الموضوع: الكعب العالى ؟؟؟؟؟؟؟؟؟؟؟؟؟؟

بصراحة ومحدش يزعل منى والحق حق وده مجرد رأيى واللى متقبله او معترض عليه اهلا وسهلا بقبوله او اعتراضه مادام فى حدود الذوق
انا هاجيبها على بلاطة كدة واقولكوا اللى مش عاجبنى فى الموضوع ده من طقطق لسلامو عليكم وبقول لتانى مرة ده مجرد رأى
اولا ماعجبنيش رد الاعضاء على بعضهم بأسلوب هجومى ده بدل ما كل واحد يحاول يوضح للتانى غلطه ((بأسلوب مهذب))
يعنى مثلا -ومحدش ياخدها من جهة انى بعدل عليكوا بالعكس خدوها انى نفسى نبقى احسن من كدة-
اولا كلام العضوة remomemo ومع خالص احترامى
"يا رب يكون فى المنتدى ستات أصلا انا من يوم مادخلت هنا حاسة انى دخلت قهوة"وكمان"انت ليه محسسنى انه جريمة انى موش عارفة اعضاء المنتدى انا أكيد موش قاعدة هنا بالساعات فى اليوم",,,,ممكن يكون مش قصدك انك تتكلمى بالاسلوب ده بس من عيوب النت انك مابتشوفيش ملامح اللى قدامك عاملة ازاى ف المفروض ان احنا نحاول ننقى كلام بحيث -فى اسؤأ الاحوال- ما يتفهمش غلط وممكن فعلا نستخدم الانيميشن واهلا بيكى كعضوة جديدة ومنورة المنتدى....كلام فى سرك "انا كمان جديد"

اما بالنسبة للعضو nabaster ومع خالص احترامى
"لان احنا في المنتدي قلما بتمر علينا ناس زي كده متعرفش اصلا اصول الكلام ازاي ولا حتي اصول واداب طريقة السؤال"
كان ممكن بدل الاسلوب الهجومى ده واللى من رأيى مش عاجبنى بتاتا انك ممكن تعرفها بأسلوب هادى عن كدة واعتبرها زى اختك وبردو فى بعض الردود اللى بعد كدة انت كنت قاسى فى ردك اوى ياريت نبقى اهدى من كدة
وبردو العضو zyadahmed
كان ردو هجومى وبعنف وشكله كان تار قديم بردو ياريت نهدى ردودنا عن كدة
واللى بطلبوا منكو بجد ان انتوا تعملو معاينة لكتابتكوا قبل ماتنشروها وتقروها مرة واتنين واللى تشكوا انه ممكن يتفهم غلط غيروه
وفى نهاية الكلام احب اسمع من كل واحد فيكوا جملة بسيطة كدة محبة من اللى هى كدة دى"كل سنة وانتو طيبين"وصلو على النبى كدة وكلنا اخوات هنا وبردو كل سنة وانتو طيبين