صور مسجد الرحمن الرحيم ( توشيبا العربي ) بصلاح سالم ... قبل الافتتاح

**ahmed4000** · 17-08-2009 10:41 AM

كالعادة الردود حتترك اصل الموضوع
انا مقولتش ميبنيش وميعملش تكييف ومقولتش انه مبيصرفش على حاجة تانية

بس بالاضافة للى بيتصرف فى اوجه خير تانية بدل مبنى الجامع مثلا ب 10 مليون كان بناه بمليون بس وال9 مليون التانين فى مليون حاجة محتاجهم: تعليم- مستشفيات- ناس بتموت علشان قرش- ارامل- ايتام................زالخ

وبكده ابقى حققت نتيجة احسن وبرده الجامع اتبنى واتجهز

معلش ايه علاقة الزخارف بالروحنيات؟ يعنى مش حخشع الا اذا كان فى زخارف؟

**aif** · 17-08-2009 10:42 AM

المشاركة الأصلية كتبت بواسطة ahmed4000

سؤالى يبان غريب شوية بس دايما بيلح عليا لما اشوف مسجد بمأذن عالية وديكورات وزخارف

هو مش فى ناس اولى بالفلوس دى

يعنى ايه المشكلة لما نعمل مسجد عادى بدون بهرجة وتكاليف

الصلاة حتبقى اقل فيه لا سمح الله؟

علشان اكد تانى...انا مبقولش منبنيش جوامع لكن منصرفش كل التكلفة دى ونوجه لعمل خير تانى برده

انا متفق معك تماما ...

تكلفة المأذنة الواحدة ممكن تبني 3 او 4 مساجد ... خاصة في القرى المحتاجة للمساجد بشدة
...
انا سألت السؤال ده للناس اللي في المسجد .... طبعا هما معندهمش رد مقنع
لكن بيبقى مبررهم انهم بيعملو صرح اسلامي ... مسجد ومكتبة ودار مناسبات و تحفيظ قرآن و ممكن عيادة .... فصرح كبير زي ده بيبقو عاوزينه بالشكل اللائق ... زخارف ومآذن وخلافه
..... ده كلامهم لكنني بالطبع غير مقتنع به
انا ليا صديق بيبني مساجد في القرى بدعم من ناس أفاضل خارج وداخل مصر ....المبنى بدون مآذن وزخارف و بالاساسيات فقط بتكون تكلفته بسيطة جدا ... يعني اقل من ربع تكلفة مأذنة من مآذن المساجد الكبيرة ..... وبيبقى مسجد ودار تحفيظ قرآن ودار علم للدروس الشرعية
يعني من الآخر بيبقى اكثر نفعا للمسلمين
......
الاسلام انطلق من مسجد الرسول عليه الصلاة والسلام ..... كان بلا مآذن .... وكان سقفه من سعف النخيل .... واعمدته من جذوع النخيل ..... كان بناءه بسيط .... لكنه اخرج للأمة ابطال .... نشروا الدعوة في مشارق الارض ومغاربها
لكن تقول ايه ..... نحن في زمن المظاهر
ومش بس عندنا .....
انظر الي مسجد الشيخ زايد في ابو ظبي .....بل انظر الى الحرمين الشريفين .....

**GoldenManEye** · 17-08-2009 10:48 AM

ما شاء الله، المسجد تحفه.

**Terrible_DaRsH** · 17-08-2009 10:51 AM

المشاركة الأصلية كتبت بواسطة aif

انظر الي مسجد الشيخ زايد في ابو ظبي .....بل انظر الى الحرمين الشريفين .....

والله يا حاج احمد انا مش عارف اتفق معاك او اختلف , و لكن فى دولة زى الامارات تقريبا لا يوجد فقراء من الاصل علشان كدا الاموال الزائدة من الافضل انها تبنى مساجد فيها خدمات افضل للناس .

**aif** · 17-08-2009 10:54 AM

المشاركة الأصلية كتبت بواسطة terrible_darsh

الخشوع فى الصلاة شيء و الجلوس فى المسجد شيء تانى خالص .

بس لو انت عرفت انه بيزكى باموال كبيرة و بيتصدق برده باموال كبيرة و من كرم ربنا عليه قرر انه يبنى مسجد يليق بالاسلام و المسلمين هيكون ايه رايك ؟

و لو على كلامك ده يبقي مشروع تطوير الحرم و ما بيتم صرفه على المشروع يبقي تبزير بقي !

للأسف يا درش فيه نواحي كتير منها تبذير فعلا
التوسعة شيء مطلوب
التكييف شيء مطلوب
الفرش شيء مطلوب
النظافة شيء مطلوب
....
لكن تخيل علشان يعلو المسعى بين الصفا والمروة .... هدمو المأذنة العملاقة التي تقع فوق الصفا .... هدموها تماما .... ثم اقامو الدور الثالث من المسعى .... ثم بنو المأذنة من جديد .... وارتفاعها 90 متر .... يعني 30 دور ......ممكن تراجع الموضوع اللي في توقيعي ح تلاقي صورة المآذنة دي
....
ده يبقى تبذير ولا لأ ؟؟؟؟؟؟؟؟؟؟؟؟

**aif** · 17-08-2009 11:02 AM

المشاركة الأصلية كتبت بواسطة terrible_darsh

والله يا حاج احمد انا مش عارف اتفق معاك او اختلف , و لكن فى دولة زى الامارات تقريبا لا يوجد فقراء من الاصل علشان كدا الاموال الزائدة من الافضل انها تبنى مساجد فيها خدمات افضل للناس .

الامر نسبي يا درش
الامارات ليس فيها فقراء ..... ممكن ده يكون صحيح
لكن فيه مسلمين في اماكن اخرى بيموتو من الجوع
وكمان فيه احاديث كثيرة في النهي عن زخرفة المساجد .... ممكن تعمل سيرش عن النهي عن زخرفة المساجد ح تلاقي حاجات كتير
....
احنا فعلا خرجنا عن الموضوع الاصلي
عموما مهما يكن ..... من ينفق على المساجد مهما كان اختلافنا في الامر .... خير الف مرة عن من ينفق المليارات على المهازل الموجودة حاليا
فيه غيره انفق ملايين على الفنانات ....
...
ربنا يتقبل منه ان شاء الله