فورد فيستا 2010

**wawoo** · 17-08-2009 09:53 AM

الموصفات المصرية للفورد فيستا الجديدة :

المواصفات الفنية و الكماليات :
- موتور ديوراتك 1400 سى سى 96 حصان \ و عزم 125 نيوتن عند 4200 RPM
- اوتومتك و استب ترونك -اربع سرعات
- تكيف يدوى
-4 زجاج كهربى
-2 ايرباج ,
- جنوت اسبور مقاس 15 بوصة
- ضبط إرتفاع كرسي القائد
- فوج لايت امامى و خلفى
- سنتر لوك ,
- راديو و سى دى يقراء ملفات ام بى ثرى ,
- تحكم من عجلة القيادة ,
- مدخل لصوت خارجى "اى بود "
- زجاج الباب الخلفى و الشنطة مظلل ,
- ضبط المريات كهرباء
- فرامل امامية قرص و خلفية اسطوانة , مع ABS و EBD

الوظائف:
- كومبيوتر رحلات متعدد الوظائف
- باور ستيرنج كهربائي
- ضبط مستوى عجلة القيادة في أربع إتجاهات (العمق و الارتفاع)
- عدد 4 سماعات + 2 تويتر
- مؤشر عن فتح الأبواب بالتابلوه
- مساحة زجاجى خلفية
- خاصية طي المقاعد الخلفية 1/3 و 2/3
- حامل أكواب و زجاجة مياه بالكنسول الأمامي و الابواب
- حامل نظارة

ملحوظات :
- خمس نجوم باختبرات التصادم الاوروبية
- ضمان سنتين بدون حد اقصى .
- تصنيع المانى بالكامل .

السعر الجديد : 120 الف للنسخة الخمس ابواب و 122 الف للثلاث ابواب

**MoToRiZeR** · 17-08-2009 10:52 AM

شكراَ ليك يا باشا مواصفات كويسة جدا نوعاَ ما .

**aYaBooY** · 17-08-2009 11:24 AM

التصنيع الماني و تجميع اسباني و بلجيكي
الدفعة الاولى خلصت و بسرعة في اوتوماك و كان عددهم عشرين 20 عربية بس و بيقولوا عليهم دفعة و واقفة واحدة في معرض وطنية في مدينة نصر العربية نازلة ب 120 الف و شكلها تحفة و دلوقتي بالحجز
و تم ايقاف بيع الفوكاس تريند الي كانت بـ 135 الف علشان متوقفش بيع الكوكا النونا الجديدة

**wawoo** · 17-08-2009 12:38 PM

المشاركة الأصلية كتبت بواسطة ayabooy

التصنيع الماني و تجميع اسباني و بلجيكي
الجديدة

انا بصراحة مسمعتش بلجيكى دى قبل كدة يا ايابوى , هى حاليا بتتصنع فى المانيا وتتجمع فى المانيا و اسبانيا.

بس السيارة اللى بتيجى مصر حاليا من مصنع المانيا بالكامل "تاكيدات من الوكيل " و انا مصدقهم لان مصنع المانيا هو اللى بيورد اكتر الكميات فعلا حاليا .

ملحوظة برضو : ان هذة السيارة سيتم تصنيعها فى عدة دول اخرى و لكن بموصفات و خامات مختلفة حسب كل دولة و احتيجتها .

**aYaBooY** · 17-08-2009 01:20 PM

انا برده اول مرة كنت اسمع موضوع بلجيكا ده من الوكيل برده من بتوع المبيعات و عموما انت ممكن تعرف بلد الصناعة و بلد التجميع بسهولة من رقم الشاسيه بتاع العربية و ده مشروح في موضوع في القسم هنا
و عموما الفورد مش شرط لو لقيتها تصنيع الماني انها تكون الماني بالكامل يعني انا معايا الفيستا الالماني القديمة و لما فكيت الكاسيت كان صناعة برتغالي و لما فكيت الفرش بتاع الباب علشان اظبطة كان كل حاجة جوا الباب صناعة انجليزي و لما فكيت غطاء الكلاكس كان مكتوب عليه مازدا 121 و فيستا و كان صناعة اسباني و حتى لما تشتري اي قطعة البياع بيقول الاصلي بس محدش بيحدد بلد صنع و التوكيل زيهم بالظبط و لما سالت بتاع قطع الغيار في التوكيل يعني ايه اصلي انا بسال علي بلدها رد و قالي اصلي يعني خارجة من مصنع فورد مش من مصنع بيقلد حاجات لفورد اما البلد مش مشكلتنا

**wawoo** · 17-08-2009 03:02 PM

المشاركة الأصلية كتبت بواسطة ayabooy

و عموما الفورد مش شرط لو لقيتها تصنيع الماني انها تكون الماني بالكامل مشكلتنا

تمام يا باشا و شكرا على الاضافة ,
هو طبعا ممكن يكون فى اجزاء مكملة مصنعة فى اى بلد , مش شرط تكون كل المكونات من المانيا ,
انما اهم حاجة يكون التقفيل المانى فى النهاية .

**kareemhisham** · 17-08-2009 06:18 PM

بس كدة غليت اوى ,,

هو اصلا ال115 كانوا كتير شوية بس قلنا ماشى ..

انما 120 كدة بزيادة اوى

**mahmoud19** · 20-08-2009 03:01 AM

بس بجد شكلها كده هتبقى فاجره بس انا بردو متوقعلهاش نجاح فى مصر أوى لأن المصريين بيسمعو فورد بيترعبو من قطع الغيار الغاليه بس بردو معاهم حق لأن فى بعض الحاجات غاليه بغباء بس بجد شكلها جاااااااااااااااااااااااا ااااااامد جدا

**wawoo** · 21-08-2009 05:27 AM

المشاركة الأصلية كتبت بواسطة kareemhisham

بس كدة غليت اوى ,,

هو اصلا ال115 كانوا كتير شوية بس قلنا ماشى ..

انما 120 كدة بزيادة اوى

هى فعلا كتير 120 - حتى ان السعر زاد على الحاجزين كمان زى ما سمعت

**wawoo** · 26-08-2009 10:41 PM

المشاركة الأصلية كتبت بواسطة mahmoud19

بس بجد شكلها كده هتبقى فاجره بس انا بردو متوقعلهاش نجاح فى مصر أوى لأن المصريين بيسمعو فورد بيترعبو من قطع الغيار الغاليه بس بردو معاهم حق لأن فى بعض الحاجات غاليه بغباء بس بجد شكلها جاااااااااااااااااااااااا ااااااامد جدا

قطع الغيار اسعرها الجديدة معقولة جدا و مش غالية زى زمان , و اتوقع ترخص اكتر كمان