · 17-08-2009 03:09 PM

المشاركة الأصلية كتبت بواسطة remomemo

انت ليه محسسنى انه جريمة انى موش عارفة اعضاء المنتدى انا أكيد موش قاعدة هنا بالساعات فى اليوم

انتي شايفه ان دي طريقه كويسه في الكلام وده رد كويس يعني؟؟؟

عموما يكفيني رد الاعضاء عليكي

المشاركة الأصلية كتبت بواسطة madoo

+++++++++++

سؤال وانا اسف ومتوقع رد مش هيكون ااقل من دول
هو ليه حضرتك بتكلمى بالطريقه دى ....بمعنى اصح اللى بيطلب مساعده اكيد بيكون اهدى من كده فى كلامه
واسف كمان مره

المشاركة الأصلية كتبت بواسطة A.Saad

انا شايف ان كلام حضرتك فيه انفعال شوية وبدون مبرر
وكلمة ان حضرتك حاسة انك دخلتى قهوة فالمنتدى ده اغلبنا بيعتبره بيته التانى لان من خلاله بنتعرف على بعض فى الحقيقة واغلبنا بيكون فى حيرة او مشكلة وبيلاقى اللى يساعدوه هنا لكن انتى بتعتبريه ايه دى حاجة تخصك انتى لكن بلاش تشبيه زى كدا
وياريتك وانتى بتسوقى تشوفى نسبة الرجال للسيدات
هتلاقى ان نسبة الرجال اكتر
فشيء طبيعى ان نسبتهم هنا اكتر
لكن المنتدى مليان بعضوات كتير بيننا وبينهم كل احترام وتقدير

المشاركة الأصلية كتبت بواسطة mohamedezat

متابع باستغراب

ليك حق يا محمد تستغرب لان احنا في المنتدي قلما بتمر علينا ناس زي كده متعرفش اصلا اصول الكلام ازاي ولا حتي اصول واداب طريقة السؤال

A.Yakout

**josephedward** · 17-08-2009 03:46 PM

في رأيي الشخصي إن الشبشب مريح بس مش آمن .... الأفضل من الشبشب هو الجزمة البلرينا ... فلات وخفيفة وسهل تحتها تحت كرسيكي وماتبانش ... ودي متوفرة وأكيد معظم لبسك الكاجوال يحتوي على جزمة من دول.....

**R A N A** · 17-08-2009 04:42 PM

المشاركة الأصلية كتبت بواسطة josephedward

في رأيي الشخصي إن الشبشب مريح بس مش آمن .... الأفضل من الشبشب هو الجزمة البلرينا ... فلات وخفيفة وسهل تحتها تحت كرسيكي وماتبانش ... ودي متوفرة وأكيد معظم لبسك الكاجوال يحتوي على جزمة من دول.....

هي دي اللي قصدي عليها "الجزمة البلارينا" (اصلي انا بسميها جزمة سندريلا عشان فيها شبه من الجزمة بتاعة سندريلا اللي كانت بتيجي كارتون

) ودي متوفرة جدا ونازلة بكل الاشكال والألوان وسعرها اصلا رخيص يعني معظمنا كبنات بتلاقي عندنا منها مالايقل عن 5 او 8 احذية من البلارينا دي وساعات لكل طقم البلارينا بتاعته بلون اللبس والشنطة كمان لإنها بتليق على كل اللبس عموما وعملية.
ودي مريحة جدا جدا في السواقة وكمان المشي لفترات طويلة.
خللي واحدة عندك دايما تحت الكرسي في العربية البسيها وانتي بتسوقي وخلاص

.
وبلاش slipper عشان مش عملي خالص مع حركة دواسات البنزين والدبرياج

.

**yse** · 17-08-2009 05:42 PM

أولا : اطلب السماح من كل رجالة المنتدى على مشاركاتي القيليلة

ثانيا : الموضوع ده لفت انتباهي وبشدة فقولت طبعا لازم ارد

واللي عرفته ان لي قريب في المرور قالي ان هما في المرور عايزين يزودوا الدخل فقام هيعملو ايه هيعملو لجان مرور وهيتم فيها الاتي :

اي واحدة (مغفى من اللجنة دي الرجالة) هيتبين انها بتسوق بكعب عالي هيتم اصدار مخالفة فورية بقيمة 50 جنية تحت بند (أمن ونتانة) مش(متانة )
واللواء فؤاد اللي هو عمل الفكرة ديه قال
(هناحد الخمسين جنيه هناخدها وسلملي على الكعب العالي )

خلي بالكو من اللواء فؤاد ياستات

**elwad_crazy** · 17-08-2009 06:14 PM

حضرتك ممكن تخلى صابوه مثلا او شبشب تحت الكرسي
ولو نازله من البيت بقي بكعب ممكن تدخلى العربيه وتقلعيه وتلبسي الشبشب او تسوقى من غير اى حاجه

ولو الموضوع ده هيسببلك كسوف مع حد يعنى ازاى هبقي بسوق بشبشب او حافي واقوم قدام الناس اغير والبس الكعب
انتى بقي ممكن تقوليلهم اتفضلوا انتوا لغايه مقفل العربيه
او اى حوار كده

**remomemo** · 17-08-2009 07:01 PM

المشاركة الأصلية كتبت بواسطة karim_mohy

يا جماعة اكيد خانها التعبير لان النتدي فيه عضوات بس واضح انك مش دائمة التواجد ولو تصفحتي المواضيع الاخري هاتلاقي عضوات مشاركات فيها
وعلي العموم نورتي المنتدي واكيد المشاركات التالية هاتلاقي العضوات ردوا عليكي بخصوص الكعب العالي
وربنا يستر طريقنا جميعا

شكرا جدا يا فندم واضح ان الناس هنا فهمو انى باشتم لما اقول قهوة انا اقصد ان المنتدى فعلا تقريبا كله رجالة موش بمعنى وحش والله العظيم بس سؤالى أكيد ماينفعش يرد عليه راجل لانه طبعا موش بيواجه المشكلة دى بس
بكل بساطة الموضوع مافيهوش لا انفعال ولا حاجة سؤال بسيط جدا

**remomemo** · 17-08-2009 07:03 PM

المشاركة الأصلية كتبت بواسطة r a n a

بصي ياستي :ob_mak1[1]:
بالنسبة للسواقة بالكعب العالي هي مس مستحيلة يعني

لأ هي ممكنة لكنها صعبة إلى حد ما ومش مريحة اوي زي السواقة بالفلات وأنا شخصياً لا أنصح بالكعب العالي سواء رفيع او سميك في السواقة تماما.
يعني انا مرة كنت لابسة كعب عالي رفيع وسوقت بيه عادي بدون مشاكل لكني مكنتش متحكمة بنسبة 100% في دواسات البنزين والدبرياج (وبالإخص دواسة الدبرياج لإنها بتحتاج لضغطة طويلة وعميقة عشان تعرفي تنقلي الغيارات) وساعات كمان الكعب كان بيغرس او بيشبك في الدواسة اللي محطوطة في الأرضية (عشان طقم الدواسات عندي على شكل دوائر صغيرة شبه المليم كدة) فعشان كدة مش بفضل اسوق وانا لابسة كعب عالي خصوصا لو طالعة على الطريق السريع كمان :ob_mak1[1]:.
فنصيحة مني شوفي عندك شوز فلات مريح يكون شكله قدم شوية وانتي بقيتي مستغنية عنه ومش بتخرجي بيه وحطيه دايما في العربية عندك ممكن تحت الكرسي مثلا (بس يكون مقفول "سوري في اللفظ" جزمة يعني مش شبشب) وتخرجي بالكعب العالي عادي ولما تركبي العربية تلبسي الفلات وتسوقي بيه عادي وقبل ماتنزلي تلبسي الكعب العالي اللي انتي عايزاه (انا عارفة ان موضوع تغيير الشوز خنيق شوية وشغلانة

) لكنه أأمن واريح كتير :b4_592:.
ومتتكسفيش من الحركة دي لإني اكتشفت ان في بنات كتير بتعملها عادي :b4_033:عشان فعلا السواقة بالكعب العالي مش آمنة واهم حاجة سلامتك وسلامة عربيتك.

ومعلش يمكن في ناس فاهمة ان الكعب العالي مجرد منظرة فاضية وبس :ka_che1[1]:.

لكنه ساعات فعلا بيكون اجباري في بعض المناسبات ومينفعش نلبس فلات فيها تماما يعني مثلا اللبس الفورمال او السواريه مينفعش معاهم فلات خالص :n_no[1]:.

شكرا رنا جدا والحمد لله فى حد واحد على الاقل موش زعلان هنا منى

هو الناس هنا بتتأمص بسرعة كده ليه ؟؟؟؟؟؟؟؟؟؟؟؟؟؟؟؟؟؟؟

**remomemo** · 17-08-2009 07:25 PM

المشاركة الأصلية كتبت بواسطة nabaster

انتي شايفه ان دي طريقه كويسه في الكلام وده رد كويس يعني؟؟؟

عموما يكفيني رد الاعضاء عليكي

ليك حق يا محمد تستغرب لان احنا في المنتدي قلما بتمر علينا ناس زي كده متعرفش اصلا اصول الكلام ازاي ولا حتي اصول واداب طريقة السؤال

a.yakout

انت ليه حولت كلمة بسيطة جدا لا تستدعى كل ده لانك تقول انى ما بفهمش فى أصول الكلام على فكرة انا مو ش صغيرة فى السن ومكن وده اكيد انى أكبر منك
عامة شكرا ليك جدا كلمة قهوة اللى مزعلاكم دى انا موش عارفة هى غلط فى ايه وانى موش عارفة عدد البنات اللى فى المنتدى موش جريمة تزعلك يا أستاذ تستدعى انك تقول انى موش بافهم فى اصول وآداب الكلام