قطع غيار بولو سيدان ؟؟؟

**م/مصطفى محمود** · 17-08-2009 11:22 PM

السلام عليكم

أنا كنت بفكر بين اليارس والبولو سيدان واليارس بس ميال للبولو

فكنت عايز أعرف أية نظام قطع الغيار وأسعارها وتوافرها

خصوصا الفوانيس (وياريت لو أسعار)

ولو حد عندة معلومات عن العربية ياريت يقول لأن المعلومات هنا قليلة جدا

وشكرا مقدما يا فولكساوية وأدعولى أنضم ليكم قريب بالبولو

**tofy_urban** · 19-08-2009 10:10 AM

المنتدي هنا غيييييييييييييييييييييير فعال علي الإطلاق الواحد مش عارف يوصل لاي معلومة

**M.Mostafa80** · 19-08-2009 01:12 PM

المشاركة الأصلية كتبت بواسطة tofy_urban

المنتدي هنا غيييييييييييييييييييييير فعال علي الإطلاق الواحد مش عارف يوصل لاي معلومة

هى الفكره حضرتك أن مفيش معانا زميل معاه العربيه لكن جرب وأدخل فى اى موضوع تانى وانت تلاقى الأفاده والفاعاليه كلها ومنورنا فى فولكس ياسيدى

**ahit** · 20-08-2009 04:56 AM

المشاركة الأصلية كتبت بواسطة tofy_urban

المنتدي هنا غيييييييييييييييييييييير فعال علي الإطلاق الواحد مش عارف يوصل لاي معلومة

السلام عليكم ورحمة الله وبركاته

أكيد لو أى عضو كريم فى منتدى الفولكس عنده أى معلومة مش هايتأخر عليك فى شىء.
و بعدين المنتدى مليان مواضيع مهمة و مفيدة عن البولو الهاتش باك و الجولف و البيتل و الباسات و الجيتا !!! يبقى منين غير فعال على الإطلاق !!!
يمكن يكون بالنسبة لحضرتك بس لأنك بتستعلم عن عربية تقفيل صينى و غالبية الفولكساوية مش ميالين ليها و بالتالى مش مهتمين بمعرفة تفاصيل دقيقة عنها غير التفاصيل العامة أو الفيديو و الصور
و شوف اللينكات دى
يا جماعة ....محدش جرب البولو سيدان اللى نازل عليها تخفيض؟
اللى عايز يتفرج على البولو السيدان 2009 يدخل
(polo sedan 2009)polo sedan 2009

و شرفتنا فى منتدى الفولكس

**mido_man** · 23-03-2010 12:41 PM

انا معايا فولكس بولو سيدان 2009 مانيوال
بالنسبه لقطع الغيار انا اتسرقت منى الاربع طاسات بتوع العجل و اتصلت بالتوكيل على شان اشتريها منه قالولى لسه مجتش و استنى شهر و اسئلنا تانىى فا انا خدتها من قاصرها و جنطها. اما بالنسبه للعربيه انا شايفها خفيفه و مش استيبل بس عضمها انشف من اليابانى و الكورى و البولو السيدان تقفيل صينى و فيها بلاستيكات كتيره فى الطابلوه بتعمل صوت فى المطبات ... من الاخر تحس ان بلاستيكاتها ضعيفه من جوه
و كان عندى صوت زنه فى الصالون بيطلعلى لما بعمل مشوار طويل فى الحر و طلع فلتر البنزين فيه عيب تصنيع .. و اتكرر العيب ده 4 مرات و غيرته على حسابهم فى الضمان 4 مرات . و الحمد لله راح الصوت و مجاش تانى . بس جالى صوت جديد .... صوت خبطه فى العفشه و لسه مش عارف ده من ايه و هاروح لهم انا شاء الله و اشوف ايه الصوت ده .. عربيتى عامله دلوقتى 20000 كم ...