اهلا يا استاذ شمس
انا كنت رديت علي الموضوع دي بس ده كان ترخيص النيو اكسنت و اعتقد ان كل العربيات واحد إلا اذا كان فيه فرق بين الياباني و الكوري ممكن اخونا في المنتدي يفيدوك اكتر
ده لينك الموضوع
http://www.nilemotors.net/Nile/89219-a.html
او اقرا دي
بص يا استاذ هداباوي تقريبا الترخيص كله علي بعضوا عمل 800 جنيه تقريباً بس ده سنه واحده وده شامل الترخيص و التامين الاجباري في المرور و تمن الطفايه وطبعاً شنطه الاسعافات و المثلث طبعا هتقولي المفرض الاسعافات و المثلث مجانا هقولك انسي يا عمرررررر يبقي انت اكيد في مصر..... علشان هيقولولك معنديناش النهاره و هيقلولك تعالي في اي وقت تاني استلمهم بس ايه الي يضمنك انك لما تروح هتلاقيهم اصلاً؟؟ إلا بقي لو المرور جنب بيتك و تروح تصبح عليهم كل يوم و تسألهم علي المثلث و علبه الاسعافات و تمشي
بس انا اشترتهم علي حسابي و خلاص
لو عايز تعملوا تلات سنين و تخلص هتزود تقريبا 350 جنيه و اضرب في 3 و كمان 80 جنيه تامين و اضرب برضه في 3 سنين
يعني بالمختصر لو 3 سنوات هتضيف علي ال 800 جنيه 860 جنيه يعني من الاخر سنه ب 800 و لو تالات سنين 1660 جوندييي
وربنا يصبرنا
و ياريت اكون قديرت افيدك
مبرووووووك من الاعماق والى الامام وبالتوفيق يارب
المفضلات