ان شاء الله طالع القاهرة يوم الاربعاء
هروح باذن الله كورنيش النيل - مصر القديمة مقر الزمالة المصرية و طبعا هاجى صحراوى
لو ممكن حد يدلنى على الطريق اللى ممكن الواحد يدخل منه
عرض للطباعة
ان شاء الله طالع القاهرة يوم الاربعاء
هروح باذن الله كورنيش النيل - مصر القديمة مقر الزمالة المصرية و طبعا هاجى صحراوى
لو ممكن حد يدلنى على الطريق اللى ممكن الواحد يدخل منه
تيجي بالسلامة ان شاء الله.
انت ممكن تطلع المحور اللي عند كارفور لحد اخره خالص ها تلاقي نزلة علي اليمين ونزلة علي الشمال، انزل الشمال وكمل ها تلاقي نفسك طالع كوبري ١٥ مايو خده لحد اخره وانزل يمين هاتلاقي نفسك علي كورنيش ماسبيرو، كمل لحد مصر القديمة.
وممكن تكمل لحد ميدان الرماية وتدخل شارع الهرم وتاخد اول شارع يمين بتاع المنصورية، كمل فيه لحد اخره ها تلاقي الدائري والشرطة العسكرية، اطلع المطلع الشمال اللي بعد الشرطة العسكرية، كده انت في اتجاه مدينة نصر، سيبك من اول نزلة اللي بتاعة طريق الصعيد، عدي النيل واول نزلة بعد النيل دي اتجاه المعادي، اللي بعديها اتجاه مصر القديمة.
الطريقة دي ها تنزلك قريب اوي من مصر القديمة بس يعيبها زحمة اخر الصحراوي لحد ميدان الرماية.
السلام عليكم
ان شاء الله تيجى باسلامه
احسن طريق لى مكان الزماله هو ان تاخد الطريق الدائرى لحد نزلة كوورنيش المعادى (خلى بالك من النزله الى هى اتجاه مصر القديمه بعد 1 كم هتلاقى الزماله على ايدك اليمين
لأ مش صح كده
أنت هتدخل ميدان الرمايه وتدخل ش الهرم وبعد كدا هتاخد طريق أسمو الطريق السياحى وهتطلع الدائرى منو وتفضل ماشى لحد ما هتلاقى منزل فى أتجاه كورنيش المعادى هتسيبه وتنزل اللى بعده وهتمشى حوالى كيلو هتلاقى الزماله على أيدك اليمين
على وصفتك انت يبقى هتمشى أكتر من ك بكتير وهتلاقى الزماله على أيدك الشمال
فخليك فى الوصفه اللى فوق دى أفضلك وأريحلك وخصوصا ان حاليا ما بقاش فى أزمه فى الرمايه زى زمان
شكرا يا اخوانا على التوضيح
بص يا فندم
توصل بالسلامة ان شاء الله
حضرتك هاتمسك الصحراوي لأخره .. وتطلع من ميدان الرماية ... وتخش شارع الهرم... هاتمشي تقريبا كيلو في شارع الهرم.. هاتاخد يمينك ... من طريق المريوطية... هاتمشي فيه مع العربيات ... و تفضل مع الطريق لحد ما تلاقي مطلع الدائري بتاع المعادي.. هاتطلع من الطلعة اللي علي يمينك.. مشي علي الدائري لحد ما يعدي النيل ... هاتزل منزل المعادي
و تمشي 500 متر علي الكورنيش هاتخد يمينك وتاخد الملف اللي من تحت كوبري النيل بدراوي يا فندم و ترجع الكورنيش من الناحية التانية .. 10 دقايق علي الكورنيش هاتلاقي نفسك في مصر القديمة... ده احسن و اسلك كتير من شارع الهرم و زحمته
البديل التاني... انك تطلع من الرماية علي شارع الهرم .. وتكمل فيه للأخر و تطلع أخر الشارع الكوبري .. وتنزل نزلة الملك الصالح.. وتكمل طوالي تعدي كوبري عباس و تعدي طوالي لحد مايقابلك كوبري الملك الصالح تاخد يمينك .. 5 دقايق تبقي في مصر القديمة كورنيش
خايف اكون لاخبطتك من كتر التفاصيل... و توصل بالسلامة
تحياتي