هااااااااام جدا يا جماعه ياريس ولا سيريون؟؟؟؟

[overline]
معلش يا جماعه عشان انا خلاص تعبت من كتر المقارنات
انا كنت ناوى اجيب الجين 2 وخلاص كنت هحجز وكله تمام وفعلا رحت وانا رايح قابلت ناس اعرفهم قالولى متزود شويه وتدخل فاليابانى اليابانى لا يعلى عليه ومعمر وقطع غياره متوفره وبتاع

وقعدوا لعبولى فدماغى رحت راجع تانى قلت ابص على اليابانى بصه عشان مارجعش اندم واقول ياريت اللى جرا مكان
دلوقتى انا محتار بين الياريس والسيريون والجين2

انا اهم حاجه عندى تكون سياره بتستحمل ومعمره وكويسه وقطع غيارها معقوله وموجوده والتوكيل كويس

بصوا انا بقارن بين السيريون 1500 مانيوال لو موجوده او اتوماتيك لو ال 1500 ده اتوماتيك بس
الياريس 1300 مانيوال فال اوبشن
جين 2 1600 مانيوال فال اوبشن

ربنا ميوقع حد فحيره زى اللى انا فيها دى
والف شكر للاعضاء الكرام واسف على الاطاله
[/overline][overline][/overline]

انا دى صوتى للسريون كأعتمادية وانتظر ردود ملاك السيارات الثلاثة وان شاء الله فى الصباح نحسم المقارنة ديه بما فيه الخير وربنا يوفقك
بس يا ريت تشرح شوية العربية استعمالها حيكون ازاى يعنى عائلة
ولا عربية شاب عشان وضع اليارس غريب بين السريون والجين
و مبروك مقدما

الف شكر ليك ياباشا على ردك

هو بص العربيه ليا انا شبابى يعنى بس انا مش بدور فالمقام الاول على الشكل انا بدور على حاجه تستحمل وتعيش تكون معمره عشان حضرتك عارف يعنى شاب وفبدايه الطريق ومش هتستحمل تبقى عربيه جديده وتتعب الواحد عاوز حاجه متتغيرش قبل 10-20 سنه وطبعا دى حاجه بتاعت ربنا فالاول والاخر

بس هو انا الاولويه عندى لعربيه تستحمل وتكون معمره وعمرها طويل وقطع غيارها متوفره وعربيه تكون اعتماديه يعنى انا بسافر كل شهرين تلاته بس اغلب حياتى فالقاهره هنا واغلب التنقلات فالبلد يعنى عاوز عربيه تستحمل السفر وتخدم فالبلد

واسف على الاطاله
وشكرا لاهتمام حضرتك ياباشا

الياريس ثم الجين تو ثم السيريون .

الياريس عائلية و شبابية برده و موفرة فى البنزين و يابانى زى ما الناس قالت لك ( خليك فى اليابانى ) .

بس انا رايي الشخصي ( جــيــن تـــو ).

جين 2 قوة وثبات وكماليات وشبابية بصرف النظر عن عيوب التقفيل البسيطة اللي قد تكون اختفت خالص

انا اقدر اتكلم عن السيريون لاني مجربها بقالي سنتين اهه بالنسبة للي انت كاتبه
1- عربيه معمرة اعتقد انها ياباني و مشهور عن الياباني انه معمر و تتساوي في كدة مع الياريس الجين تو انا مش متاكد بس بصراحه لما اشتريت خوفوني منها لان توكيلها عز العرب و الناس بتشتكي منه في العربيات العاليه بتاعته زي الستروين يعني انا اسف انت هتشتري اقل ماركه عندة و هي الجين تو و دة عن كذا تجربه لاصدقاء معاهم ستروين
2- عربيه تستحمل و الله انا السيريون طاحنها و اساسا سواقتي كلها جري و شد و كيك دوان و كل حاجة و العربيه ماشاء الله زي يوم ماشتريتها و يمكن احسن بعد التليين و اكيد برضة الياريس كدة
3- التوكيل عن تحربه توكيل ديهاتسو محترم جداا في المعامله و الاهتمام بالعربيه بس طبعا هو حرامي زي باقي التوكيلات و دي حاله عامه في مصر بس حرامي و بيعاملك كويس عكس غبور مثلا اللي حرامي و بيعاملك زفت كمان بس اسمع ان توكيل تويوتا هو افضل توكيل في مصر بس برضة حرامي
4- قطع غيار متوفرة طبعا دي الياريس تكسب فيها من غير جدال بس لو لاحظت هتلاقي السيريون ماليه الشوارع فهتلاقي قطع غيارها في الحرفيين بسهوله بس غاليه طبعا (((( غاليه بس ارخص الياباني ))) و صدقني ربنا يكفيك شر الحوادث لو حافطت علي العربيه و عملت الصيانات في مواعيدها سواء جوة التوكيل او مع نفسك برة العربيه هتعيش معاك
5- كاعتماديه السيريون واخد صاحبي راح بيها الغردقة صد رد في نفس اليوم و معايا انا سواء سفر جوة المدينه بصراحه مريحه جدا و اعتقد اكيد الياريس كمان
6- الياريس عاليه و دي ميزة حلوة و سيدان زي ما المصريين بيحبوا عربيه تملي العين بس الوسع الداخلي السيريون تكسب بكتتتتتتتتتتير ماعدا الشنطة طبعا العربيه بتاخد 3 ورا مستريحيين علشان سقفها عالي و صالونها واسع

رأيي انا بقي انزل روح توكيل ديهاتسوا و توكيل تويوتا و عز العرب كمان و امسك التلات عربيها اغسلهم شوف كل حاجة و استفسر عن كل حاجة مش اسعار قطع غيار بس اسال كمان عن مصاريف العماله و اسال عن شوية حاجات و بتتغير كل اد ايه يعني فلتر هوا فلتر بنزين بوجيهات لان ممكن تبقي الحاجة اغلي بس معمرة اكتر فبتبقي اوفر
انا اسف طبعا مش هقدر افيدك في الجين تو لان معنديش معلومات عنها اوي علشان مظلمهاشبس انا من رايي ان السيريون ال 1500 سي سي

خليك فى الياريس احسن
لإن السيريون فيها مشاكل فى علبة الدريكسيون و قطع غيارها بتتأخر فى التوكيل أحيانا

انا من رايى تروح التوكيلات التلاته ومش تسمع تشوف بعينك شكاوى الجمهور فى كل توكيل بس انا من راى الياريس
توكيل+قطع غيار+شبابيه وعائليه ده غير بقى سعر اعادة البيع وربنا يوفقك ومش تنسى الاستخاره طبعا

اقتباس:

---

المشاركة الأصلية كتبت بواسطة sharky

خليك فى الياريس احسن
لإن السيريون فيها مشاكل فى علبة الدريكسيون و قطع غيارها بتتأخر فى التوكيل أحيانا

---

أنا بأكد كلام شاركى وخش قسم ديهاتسو وشوف المشكله بنفسك

انا كنت فى نفس حيرتك دى
شدتنى السيريون جدا جدا
و بعدين لاقيت الياريس سعرها نزل ورجع زى ما كانت الاول
اى نعم لسة مرتفع بس عربية حلوة جدا
و بقت منتشرة انتشار رهيب دلوقتى
و سعر اعادة بيعها حلو برضه
احلى من السيريون
و كمان لو معاك اسرة كده زى حالاتى يبقى انت محتاج الياريس
عشان الشنط ...... وانت عارف المصريين لما بيسافروا .......
مش بيهون عليهم يسيبوا حاجة وراهم .......:36_1_1[1]:
يعيب الياريس بس عدم الثبات بعد 120 كم ... وده لانها سيارة مدينة فى الاساس
و كمان بصراحة تشطيب الياريس من الداخل روعة و فخم عن السيريون و الجين 2
انا عن نفسى مستنى شوية .... منها اكبر المقدم .....لانى هاقسط ان شاء الله
و نفسى اوصله 50% او حتى 40% عشان ارتاح فى القسط ......و برضه لانى متوقع انه الاسعار هاتنزل
من هنا لاخر السنة دى .....
و انا اخترت مانوال هاف اوبشن سعرها معقول..... عن الفول اوبشن و هاتوفر 7 الاف جنيه .....فى ازاز كهربا و سنتر

وربنا يديك الخير ان شاء الله

الياريس افضل و يعيبها عدم الثبات على السرعه العاليه

اقتباس:

---

المشاركة الأصلية كتبت بواسطة mimo3000

الف شكر ليك ياباشا على ردك

هو بص العربيه ليا انا شبابى يعنى بس انا مش بدور فالمقام الاول على الشكل انا بدور على حاجه تستحمل وتعيش تكون معمره عشان حضرتك عارف يعنى شاب وفبدايه الطريق ومش هتستحمل تبقى عربيه جديده وتتعب الواحد عاوز حاجه متتغيرش قبل 10-20 سنه وطبعا دى حاجه بتاعت ربنا فالاول والاخر

بس هو انا الاولويه عندى لعربيه تستحمل وتكون معمره وعمرها طويل وقطع غيارها متوفره وعربيه تكون اعتماديه يعنى انا بسافر كل شهرين تلاته بس اغلب حياتى فالقاهره هنا واغلب التنقلات فالبلد يعنى عاوز عربيه تستحمل السفر وتخدم فالبلد

واسف على الاطاله
وشكرا لاهتمام حضرتك ياباشا

---

متهيقلى على اللى انته طالبة انته محتاج المانى طالما اهم حاجة عندك العمر الإفتراضى وتكون معمرة ومتهيقلى انا لقيت اللى انته محتاجة بردة بما ان الشكل مش فارق معاك كتير
شوف ديه وقولى إيه رأيك

http://www.nilemotors.net/Nile/60639-roomster.html


http://www.nilemotors.net/Nile/55862...er_2009-a.html

الف شكر ليكم يا جماعه
وشكرا على ردودكم واهتمامكم

ربنا يجازيكم خير يارب

انا من رايي يا باشا خليك في الياريس احسن عشان سيدان وعملية و1300 يعني موفرة جدا في البنزين وتكنولوجيا حديثة طبعا شركة تويوتا لا غبار عليها من حيث الاعتمادية

انا شايف ان الياريس تكسب على طول ,,

بصراحة مش شايف اى حاجة فى العربيتن التانيين زايدة عن الياريس ,, بالعكس الياريس فيها مميزات اكتر كتير

سيبك من الأتنين واشتري ابيزا احسن

توكل علي الله واشتري يارس لان شركه تيوتا شركه يعتمد عليها

أرشحلك السيريون بشدة

اقتباس:

---

المشاركة الأصلية كتبت بواسطة justs

سيبك من الأتنين واشتري ابيزا احسن

---

إذا تقدر علي سعر الإيبيزا يكون احسن طبعا، عربية الماني علي ما اظن انها اخت البولو زي ما الليون اخت الجولف.
بس انا اعتقد انها اغلي كتير من اختياراتك تقريبا كانت ب ١١٠،٠٠٠ من ٥ شهور كده سألت عليها كانت موديل ٢٠٠٩ معرفش دلوقتي بكام.

انا كنت في نفس حيرتك واخترت السيريون
لأني كنت باقارن بين سيريون أوتوماتيك وياريس مانيوال
والسيريون الأوتوماتيك انتصرت :)
أظن لو كانت ظروفي تسمح إني أرتقي في السعر للياريس الأوتوماتيك كنت هاختار الياريس
بس الحمد لله رب العالمين اختياري مش ندمان عليه
وهي بصراحة أفضل اختيار لو بتدور على أرخص سيارة أوتوماتيك وياباني بسبب سمعة الياباني الحسنة في الأوتوماتيك
العربية ممتازة من جميع النواحي

وبالنسبة لمشكلة علبة الدركسيون هي ظاهر عندي أثرها في صوت بيحصل في الدركسيون أثناء السير على الأرض غير الممهدة
بخلاف الصوت مفيش أي تأثير على الأداء عندي
ولا زلت مش عاوز أروح أغيرها بالعلبة الجديدة في التوكيل لأني حاسس ان التوكيل لسة موصلش لحل أمثل لها بالرغم من ان تغيير العلبة بيتم مجاناً هناك.

على فكرة مظنش إن فيه فرق كبير بين التوكيلين في أسعار الغيار والعمالة
الاتنين أسعارهم عالية في رأيي
على الرغم إن فيه ناس كتير بتقول ان دي الأسعار المعتادة من التوكيلات الياباني

ربنا يرزقك حسن الاختيار وطبعاً مش هانوصيك بالاستخارة قبل الشراء

انا رايي لك انك الأول تسخير الله عزو وجل وتكثر من الأستخارة لكي ترزق الخير ان شاء الله

ترتيبي في الأختيارات :
ياريس
سيريون
جين تو

اقتباس:

---

المشاركة الأصلية كتبت بواسطة أبو عبدالله

انا رايي لك انك الأول تسخير الله عزو وجل وتكثر من الأستخارة لكي ترزق الخير ان شاء الله

ترتيبي في الأختيارات :
ياريس
سيريون
جين تو

---

دا الكلام اللى من الاخر
+1

بصوا يا جماعه الموضوع كل مدى بيتعقد اكتر يعنى دلوقتى باجماع الاعضاء الياريس اكتسحت فالمقارنه مع الجين 2 والسيريون وانا اوافق مع الاكتساح ده خاصتا بعد معرفت ان عداد السيريون 140 بس

فكده الموضوع اتغير وكمان انا ممكن ازود شويه فالموضوع اتغير خالص دلوقتى بقت المقارنه بين:
1-ياريس
2-لانسر
3-سكودا رومستر
4-ايبيزا

مانيوال كله

وزى مقلتلكم انا اهم حاجه العمر الافتراضى للعربيه وتكون معمرى ده طبعا بمشيئه الله تعالى

معلش يا جماعه انا عارف والله انى اسئلتى كتيره ومقارناتى كتيره بس انتوا عرفين انا مش هدفع حاجه بسيطه ده شقى العمر كله هيتحط فيها

واسف مره اخرى على الاطاله

وربنا يجازيكم خير ويوفقكم

وشكرا جزيلا لردود الاعضاء واهتمامهم

وبالنسبه للاستاذ بيشوى انا شفت الرومستر وعجبتنى جدااااااااااااااااااا وكمان عجبنى حكايه ان اول صيانه بعد اول 10 الاف كيلو ده يدل على ثقتهم فالعربيه وانها فعلا عربيه تستاهل

هنشيل الرومسترررر توكيل زباله وقله زوق والعربيه اصلا مش موجوده

اتصلت بالكول سنتر 16616 ردوا عليا وسالت على حبه حجات وقلتلهم عاوز اتفرج على العربيه قالولى روح العجوزه او المقطم
اتصلت بالعجوزه قالى العربيه مش موجوده عندهم واتصلت بالمقطم قالى نفس الكلام قلتله ده فالعجوزه مش موجوده كمان قالى هى العربيه مش موجوده انا الفرع الرئيسى وعارف كل حاجه والعربيه مش موجوده
قلتله يعنى هى مش موجوده خالص قالى اه مش موجوده بقله زوق كده

كده خلاص الرومستر مش عاوزها

[frame="4 80"]عداد السيريون 140 بس[/frame]

عداد السيريون 220 كم/س

روح شوف الأبيزا وانت مش هتفكر خالص في سيريون ولا ياريس ..

موتورها 1600 فولكس واجن وستيبترونيك وخاماتها وتقفيلها كويس جدا وسعرها من كونتاكت كارز 109.500 ومتهيألي مش بعيد عن رينجح السعر بتاع السيريون والياريس وطبعا افضل من الأتنين في كل حاجة

اقتباس:

---

عداد السيريون 140 بس

---

مين قال لحضرتك كده
العداد حضرتك 220

لو بتدور على اعتمادية وتوافر قطع غيار وميهمكش الشكل يبقى لانسر
لكن انا فى الحيرة بتاعتك وكنت عايز اجيب سيريون لكن فوجئت ان الاوتوماتيك ب 85 الف فقلت لا يبقى اليارس احسن
صحيح السيريون اوسع من جوا لكن الياريس معاها شنطة


بي لو انت بتتكلم على سيريون مانويال اعتقد بتبدا من السبعينات ولا ايه؟

السيريون بتبدأ ب72 الف جنيه
و دى اللى هيا سيريون وان
1000 سى سى و جميع الكماليات و فيها 2 ايرباج :B4_388:

بش حكاية انها اوسع فى الصالون الداخلى ...... اعتقد لالالالا
ده حتى المسافة بين العجلتين فى الياريس اكبر من السيريون بحوالى 7سم و العرض الياريس اكبر بحوالى 2 او 3 سم على ما اذكر.......:majd(4):

و يعيب الاتنين كأى سيارة حديثة يابانى الصاج ضعيف اوى ...... يعنى اقل خبطة هاتبقى حكاية و هاتغير اللى يتخبط:_Alshmokh08[1]:

لو انت معاك يعنى و العملية مرتاحة هاتلك لانسر شارك ....... بصراحة شكلها روعة وجامدة اوى بس بيهيالى مفهاش اير باج ......اى نعم هاتدفع اكتر شوية بس حاجة تستاهل ....... واعادة بيع ممتازة :verygood:


و الله اعلم

انا يا جماعه والله مش قصدى افتى لما قلت ان السيريون عدادها 140 انا شفت كده فالبرشور بتاعها انا ماتتفرجتش عليها فمعارض او ركبتها او كده انا كان اعتمادى على البروشور

http://up.arab-x.com/Aug09/dKB90595.jpg

انا والله يا جماعه فعلا بدأت افكر فالانسر فعلا بس البوما (الشكل القديم) فرقها بسيط وكله بيقولى انها احسن من حيث قطع الغيار والاعتماديه
فايه رايكوا ؟؟

معلش انا عمال اجيب فحجات واطلعكوا من موضوع لموضوع بس انتوا عرفين الواحد فالحيره بيبقى عامل ازاى ربنا ميوقعكوا فحيره

وجزاكم الله كل خير
وشكرا لكل من شارك وربنا يجازيه خير يارب

اقتباس:

---

المشاركة الأصلية كتبت بواسطة justs

روح شوف الأبيزا وانت مش هتفكر خالص في سيريون ولا ياريس ..

موتورها 1600 فولكس واجن وستيبترونيك وخاماتها وتقفيلها كويس جدا وسعرها من كونتاكت كارز 109.500 ومتهيألي مش بعيد عن رينجح السعر بتاع السيريون والياريس وطبعا افضل من الأتنين في كل حاجة

---

+1

لو مش كده يبقي السيريون

Yarisssssssssss.

خلي بالك، لو جيت تبيع الياريس، هتجب سعرها تقريباً أما ال-ibiza سعرها ضايع

خليك فى اللانسر او اليارس الأتنين بقوا عربية شعبية بالذات اللانسر قطع غياربالهبل فى السوق مافيهاش مشاكل فى الثبات الأتنين زى بعض تقريبا فى متانة العفشة اليارس تكسب فى اعادة البيع برده الأتنين كويسين فى الوسع اللانسر تكسب والتوكيلين مسمعتش عنهم اى مشكلة.فى التكنولوجيا ووسائل الأمان اليارس افضل بس مش هاتفرق كتير