صباح الفل علي كل الفورداوية
كنت عايز اعرف ايه هي اعراض تلف عواميد الميزان (صوابع الميزان )؟؟؟عشان في صوت في العربية قرب يجنني خلاص ومش عارف من ايه واخر افتاءات العفشجي انو من عواميد الميزان فياريت الافادة
عرض للطباعة
صباح الفل علي كل الفورداوية
كنت عايز اعرف ايه هي اعراض تلف عواميد الميزان (صوابع الميزان )؟؟؟عشان في صوت في العربية قرب يجنني خلاص ومش عارف من ايه واخر افتاءات العفشجي انو من عواميد الميزان فياريت الافادة
عواميد الميزان ولا الاستبليزر عواميد الميزان صعب تتلف ممكت تكون محتاجة كاوتشات او جلب و نادرا ما يخرج منها اصوات
عموما يا ريت وصف الصوت و ان شاء الله نوصل معاك لحلها
ماهو المشكلة يا ayabooy باشا اني مش عارف اوصفه بس ممكن اقربهوبك كدا بصوت شبيه ليه عارف لما تيجي تخبط علي باب اللي هو صوت التنقير البسيط دا (بس التنقير دا مش ورا بعضه يعني كل ثانيتين كدا يتكرر تاني ) اهو تقريبا زيه كدا وبعدين هو ومزاجه يعني مش لازم يبقي في طرق وحشة او كدا لا ممكن يكون الطريق نضيف ويحصل وممكن يروح خالص بمزاجه بردو وبيبقي علي السرعات القليلة اوي يعني 30 مثلا ولا حاجة
ههههههههههه طبعا ابقي قابلني لو عرفت ايه دا بالتشبيه الرهيب اللي انا عملته دا بس فعلا مش لاقي حاجة مميزة اشبهها بيه
طيب صوابع الميزان ديه عبارة عن ماسورة متلوبة طبعا بطريقة معينة و مصنوعة من المعدن و مصمطة يعني جامدة جدا و صعب انها تتلوي او شكلها يتغير
بس فيها جلب او كوتش ممكن يتبص عليهم و فيه جلب المقصات ممكن يتبص عليهم علشان ممكن يكونو بيسببوا الصوت ده و ممكن تكون المشكلة من افيز رباط بيخبط في حاجة مع لف العجل و اوقات يكون بيترس في اي حتة و ميلفش و فيه البيض بتاع المقص ممكن يتبص عليه برده
و عموما انا حاسس ان عربيتك فيها مشاكل كتير من الصنيعية غير المتخصصين الي اشتغلوا فيها و محتاج تخبطلك يوم مصر تظبط العفشة كويس و تظبط التكيهات و ترجع
هو العفشجي قالي فعلا ان في كوتش او جلبة بتبقي في تهاية صابع الميزان دي هي اللي بايظة بس الصابع كلع بيتغير علي بعضه يعني الجلبة او اكوتشة دي مبيتعملهاش صيانة او بتتغير لوحدها لازم الصابع كله فهل الكلام دا صحيح فعلا؟؟؟
وبالنسبة للمشاكل الكتير هي مفيهاش مشاكل كتير ولا حاجة تقدر تقول انا اللي بقلق بس فأي حاجة ولو صغيرة اوي بحب اسال واطمن عليها وربنا مايحرمناش من مجهوداتك لانك الباشا بتاع قسم الفورد
الله يكرمك
عندي في الفيستا الجلد بيتغير لوحدة و مش بيحتاج حتى يروح لخراط ده حتة جلدة اصطوانية و بيدخلها الميكانيكي بايدة معرفش نظام الاسكورت ايه بس هاحاول اسالك انشاء الله في اقرب وقت
سالتلك قطب الاسكورت بيتغير فيها صابع الميزان كامل مش جلد
متحرمش منك ياحبيب قلبي معلش بئي دايما كدا تاعبينك معانا