باركولي يا جماعة اخيرااااااا جبت النترا زيرو

عرض للطباعة

17-08-2009, 08:58 AM
dr_abooody

باركولي يا جماعة اخيرااااااا جبت النترا زيرو

الحمد لله جيبت امبارح النترا مانيوال زيرو من ابوغالي موتورز مدينة نصر

العربية ما شاء الله جميلة جدااا

بس فيها شوية حاجات كدا عايز اسأل عليها

1-السنترا لوك لما اقفل العربية الازاز مش بيقفل معاها
يعني الازاز بتاع العربية لازم اقفلة كلة بنفسي قبل ما انزل من العربية
يعني الازاز مالوش علاقة بالسنتر و دة حاجة غريبة مع ان خالي عندة الازاز بيقفل مع اللوك بتاع الريموت

2- كل ما افتح الباب او اعمل اي حاجة و المفتاح بيكون في الكونتاكت تفضل تشغلي انتظار كدا مش بيرضى يبطل غير لما اقفل الباب عايز اعرف دة بيتقفل منين دة
17-08-2009, 10:00 AM
EslaM_NagY

الف مبررررررررررررررررررروك

بالنسبة للسنتر فهو فعلا مش بيقفل الازاز اكيد عربية خالك هو مركب فيها وحدة رفع

الانتظار دا عشان لو مثلا حتنزل حد وفى عربية وراك يعرف انك واقف - هو مبيتقفلش على ما اعتقد.
17-08-2009, 10:35 AM
alihussien2

مبرووووووووووووووووك ماقلتش موديل كام؟ وسعرها اد ايه؟
17-08-2009, 10:36 AM
alihussien2

انا اسمع ان موديل 2010 هاتش؟
17-08-2009, 10:47 AM
Karim_Mohy

الف مبرووك
وربنا يديك خيرها ويكفيك شرها
17-08-2009, 11:51 AM
dr_abooody

الله يبارك فيكم يا جماعة

العربية جبتها من ابو غالي موتورز هي موديل 2009 مانيوال و كيل مش خليجي جبتها على 91 و اخدت خصم 500 ج يبقى 90 الف 500
17-08-2009, 12:43 PM
Hosam_Optrawy

الف مبروك
17-08-2009, 02:26 PM
dr_abooody

معلش هتقل عليكم بس انا كنت عايز اجيب فرش جلد و غطا للعربية و دواسات اية احسن مكان اجيب منة الحاجات دة
17-08-2009, 10:02 PM
Ahmed Sharaf

الف مبروك على العربية وربنا يديك خيرها ويبعد عنك شرها.
حضرتك ممكن تروح سبير كار فى باب اللوق , هتلاقى عندهم خامات كويسة واشكال كتير واسعار متنوعة وبيركبوا الفرش الجلد كويس جداً.
18-08-2009, 11:27 PM
tarekabosdera

اقتباس:

المشاركة الأصلية كتبت بواسطة dr_abooody

معلش هتقل عليكم بس انا كنت عايز اجيب فرش جلد و غطا للعربية و دواسات اية احسن مكان اجيب منة الحاجات دة

الف الف مبروك . اختيار موفق ان شاء الله والالنترا عربية رائعة.

انا فرشت الالنترا بتاعتي جلد بيج من سبير كار. ده من احسن محلات مستلزمات السيارات والناس كلها بتشكر فيه.

له 3 فروع : 20 شارع نوبار - باب اللوق - امام وزارة الداخلية.
وفي فرع في امتداد شارع رمسيس.
وفي فرع في السيدة زينب.

والف مبرووووووووووك تاني:120105~352:
19-08-2009, 02:01 AM
amrnader

مبروك يا باشا،

انت بتسأل عن وحدات الرفع بتاعة الازاز. انا عندى موجودة فى موديل 2008 بس سمعت ان غبور شالها بعد كدة، فلازم انت اللى تركبهم لو عايز.
19-08-2009, 02:18 PM
Samah AbdAllah

الف مبروك وان شاء الله ربنا يباركلك فيها
19-08-2009, 05:21 PM
tefeamer

الف مبروك وربنا يكفيك شرها

انا معيا النترا 2008 فيها وحدات رفع ، بص يا استاذى غبور لما رخص العربية يعنى انا جبتها ب 96500 فلما رخصها شال منها الروافع اللى هيه مئوله عن رفع الزجاج لما تقفل العربية يعنى حب الا ايه يوفر شوية لكن انت ممكن تركبها عند السجان بشارع دمشق بمصر الجديدة ده لان الوافع والانذار بيتركبوا فى مصر يعنى العربية بتنزل من كوريا من غير انذار وروافع فغبور ركب الانذار لكن وفر الروافع ، ثانى حاجة حكايت النور بتاع العربية هو بيفضل شغال لغاية لما تقفل العربية وده وسيلة من وسائل الامان انه يعرفك بخلاف لمبة الباب اللى بتنور فى التبلوه وعاها النور فتعرف ان فيه باب مفتوح او اللى وراك يعرف انك واقف بتنزل حد مثلا وده مش عيب ده ميزة واسف على الاطاله
19-08-2009, 08:49 PM
dr_abooody

اقتباس:

المشاركة الأصلية كتبت بواسطة tefeamer

الف مبروك وربنا يكفيك شرها

انا معيا النترا 2008 فيها وحدات رفع ، بص يا استاذى غبور لما رخص العربية يعنى انا جبتها ب 96500 فلما رخصها شال منها الروافع اللى هيه مئوله عن رفع الزجاج لما تقفل العربية يعنى حب الا ايه يوفر شوية لكن انت ممكن تركبها عند السجان بشارع دمشق بمصر الجديدة ده لان الوافع والانذار بيتركبوا فى مصر يعنى العربية بتنزل من كوريا من غير انذار وروافع فغبور ركب الانذار لكن وفر الروافع ، ثانى حاجة حكايت النور بتاع العربية هو بيفضل شغال لغاية لما تقفل العربية وده وسيلة من وسائل الامان انه يعرفك بخلاف لمبة الباب اللى بتنور فى التبلوه وعاها النور فتعرف ان فيه باب مفتوح او اللى وراك يعرف انك واقف بتنزل حد مثلا وده مش عيب ده ميزة واسف على الاطاله

الله يبارك فيك

يا باشا مفيش اطالة و لا حاجة دة انت نورتنا

انا كان عندي سؤال بس في الانذار بتاع العربية

هو دلوقتي صوتة منخفض شوية دة غير انة حساس اوي لاي لمسة

اعمل اية عشان اعلية و اقلل الحساسية بتاعتة كمان

كمان في حاجة غريبة اني لما افتح العربية بالمفتاح عادي بتفضل تشغل انذار كأني حرامي بحاول افتحها يعني لازم افتح بالريموت عشان ما تعملش دوشة ؟
19-08-2009, 10:16 PM
M.Osman

ألف مبروووووك يا باشا... ربنا يديك خيرها و يبعد عنك شرها
20-08-2009, 03:24 AM
mido_919

الف مبروك وربنا يديك خيرها ويكفيك شرها
20-08-2009, 03:15 PM
tefeamer

اقتباس:

المشاركة الأصلية كتبت بواسطة dr_abooody

الله يبارك فيك

يا باشا مفيش اطالة و لا حاجة دة انت نورتنا

انا كان عندي سؤال بس في الانذار بتاع العربية

هو دلوقتي صوتة منخفض شوية دة غير انة حساس اوي لاي لمسة

اعمل اية عشان اعلية و اقلل الحساسية بتاعتة كمان

كمان في حاجة غريبة اني لما افتح العربية بالمفتاح عادي بتفضل تشغل انذار كأني حرامي بحاول افتحها يعني لازم افتح بالريموت عشان ما تعملش دوشة ؟

استاذى الفاضل صوت الانذار فعلا منخفض ومالوش حل فى انك تعليه لكن مسالة الانذار بيشتغل ده الحساس بتاع الانذار عالى شفت بقى الحاجة اللى بنعملها فى مصر صوت الاذار منخفض مع انه المفروض عالى وحساس الانذار عالى مع انه المفروض يبقى منخفض عموما انت فى الصيانة فى التوكيل قلهم وهما يضبطوه او اى كهربائى لانه سهل وبعيد عن ضفيرة كهرباء العربية .
ثانى حاجة انت قفلت العربية بالانذار يبقى لازم تفتح بالانذار وده مش علشان الصوت بس ده لو حاولت تدور العربية بمفتاحها الاصلى مش هدور الا لما الانذار يفصل ولو عايز تفتح العربية بالمفتاح يبقى لازم تقفل بالمفتاح فقط من غير ما تستعمل الانذار لكن الانذار آمن واسهل واليك فوائده .
الضغط مرة واحدة على القفل يقفل العربية
الضغط مرة واحدة على الفتح يفتح العربية
الضغط مع الاستمرار على القفل يعطيك انذار وده لو انت راكن فى مكان مزدحم يساعدك على العثور على العربية بسرعة
الضغط مع الاستمرار على الفتح يتم فتح العربية مع فتح الشنطة وفى حالة ما لم يتم فتح اى باب يتم اعادة الغلق تلقياً
25-08-2009, 06:02 AM
Eng_Mostafa_89

الف مبروك يا باشا وربنا يديك خيرها ويبعد عنك شرها
07-09-2009, 07:57 AM
islamkhidr

ألف مبروك ربنا يديلك خيرها ويكفيك شرها

رمضان كريم