كورسات الانجليزي المدعمه من الجامعه الامريكيه؟؟

**moudy88** · 17-08-2009 10:01 PM

السلام عليكم ورحمة الله وبركاته ....انا عايز استفسر عن كورسات الانجليزي اللي بتبقى مدعمه من الجامعه الامريكيه ؟
اللي اعرفه ان اللي بيدرس فيها هما الاصطاف بتوع الجامعه الامريكيه ...والشهاده بتبقى معتمده منها والدورات بتتاخد في المكتبات العامه ..
اللي عايز اعرفه نمره تليفونهم وفروع المكتبات ...وايه نظام التقديم فيها والمواعيد ..
وشكرا

**كابوس الليل** · 18-08-2009 12:52 AM

انا واحد قريبى فى الauc وكنت سئلته على الكورسات بتاعت الانجلش وقالى انها اتقفلت الصيف ده عشان انفلونزا الخنيز وتقريبا تقريبا مفيش كورسات الصيف ده والله اعلم
بس المعلومة ديه مش متاكد منا

**AhMeD EzZ** · 18-08-2009 07:02 AM

ال auc سمعت كلام ان مفيش الصيف دة لانها بتتاخد في المقر القديم الي هو مقفول من ساعة حالات انفلونزا الخنازير
في ممكن ال British council مكان جميل و كورساتة معتمدة دوليا

**MRBEBO** · 18-08-2009 08:06 AM

سيبك من كل ده

عاوز تجيب من الاخر روح Berlitz

مكان شديد ونتايجه مضمونة تركيزه على المحادثة

الويب سايت

Berlitz Home

وده الويب سايت بتاع مصر

Berlitz Egypt Home Page

او عندك الاميديست المكان الوحيد اللي معتمد للحصول على شهادة التويفل

Cairo: Take a virtual tour of AMIDEAST Cairo

بالتوفيق يا باشا

لو عاوز حاجة اقل شوية في التكلفة وفي نفس الوقت محترمة

عندك معهد اللغات بالقوات المسلحة

ليه فرعين في كوبري القبة والدقي

ولمعلوماتك الجامعة الامريكية في كورسات الانجليش دلوقتي مش حلوة

يعني متخدش بالاسم وكده

معظم اللي راحوا هناك قالوا ان الكورسات سيئة والعدد في الكلاسات كبير غير ان الانستراكتورز مش بيهتموا قوي بالموضوع

ان في حد اعرفه وصل للمستوى السادس في الجامعة الامريكية عمل تحديد مستوى جاب ليفل وان في بيرلتز ... تخيل

غير برضوا مهندس اخد هناك 10 ليفل راح عمل تحديد مستوى في القوات المسلحة جاب 35 %

على فكرة يا جماعة احسن مكان بيعمل تحديد مستوى فعلا هو معهد اللغات بالقوات المسلحة

فعلا الامتحان بيقيس المستوى الفعلي لانه بيعتمد على جزء سماعي + كلمات + جرامر يعني شامل من كله

وعلى فكرة اماكن زي ( شركة الملاحة - مصر للطيران - هيئة الميناء .... الخ ) بيعتمدوا على الامتحان هناك في موضوع التوظيف

بالتوفيق للجميع

**MRBEBO** · 18-08-2009 08:20 AM

نسيت اقول ان

الامتحان بتبقى تكلفته 20 جنيه وبيبقى على الكمبيوتر والجزء الاول من الامتحان بيبقى سماعي وبتسمع عن طريق هيدفون متوصل بجهازك

الامتحان تقريبا 100 سؤال ومدته 50 دقيقة

بالتوفيق للجميع

**أبو صلاح** · 18-08-2009 12:03 PM

المشاركة الأصلية كتبت بواسطة MRBEBO

سيبك من كل ده

عاوز تجيب من الاخر روح Berlitz

مكان شديد ونتايجه مضمونة تركيزه على المحادثة

الويب سايت

Berlitz Home

وده الويب سايت بتاع مصر

Berlitz Egypt Home Page

او عندك الاميديست المكان الوحيد اللي معتمد للحصول على شهادة التويفل

Cairo: Take a virtual tour of AMIDEAST Cairo

بالتوفيق يا باشا

لو عاوز حاجة اقل شوية في التكلفة وفي نفس الوقت محترمة

عندك معهد اللغات بالقوات المسلحة

ليه فرعين في كوبري القبة والدقي

ولمعلوماتك الجامعة الامريكية في كورسات الانجليش دلوقتي مش حلوة

يعني متخدش بالاسم وكده

معظم اللي راحوا هناك قالوا ان الكورسات سيئة والعدد في الكلاسات كبير غير ان الانستراكتورز مش بيهتموا قوي بالموضوع

ان في حد اعرفه وصل للمستوى السادس في الجامعة الامريكية عمل تحديد مستوى جاب ليفل وان في بيرلتز ... تخيل

غير برضوا مهندس اخد هناك 10 ليفل راح عمل تحديد مستوى في القوات المسلحة جاب 35 %

على فكرة يا جماعة احسن مكان بيعمل تحديد مستوى فعلا هو معهد اللغات بالقوات المسلحة

فعلا الامتحان بيقيس المستوى الفعلي لانه بيعتمد على جزء سماعي + كلمات + جرامر يعني شامل من كله

وعلى فكرة اماكن زي ( شركة الملاحة - مصر للطيران - هيئة الميناء .... الخ ) بيعتمدوا على الامتحان هناك في موضوع التوظيف

بالتوفيق للجميع

مؤيد لهذا الكلام بشد عن تجربة شخصية وعن تجربة أصدقاء
لكن لي اضافة
معهد Berlitz و British council ممتازين جدا
بس Berlitz اهمامه كله منصب على المحادثة فقط ومكانه خلف السلاب اللي في مكرم عبيد
و British council في التخصصين محادثة وكتابة والاجمل ان 95% من المدرسين هناك أجانب ومكان احسن جدا واشيك جدا وليه فرعين واحد في الكوربة والتاني في العجوزة (وده جامد جدا جدا) بجد كنت بحس فيه اني مش في مصر كاني في عالم تاني خالص بس عيبه اني جيت احجز من فترة قالي ان ممكن فترة الحجز تمتد لاكثر من 5 شهور في ال waiting list

عامة سعرهم الاثنين في رينج 850 للمستوى

**M.Osman** · 18-08-2009 04:17 PM

مع الإعتذار لصاحب الموضوع...
اية رأيكم في New Horizons بالنسبة للـEnglish..؟؟

**moudy88** · 18-08-2009 11:05 PM

متشكر جدا ياجماعه ..وشكرا ياستاذ BEBO ...بس انتوا مفهمتوش انا قصدي ايه ...انا اقصد المكتبات العامه (الكيت كات-العجوزه-ممصر الجديده ) اللي بيتاخد فيها كورسات الجامعه الامريكيه ..مش في مقر الجامعه ...ودي بتبقى ارخص وبتبقى 250 في الليفل ..و40 جنيه امتحان تحديد مستوى وده كل اللي اعرفه عنها وعايز اعرف العناوين بالضبط...وبصراحه انا مقدرش ادفع 850 جنيه في Berlitz , British council . لاني داخل على كورسات في دراستي وهتدخل في 4000 جنيه ..وطبعا الميزانيه خررررررررررررمت

**A.Saad** · 18-08-2009 11:32 PM

المشاركة الأصلية كتبت بواسطة moudy88

متشكر جدا ياجماعه ..وشكرا ياستاذ bebo ...بس انتوا مفهمتوش انا قصدي ايه ...انا اقصد المكتبات العامه (الكيت كات-العجوزه-ممصر الجديده ) اللي بيتاخد فيها كورسات الجامعه الامريكيه ..مش في مقر الجامعه ...ودي بتبقى ارخص وبتبقى 250 في الليفل ..و40 جنيه امتحان تحديد مستوى وده كل اللي اعرفه عنها وعايز اعرف العناوين بالضبط...وبصراحه انا مقدرش ادفع 850 جنيه في berlitz , british council . لاني داخل على كورسات في دراستي وهتدخل في 4000 جنيه

..وطبعا الميزانيه خررررررررررررمت

[s]اسال فى مكتبة مبارك وليها المقر الرئيسى فى الدقى وفرع فى الاميرية
وكل المكتبات دلوقتى فيها الكورسات
المكتبات العامة االى اعرفها
مكتبة المعادى
مكتبة خالد بن الوليد اللى فى ميدان الكيت كات
مكتبة القاهرة الكبرى
مكتبة مصر الجديدة
[/s]