المعادي من الزراعي

**aly_hosny** · 17-08-2009 09:27 PM

انا رايح المعادي وانا من بنها وعايز اعرف ايه هو افضل طريق اروح منه
انا رايح شركة جابكو
يا ريت تفودني

**A.Saad** · 17-08-2009 10:48 PM

انا هاديلك وصف مبدئى لانى مش عارف جابكو فين هناك
ممكن تاخد الدائرى من الزراعى
وممكن تاخد الكورنيش على طول من المؤسسة

**aly_hosny** · 20-08-2009 03:09 PM

المشاركة الأصلية كتبت بواسطة kemo0o

أنت من بنها !! زيي يعني

على فكرة ده طريقي كل يوم
بص ياسيدي

انت هتمسك الزراعي لحد المؤسسة وتدخل من الحارة اللي جنب التوحيد والنور عارفها

وتفضل ماشي على طووووووووووووول هتعدي المظلات وتفضل ماشي ع الكورنيش -- التحرير تعددي التحرير وتكمل بعد 250 متر كده هتلاقي نفق على اليمين انزل فيه وهتطلع وكمل على طول هتعدي من قدام القصر العيني تفضل ماشي هيقابلك كوبري اطلع الكوبري وتفضل مكمل لحد ما هيقابلك اشارة وفي وشها بنزينة

انت تمسك الشمال وتخلي البنزينة على يمينك هتلاقي طلعة كوبري هتنزل من تحتها وتمشي ورا العربيات هتلاقيهم بيطلعوا الدائري تطلع معاهم وتنزل اول نزلة تقابلك بتاعت الاوتوستراد وماتدخلش الاوتو ستراد انت تنزل يمين هتلاقي طريق امشي فيه واول يوترن لف وارجع تاني

كمل على طول وسيب اول تقاطع وتدخل تاني تقاطع يمين وتفضل ماشي على طول سيب اول يوترن وتلف من التاني بس ماترجعش لف وادخل في وشك

امشي مسافة 350 متر أو اقل هتلاقي جابكو

الحمد لله وصلت بامان وسلام
والطريق زي ما وصفت
انا في الاخر تهت بس سالت ولاقيت نفسي قدام الشركه
وقوت ارجع من على الدائري ولفيته كله