عرض للطباعة
فهل هو متواجد فى مصر--هو يحل محل شنط السفر ويوضع بالطبع فوق سطح السيارة--ومنة احجام مختلفة --ياريت لو احد الاخوة عندة اى فكرة عنة-يساعدنى ---بالاضافة الى حامل ((العجل )) او(( البسكليتة ))-ويوضع فى مؤخرة السيارة ومنة ما يكفى عدد 2 او 3 عجلات او بسكليتات--مفروض انها كلها لوازم رحلات ياريت حد يقدر يساعدنى فيها --واذا كانت متوفرة فعلا فى مصر -
حامل العجل انا شفته فى كارفور و اعتقد ممكن تلاقيه فى كذا مكان تانى ... انما الشنطة دى انا بشوفها فى العربيات اللى داخلة جمرك بس و غالباً مش موجودة فى مصر و الله أعلم
تعرف سعرها كام تقريبا يا استاذ جنيدى؟
لأ بصراحة مش فاكر سعرها ... لكن حأحاول اشوف السعر ان شاء الله فى اقرب زيارة لكارفور و أقولك عليه
كما عهدناك يا استاذ احمد جنيدى صاحب واجب وفعلا كلك ذوقك--انا بصراحة نزلت اشتريها النهاردة من هنا --وكان سعرها 89 ايورو --وعليها تخفيض اصبحت 69 ايورو --والذى منعنى ان وجدت وزنها تقيل شوية --فقلت انتظر قليلا حتى ارى اخبار الوزن قبل نزولى مصر --ومن ثم وبعد ان وجدت هذا القسم الرائع للبيع والشراء --فى موقعنا --فقلت اعرض الامر لعل وعسى --والحمدلله حضرتك رديت --انا مش مستعجل يا استاذ جنيدى امامى حتى يوليو يعنى لو حضرتك رحت كارفور فى هذة الفترة يبقى كتر خيرك ويا سلام بقى لو تشوف الكوفر كمان--مش طمع والله بس عشم --شكرا لحضرتك :P :P :P :P :P :P :P :P :P
انزل شارع الجمهورية عند ابو الجوخ بتاع العجل حتلاقى عنده المصرى و الايطالى و ده بيتراوح ما بين 60 للمصرى تقريبا و بيزيد بالنسبة للايطالى ممكن يبتدى من 120 جنيه تقريبا
و ممكن لو نزلت التوفيقية حتلاقيه هناك --- ممكن تسال عند بطاح اللى جنب سينما ريفولى
لكن معقولة هو دة السعر --60 جنية و120 --طبعا حضرتك عرفت انا اقصد حامل العجل الذى يثبت فى مؤخرة السيارة--ويتحمل عدد 2 او احيانا 3 عجلة----وشكرا لرد حضرتك والاهتممام
انا جايب واحد من سنتين تقريبا و كان ايطالى من عند ابو الجوخ اللى فى شارع الجمهورية
أبو الجوخ عنده الحامل وسعره يبدأ من 100 جنبه
والكفر موجود في ش دمشق وبيبدأ سعره من 800 جنيه إلى 1500 حسب الحجم وبيحتاج تجهيزه مخصوصه بـ120 تقريبا عشان يركب عليها وشوفت محل في مدينة نصر عنده تشكيله جميله من الكافرات دي بكل أحجامها وأشكالها
[align=right:a0852a6780]أستاذ جنيدي
منور المنتدي والله
لازم بقي نشوفك لما تنزل
بالنسبة للكوفر العلوي اللي بيتحط فوق السقف علي حاملين ده تمنة 1500 جنية تقريبا
وتقريبا عشان هو انواع في اقل بس الحلو كان ده تمنه وفي اغلي كمان
هو شكله صغير لكن مساحتة رهيبة لما فتحتة عجبني جدا وكنت مستني اشوف في التوكيل لو ركبت الحاملين دول هايطبق او يعلم في السقف ولا لاء
وبالنسبة لحامل العجلة اللي بيشيل عجلة واحدة في حدود 70 وفي نوع تاني باخد اكتر بيوصل ل 150 بس خد لو حملت علية حاجات تقيلة مش مضمون عشان كله علي كلبسات
حتي الغالي منه علي كلبسات فخد بالك من الوزن-حتي في نوع تاني بحزام بس نهاية الثبيت بكليبس برضة
تنزل بالسلامة ان شاء الله
اخوك في الله
كريم منير[/align:a0852a6780]
--فعلا معلومات خطيرة وسعر الحامل يعتبر مفاجاة --لكن سعر الكوفر هو -هو تقريبا يمكن عندنا هنا يزيد حاجات بسيطة--وانا ارى انة مهم خاصا لو هناك عائلة واطفال اكيد محتاج-مساحة اكبر والكوفر يوفر هذا المساحة ويجعل السيارة او داخل السيارة --لك ولعائلتك فقط --اى حاجة تانية تضعها فى الكوفر --وانا اعرف ناس هنا يستخدموة فى الرحلات فقط --برغم انى ارى ان شكلة مقبول جدا ان تضعة باستمرار---شكرا لحضراتكم ---وشكر للاستاذ كريم منير --وتبارك الذى خلق--ربنا يخلليك الامورة
ربنا يعزك يا رب ويوسع في رزقك ويرزقك التقي والصلاح
هو فعلا حلو بس عيبة انه بيشكل عائق للهواء بالنسبة للسفر وهايخلي العربية تستهلك بنزين اكتر عشان مقاومة للهواء اكتر
وكمان بيمثل تقل علي السيارة
ولو فاضي يمثل خطورة انه ممكن يطير لو الجو جامد جدا جدا لان نقاط تثبيتة مش عالية
علي فكرة نسيت اقول انه موجود عند علي رضا اللي في مدينة نصر خلف جنينة موول
وبالنسبة للانسة كنزي عايزين نشوفلها عريس بقي احسن خايفين تبور :lol: :lol: :lol:
اخوك كريم
----كنزى ما يتخفش عليها اسم جميل وبنوتة زى القمر-ربنا يحرسها----------------واما عن الكوفر--
بالنسبة انة ممكن يكون عائق لا اظن لان سنة بيكون مدبب --ولكنها فرصة حتى لا تزيد السرعة بشكل مبالغ فية----ونقطة انة بيمثل تقل --هى زى بعضها لان مفروض نفس التقل يكون فى شنط عادية ونضعها فى الشنطة الخلفية اللى فى الغالب مش ح تكون كفاية---وبالطبع اهم حاجة طريقة تثبيتة لازم تكون قوية جدا--وعندنا هنا فى هولندا بتشوف اربع فصول السنة فى كل يوم من اعاصير وهواء شديد لامطار 11 شهر فى السنة والشهر ال 12 بيبقى الجو سىء -مرورا بالشمس وهى نادرة-هنا الى الخريف وهكذا --ومع ذلك كل الناس بتستعملة--اهم حاجة طريقة تثبيتة ----اما الانسة كنزى فحدث ولاحرج هى ما شاء الله ما يتخفش عليها ربنا يحرسها ويخلليهالك وتفرح بيهاوتتربى فى عزك--
استاذ كريم انا بحاول اضع صورة مش عارف ح تنجح ولا اية --هى وحظها كنزى --
كانت الخاصية مقفولة واعتقد محمود فتحها ولا ايه
جرب كدة
تسلم علي مدحك لكنزي وهاوصلهولها
عاوز أقولك إن السقف له حموله معينه لا تستطيع أن تقوم بالتحميل عليه اكثر مما هو في الكتالوج المرفق مع السياره
يعني مثلا في الماتريكس مكتوب أقصى حمل هو 35 كيلو جرام
أما شنطة العربيه مافيش مشكله حمل فيها زي ماتحب .. وربنا يخللي أيامك كلها رحلات وتبقى تجيب لنا معاك تذكار من كل رحله
لا لم تفتح انا حاولت مرة اخرى وفشلت -ح انتظر كمان شوية ممكن يفتحوها-
-مش المفروض ان الكوفر لا يضع مباشرا على جسم السيارة ولكن مفروض يكون فى حامل --يفصل الكوفر عن السيارة ومن ثم يوضع علية الكوفر ولا انا فاهم غلط --لان موضوع ال 35 ك - خفيف وقليل جدا ---
بايو --- اولا ازيك يا باشا منور المنتدى
موضوع ان السقف في الماتريكس حموله 35 كجم ده مش اقصى حموله للسقف على ما اعتقد بس دي أقصى حموله للبارات البلاستيك الموجوده فوق السقف .... عندك مثلا السوران الجديده من فولكس فاجن فيها البارات دي معدن ومكتوب عليها حمولة تقريبا على ما ازكر 85 كجم ...
هي الفكره بقه لو عربيه مفيهاش الروف راك تركب الكوفر ده ازاي .... وهل له تأثير على اتزان العربيه على السرعات انا متأكد انه كمان بزود الصوت جدا نتيجه لمقاومته للهواء
بس 35 كيلو ده ميجيش شنطه من شنطي :lol:
الكوفر لا يصدر صوت لان لة مقدمة تاخد شكل صاروخى --مدببة -فلا يرتطم الهواء بها بالشكل الذى تتخيلة -ولكنى لرى انها كلها اسئلة طبيعية لاننا لم نتعود على استعمالة بعد--وياريت الاستاذ بايو يوضح اية المقصود بالظبط بموضوع ال 35 ك--لانة كما ذكر الاستاذ باهر هى لا تكفى شنطة واحدة--
أنا بعد مالقيتكم كلكم بتأكدوا إن الحموله كده تبقى خفيفه قوي رجعت وتأكدت من الموضوع لأني لما كنت قرأت المعلومه دي أول ما أشتريت السياره علقت في زهني وخلاث بدون فحص ولا تدقيق
بعد المراجعه تبين إن الكتالوج مافيهوش معلومه عن الوزن المسموح به على السقف ولكن يوجد توصيه بعدم حمل أوزان ثقيله جدا على الثقف مع الأهتمام بتوزيع الأحمال على السقف بالكامل
أومال أيه يا عم بايوو إللي أنت قولته ده 35 كيلو ومعرفش أيه ؟؟؟؟
أنا لقيت الحامل الأسود الموجود أعلى السقف عندي مكتوب عليه أقصى حموله 70 bound وبعد ما شغلت الفهامه وعملت عملية التحويل من باوند إلى كيلو وجدت أن الحموله المسوح بها على على البارات هو حوالي 35كيلو جرام ولقيت الجزء التاني الأمامي مكتوب عليه كده برضه
المهم إللي فهمته إن البارات دي مقسومه 2 كل جزء أمامي وجزء خلفي وكل جزء أقصى حموله له 35كيلو تقريبا
وده أخر حاجه وصلت لها يبقى أقصى حموله للبارات دي اعتقد انه 70 كيلو على أن توزع بالتساوي على الجزء الأمامي والخلفي
بالبلدي كده مانحملش على الجزء الخلفي كل الحموله (شنطتين تلاته مثلا) ونسيب الجزء الأمامي
وبما ان أخونا جنيدي هايشتري الشنطه إللي محير بيها المنتدى كله معاه هههههههه يبقى مايشلش هم حاجه ويراعي بس أنه مايحملش على السقف جامد قوي
بسسس جنيدي ... بسسس
كلمه في ودنك يا جنيدي عشان ماحدش يسمعنا:- "لو موضوع تحميل الشنط ده هايخليك تتكلف فلوس وتشتري كوفر وكده .. يبقى أنا متبرع أني أجي معاك كل رحلاتك داخل مصر لما تيجي بالسلامه واحمللك الشنط في عربيتي مجانا بس اهم حاجه أقامتي أنا والأولاد والأكل والشرب والفسح وكمان البنزين ولو ممكن الزيت يبقوا على حسابك بس خللي بالك مش أقل من 5stars" لو وافقت أديني تليفون بس أول ماتيجي مصر وهاتلاقيني مجهز نفسي تمام التمام ومحضر العربيه والشمسيه وكل حاجه بس أشر أنتى بس أنا يهمني انك ماتشتريش وتكلف نفسك واخوك موجود
والله مجهود كبير تشكر علية يا بايو--بس برضة انا عاوز افهم --مفروض ان قبل ما اركب الكوفر فى حاجة بتفصل بينة وبين جسم العربية --دية بقى مفروض بتلاقيها فوق العربيات البيجو بتاعة سفر الصعيد وكدة والناس تحط عليها اغراضها من من شنط واقفاص فراخ وهكذا --مفروض لن ح احط الكوفر على -الريك دة ---بقولك اية شكلها كدة مش ح اعرف اجيبة الا لما انزل مصر ---- اما عن الكلمة اللى قلتها فى ودنى ---يا استاذ -دة انت تشرف انت وكل من تحب وترغبولكن اخ وصديق وليس كما ذكرت --انا ح اشوف حد يشيلى شنطك وشنطى -[marq=right][marq=left][marq=up][marq=down]
[marq=down:eeee7ae1a8]تكرم يا أبو الكرم[/marq:eeee7ae1a8]
مش عارف بس انا فعلا كنت بدور عليالكوفر دا امبارح و مكنتش شوفت الموضوع لسه بس بصيت في شارع دمشق و ملمحتش حاجه
يمكين عشان الوقت كان متاخر 10.30
بس في حاجه انا معنديش حوامل في السقف زي اللي في الماتركس مثلا فا ازاي اقدر اركبه (عربيتي اوبل كورسا سيدان)
يا اخ صابر مش هاتلاقية في دمشق
هاتلاقيه عند علي رضا اللي في مدينة نصر ورا جنينة موول
هاتلاقي عندة كل الانواع وصنايعية يركبوا وكل حاجة وهايوقلك ينفع ولا لاء
انا روحت وكان يوم اولا الاخ علي رضا اسعاره جنان
في الاول كنت فاكر انوا معقول....... ورحت وسالت وقلي الكوفر المناسب ب1150
بس لازم الاول اركب راكات يعني عموديين بالعرض
وبعديين قلي انتي عيزو ليه فقولتيلو رايح اقابل اهلي في المطار و ممكن احتاج احط شنطه فوق
فقلي الراكات تشغلك لو حاجه طارئه
المهم الراكات عندو ب 275 و خلاص قلت ماشي بس معندوش غير واحده الوميتال فضي وانا قلت اسود احسن
فروحت شارع دمشق واشتريت واحده ب 75 بس
و عشان المكان في السقف عندي مفهوش مكان للتثبيت في الكوتش اللي في السقف فبينام في كاوتش الباب
بس كان يوم ظريف......... قضيتوا توهان كالعاده
(انا اساسا من المنصوره و عايش في القاهره والصراحه مبحبش اسال فبعيش في الشوارع...المفروض االف كتاب عن مغامراتي)
والف شكر
أحمد صابر
و
استاذ احمد صابر--يعنى هو قالك 275 وحضرتك جبتة 75 بس ولا اية --وحضرتك ركبتة بالفعل ولا اية اللى حصل اسمحلى عاوز افهم بالظبط وبالتفصيل بعد اذن حضرتك--وياريت المجموع الكلى بالتركيب -بكل التفاصيل --شكرا لحضرتك -
استاذ جنيدي - حضرتك استاذ عن جداره اما انا يكفيني احمد .....
بالنسبه للموضوع الي ركبته ال rackبس وفعلا جبته من شارع دمشق ب 75 جنيه بس (مش من عند علي رضا دا الي كان عندو ب 275... انا اسف اني موضحتش بس الظاهر ان اللف كان اثر عليه)
اكيد دا نوع تاني بس بردوا يفضل فرق السعر كبير جدا دا غير ان دا النوع الوحيد عندالي سالت عندو في نوع تاني بس مينفعش عندي (يعني الفرق في طريقه التركيب)
وهوه ورهوني وقلي اركب قولتله ركب وقلي في كمان حاجه زي حبل كده بس كوتش بيمط وليه خطاف في كل نحيه بيقولوا عليه استك علسان الربط قلي دا ممكن تستخدموا في الربط ولو عايز تجمد استخدم معاه حبل كمان فخدت علبه اجربها(العلبه فيها 2 طول الواحده حوالي متر تقريبا او اقل) بخمسه جنيه
المهم بعد ماركب و اداني العلبه دخلت علشان احاسب صاحب المحل قلي يبقي كلو 80
وونا ماشي اديت للعامل الي ركب 5 جنيه من عندي
يبقي كلوا 85
و انشاء الله اجربها النهارده الفجر و اقولك اذا كانت كويسه ولا لأ
اتمني اني كلامي يكون واضح لاني حاسس انو مش راكب علي بعضوا ولو في اي حاجه انا موجود :wink:
لا بالعكس كلامك واضح واشكرك للرد وللاهتمام--وفى انتظار-رأيك النهائى --شكرا لحضرتك
على فكره "علي رضا" أسعاره مبالغ فيها جدا وغاليه على الفاضي
بس بيجيب حاجات مش هاتلاقيها غير عندة يا هاني
زي المرحوم الفرسان
انا جربت الراك وكان ممتاز والملاحظه الوحيده ان بعد 90 كان بيبقي في صوت صفاره من الهوا
وانا علي فكره كنت شايل عليهم حوالي 50كجم وهما اقصي حمل ليهم 70
ودي صوره وهو عليه الشنط
http://img19.imageshack.us/img19/290...racksv7.th.jpg
وهل يصلح ان تضع علية الكوفر--وهل هناك انواع اخرى --تتحمل كيلوات اكثر --وهل عرفت سبب صوت الصفارة---وشكرا لا هتمام حضرتك بالرد -
اولا الف شكر علي زوق حضرتك
1-بالنسبه للأنواع اكيد في انواع تانيه يعني مثلا الي كان عند علي رضا كان مكان الارتكاز بتاع السقف يدوب علي قد الشريط الكوتش بتاع الشقف(الخطيين السود الي في سقف العربيه) انما دا عريض ففي جزء منو في الهوا ودا ممكن السبب ولويني وانا رايح المطار مكنش في صفاره فالاوقع ان سبب الصفاره بكون من الشنط ممكن يكون من فرق حجمهم فالهوا كان بيدخل من حته وبيعمل صوت
2-بالنسبه للوزن مش عارف بس انا لما كنت بدور في النت كان كلوا بيقول ان اقصي وزن 70 دا انا حتي استغربت لما لقيت الي بيركبلي بيقولوا دول يشيلوا لحد 70 كجم
فالظاهر ان دا الاستاندرد بس اكيد زي محضرتك عارف في ناس بتشيل ازيد(محدش يحاول يقنعني ان الناس الي بيسافرو بر بيبقوا شيلين70كجم دا في جبل بيبقي متحمل علي العربيه :mrgreen: )و متهيقي ان ممكن يكون في حاجه تشيل اكتر
3-المفروض ان دا ينفع يركب عليه الكوفر(والصراحه الكوفر دا داخل دماغي معرفش ليه مع ان دي اول مره اشيل حاجه)
وعلي فكره كان في حاجه تانيه نسيت اقولها في الاول
علي رضا كان عنده شبكه بتركب فوق الراك لاني في الاول مكنتش مقتنع ان الراك دا ممكن يتحط فوقوا شنط
فكان عنده شبكه بتركب علي الراك
والصراحه كانت رخيصه جداا ب 400 جنيه بس
يعني الراك عنده ب 275 و الشبكه ب 400
يبقي كلوا 675 ايه رايك بقي؟
يعني الراك عنده ب 275 و الشبكه ب 400
يبقي كلوا 675 --'والشبكة دية دورها اية بالظبط--ممكن الحمولة تزيد بسببها لان زي ما حضرتك بتقول --احنا بنشوف ناس بتضع كيلوات كبيرة جدا اكيد اكثر من 70 ك---
يا استاذي الفاصل بلاش حضرتك دي علشان انا كده هعيط :cry:
والله مش عارف علشان مألفش بس زي ماقلت لحضرتك انا في الاول مكنتش مقتنع بالراك لوحده فسالته علي الشبكه
واكيد في حجات حمولتها اعلي والنهاره وانا ماشي علي كوبري 6 اكتوبر لمحت عربيه(تقريبا تويوتا قديمه او نيسان مش فاكر)
وكان مركب شبكه (قديمه شويه) بس خدت بالي من حاجه
الشبكه كان ليها 3 راكات(بس طبعا الشبكه دي كانت جزء واحد)
ودي خلتني افكر في حل تاني لو عايز تزود الحموله
ممكن تركب اكتر من اثنين
ولو خدت بالك الرجل كان مركبلي الاتنين علي الباب الوراني يعني ممكن تركب اربعه ويبقي عندك 140 كجم (بس دا ممكن يكون حمل كتير وهيزود جامد في استهلاك البنزين)
وعلي فكره انا فكيت الشبكه علطول بعد ما نزلت الشنط علشان كنت خايف للباب يتجرح