عايز اعرف 128 بتاخد زيت للموتور قد ايه ؟

السلام عليكم و رحمة الله و بركاته

انا معايا 128 موديل 88 و روحت من كام يوم اغير زيت الموتور و قولت بالمره اغير الفلتر
فانا اللى اعرفه ان الموتور بياخد 3 لتر و الفلتر 1\2 لتر يبقى كله 3.5 لتر .
بس الراجل صمم ان الموتور بياخد 3.5 لتر غير الفلتر و مقتنعش بكلامى و حط 4 لتر فى الموتور ، بعديها بيوم قست الزيت و لقتيه اعلى من اعلى مستوب بمقياس الزيت .
فانا عايز اعرف ايه الصح ؟
و هل فى خطورة على الموتور ان الزيت يبقى اعلى من المستوى الطبيعى ؟
و لو فى خطورة ايه الحل ؟

و معلش عندى سؤال تانى

مكتوب على العربية من ورا انها 1300 سى سى و فى الرخصة مكتوب انها 1116 سم3 فهل الرقمين دول حاجه واحدة ؟ و لا ايه ؟ و لا فى غلط ؟

انا اسف طولت عليكوا

و فى انتظار ردكم الكريم .

اللى مكتوب على العربية من ورا دة ستيكر بربع جنيه ، أنما الفيصل هو اللى مكتوب فى الرخصة ، بالنسبة لموضوع الزيت ، انا كان عندى 128 وكنت بحط 3.5 فى حالة عدم تغيير الفلتر ، و4 وفى حالة تغييره.

هو فعلاً لما بغير الفلتر وبحط الجركن كلة وقيس بلاقية اعلى من المستوى فبقيت اسيب شوية في الجركن اما الزيت الزيادة فبيعمل رغاوي وبيفقد لزوجتة ووظيفتة..... اما الـ1300 فدي حلية ممكن حتى تحط 2000 زي بتاعة الارجنتا :)... المهم المكتوب في الرخصة.

أخى العزيز هيا بتاخد 3.5وبالفلتر 4 أما بالنسبة للارقام ال 1300 ده السى سى وده قوة موتور أما ال 1116 دى أطوال ومقاييس السيارة ال 128:driving::dupe:

زي ما الاخوه قالو بالضبط
كل الفيات القديم عموما بياخد 3 و نص لتر و لو غيرت الفلتر بياخد 4 الا ربع او 4

اقتباس:

---

المشاركة الأصلية كتبت بواسطة singer73

أخى العزيز هيا بتاخد 3.5وبالفلتر 4 أما بالنسبة للارقام ال 1300 ده السى سى وده قوة موتور أما ال 1116 دى أطوال ومقاييس السيارة ال 128:driving::dupe:

---

لا يا باشا
ال 1300 و ال 1100 او ال 1116
دا سعه الموتور بالسنتي متر مكعب
لا علاقه له بالاطوال و المقاييس
ال 128 نزل منها موتورين
1100
و 1300