السلام عليكم
باختصار عاوز استشير حضراتكم فى موقف
انا من 10 شهور عملت نضاره عند اشهر واحد فى مصر مع العلم اني لابس النضارات من اكتر من 25 سنه - النضاره قعدت كويسه معايا الى ان تركتها لمدة ساعة واحده فقط بجوارى على كرسي العربية -من الساعه 11 صباحا الى 12 ظهرا - ولما لبست النضاره وجدت فيها تشققات منتظمه بالعرض فى العدسات - مع العلم ان العدسات بلاستيك مضغوط بمعامل انكسار اوحد وسبعة من عشرة - وتمنها 840 جنيه (العدسات فقط والله - خلاف الشنبر)
اتجهت للمحل فورا وقاللو - لازم تروح للفحص الفني - وقعدت عندهم 10 ايام و بعدين كان ردهم
"ده عيب استخدام - واحنا ممكن نغير لك العدسه بتخفيض 50 %"
قولتلهم مش عاوز منكم حاجة - و اتجهت لحوالى 4 محلات نظارات مشهوره جدا وسألتهم ايه اللى فى النضاره
كلهم بلا استثناء قالو - واضح جدا ان ده عيب فى الصناعه
انا والله باتعامل مع النضاره بأحترام شديد و باحافظ عليها جدا جدا جدا جدا جدا جدا جدا جدا جدا جدا جدا جدا جدا جدا
بس انا حاسس اني كنت مغفل لما صدقت البائع اللى باع لى النضاره و كان هيبوس الجزمه عشان اشتريها - وبعدين بعد كده ادوني بالشلوت - عكس اللى بيحصل فى اي دوله بره - والله عن تجربة
ارسلت شكوى للاداره فى الخارج و محدش رد عليا
نفسي حد يقوللى اعمل ايه الله يخليكو لاني مضايق جدا وقرفان جدا من اسلوب المحلات فى مصر حتي لو كان اسم عالمي
حاسس انا كل اسم تجاري عالمي لو فتح فى مصر - يبقى بيستخبي وراه مجموعة من النصابين
المفضلات