+1111111111111111111111111111111111111111111111111 1السلام عليكم ورحمة الله وبركاته
ناس كتير بتسأل على استهلاك البنزين للاوبترا
وكتير بيقولوا ان استهلاكها عالى والعربيه واخده سمعه انها بتستهلك كتير
وانا واحد من الملاك بأنفى الموضوع دا خالص
العربيه كويسه جدا الحمد لله واستهلاكها زى أى عربيه 1600 ويمكن أحسن من عربيات تانيه
وهاقولكم على أخر تجربه حسبت فيها الاستهلاك
امبارح سافرت من القاهره لاسكندريه ورجعت القاهره تانى فى نفس اليوم
مشيت من القاهره الساعه 2 الظهر ورجعت 12 بليل
طبعا التكييف شغال على طول
المسافه المقطوعه 500 كم
البنزين المستهلك 40 لتر
يعنى 250 كم فى الصفيحه
متوسط السرعه من 120 الى 140 كم/ساعه
حالة العربيه : عامله 15000 كم وأخر مره اتغيرلها زيت وفلتر كان من 10000 كم يعنى فى صيانة ال 5 الاف
وبمشيئه الله هاعمل صيانة ال 15 الف بكره وأغير زيت وفلتر
اما بالنسبه لداخل البلد فمتوسط الاستهلاك 200 كم فى الصفيحه
اعتقد ان الاستهلاك كدا كويس جدا بالنسبه لعربيه 1600 واوتوماتيك
خاصة كمان ان عربيتى سوداء وبتمتص الحراره جامد فى الحر وبتبقى محتاجه تكييف قوى وبالتالى استهلاك بنزين أكتر
واللى عنده مشكله فى استهلاك البنزين ياريت يشوف العيب فى ايه ويعمله
لان العربيه مش كدا ياجماعه واستهلاكها مش عالى ومش دا الطبيعى بتاعها
وأرجو انى أكون أفدتكم وربنا يباركلكم فى عربياتكم
المفضلات