الموضوع: أول الكوبري ياسطة !!!

اما سواقين ميكروباص او اجره اونقل ولا حتى ملاكى احنا سواقتنا احسن من بلاد كتيييييييير بس بره بلدنا لأن احنا هنا خلاص خدها على عدم احترام القوانين والتسيب وبنعمل الغلط وماحدش يعاقبنا
لكن لو خرجنا بره هنبقى احسن من اللى بره بس بعد شويه من الوقت قليله لما واحنا سايقين نفتكر نفسنا فى مصر ونكسر اشارات ونتخطى حارات ونعمل اى حاجه من اللى بنعملها هنا ولو بسيطه ساعتها بقى هتلاقى اللى جرك من شعرك على الشرطه وتتحبس وتتبهدل ويدفعوك غرامات ويبيعوك الى وراك واللى قدامك ساعتهات بقى السواق المصرى المعروف اكثر تهورا فى مصر هيبقى من ارزن السواقين فى اوروبا او اى كانت..

هو الاجانب من زمان بيحلموا يحتلونا ليه !!
بلد مليانه من خيرات الله واحنا مدينلها ظهرنا وقاعدين نلعب شطرنج وطاوله على القهوه

المشاركة الأصلية كتبت بواسطة evoo90

اما سواقين ميكروباص او اجره اونقل ولا حتى ملاكى احنا سواقتنا احسن من بلاد كتيييييييير بس بره بلدنا لأن احنا هنا خلاص خدها على عدم احترام القوانين والتسيب وبنعمل الغلط وماحدش يعاقبنا
لكن لو خرجنا بره هنبقى احسن من اللى بره بس بعد شويه من الوقت قليله لما واحنا سايقين نفتكر نفسنا فى مصر ونكسر اشارات ونتخطى حارات ونعمل اى حاجه من اللى بنعملها هنا ولو بسيطه ساعتها بقى هتلاقى اللى جرك من شعرك على الشرطه وتتحبس وتتبهدل ويدفعوك غرامات ويبيعوك الى وراك واللى قدامك ساعتهات بقى السواق المصرى المعروف اكثر تهورا فى مصر هيبقى من ارزن السواقين فى اوروبا او اى كانت..

هو الاجانب من زمان بيحلموا يحتلونا ليه !!
بلد مليانه من خيرات الله واحنا مدينلها ظهرنا وقاعدين نلعب شطرنج وطاوله على القهوه

معاك في كل البتقوله بس فين خيرات الله دى ما كله سافر علي بره يامعلم واحنا نايمين في العسل

المشاركة الأصلية كتبت بواسطة human12

يا سيدى الفاضل ما كل حته فى العالم عندعم انحلال و انحراف اكتر من اللى هنا
انا مش فاهم ليه بنفضل نغنى غنوه الشباب المنحرف ديه

احنا المشكله عندنا ليست اخلاقيه
المشكله سلوك عام و ثقافه عامه للمجتمع

يعنى الدول اللى فيها فجووووور شديد لسه برضه عندها ثقافه قويه و صناعه و تكنولوجيا و كل حاجه

يا ريت عدم ربط اشياء مالهاش بعض

يعنى مايجيش حد بعد كده يقول البعد عن الدين عشان برضه اللى لزقين فى الدين ماعملوش حاجه للارض اللى عايشين فيها عشان الدين هنا علاقه بين انسان وربه بتترجم فى معاملاته

احنا بنترجم غلط

هى ديه المشكلة الناس اللى بره عندها إنحراف و فجور بس بتشتغل و لو حضرتك سافرت بره هاتعرف كده من يوم السبت و الأحد عندهم بيعملوا فيهم إيه...بس أول الأسبوع بتلاقى الدنيا ماشية زى الساعة و كل واحد ملتزم فى شغله....
أحنا هنا بقه لما بننحرف بنسيب الشغل و الدنيا كلها و نركز فى الإنحراف بإحتراف....مش عارف ليه؟

المشاركة الأصلية كتبت بواسطة human12

يعنى مايجيش حد بعد كده يقول البعد عن الدين عشان برضه اللى لزقين فى الدين ماعملوش حاجه للارض اللى عايشين فيها عشان الدين هنا علاقه بين انسان وربه بتترجم فى معاملاته

احنا بنترجم غلط

أنا مش معاك فى النقطة ديه لأن اللى لزقين فى الدين عملوا حاجات كتيره أوى و علموا العالم كله...
علماء الفلك و الحساب و الكيمياء كلهم كانوا لزقين فى الدين...
مع الفارق و الإختلاف فى حالنا و حالهم...

الدين كان الشئ المشترك اللي وحد العرب و فتح بلاد الجوار و غير الجوار
الدين مش بيصنع حضارة و لا صناعة ...........

أغلب الحضارات كانت من ناس كافرة بوجود الله كإله واحد خالق الناس جميعا .
زي الفراعنة ........ حضارة السوماريين ........ حضارة بلاد الرافدين ........ حضارة الصين ........ الهند .......... حضارة الأغريق ...... حضارة الرومان ........
الحضارات الحديثة أغفلت الدين أيضا و لكن التقدم له أسباب آخرى :
حضارة أوروبا الغربية ......... حضارة أمريكا الشمالية .......... اليابان و كوريا الجنوبية .......... ماليزيا

الحضارة الوحيدة اللي كان الدين فيها عامل أساسي هي الحضارة الإسلامية .



العلم و البحث العلمي ......... و التعليم .......... هما مفاتيح التقدم و الحضارة ....... و الدين هو مُهذب الأخلاق و مُلبي الراحة النفسية و الروحية و أيضا هو مدخلك و مفتاحك إلى الجنة و الخلود فيها إن شاء الله ......


أما في هذه الدنيا .......... العلم و العلوم و التعلم و التعليم هم مفاتيح التقدم الحضاري الدنيوي .. و الدين هو التقدم الأخلاقي الديني .

طالبان و من على شاكلتهم خربوا بلاد المسلمين ....... و آتوا بالمحتلين ........... و نحن بضعفنا واقفين متفرجين .

لا قومنا و لا أصلحنا تفكير طالبان ........... و لا قدرنا ندافع عنهم ...........

المشاركة الأصلية كتبت بواسطة tutankhamoun

الدين كان الشئ المشترك اللي وحد العرب و فتح بلاد الجوار و غير الجوار
الدين مش بيصنع حضارة و لا صناعة ...........
الحضارة الوحيدة اللي كان الدين فيها عامل أساسي هي الحضارة الإسلامية .

هنا فى تعارض من كون الدين لا يصنع حضارة و كونه صنع الحضارة الإسلامية!!!

حضارة أوربا الغربية قامت على الحضارة الإسلامية المسروقة و المنهوبه و الحروب و الإحتلال للدول الإسلامية...طبعاً حضرتك عارف العصور الأوربية المظلمة و عصور الجاهلية الأوربية...

مـــــــــــــــا ليزيــــــــــا...قامت بفضل الله اولاً ثم مهاتير محمد على الإقتصاد الإسلامى و ده معروف و مشهور و ده سبب بقائها حتى الأن مع الأنهيارات الاقتصادية المتواليه......


طالبان ماكانوش بيبنوا حضارة كانوا بيحاربوا الإحتلال الروسى و أعوانه من الشيعة و لسه مخدوش نفسهم...جالهم الأمركان مع الشيعه برده....

توضيح بس لبعض النقاط....

احسن حاجه هنا فى مصر ان كل الناس فهمه الصح من الغلط وبرده بتعمل الغلط
بص ياباشا الموضوع ده مش هتلاقى ليه حل انا مره برده من 4شهور كده قولت لسواق مكروباص ان كده غلط راح شاتم بكميه رهيبه من الشتايم الحقيقه لدرجه انى معرفتش ارد عليه.

عموما افضل حاجه انت ممكن تعملها تبعد عن المكروباص و التاكسى والوسائل دى بقدر الامكان ومعلش خاف على نفسك الاول وسيبك من الناس كل واحد يتحمل خطاء نفسه.

وعموما الى بيعمل الغلط بيكون فاهم انه بيعمل غلط بس هو بيجادل وخلاص
انا لسه اول امبارح واحد بيلف ناحيه سوق العصر كده وداخل على الطريق وعادى جدا وانا واخد سرعتى والطريق كله نفس الكلام وفى الاخر بيقولى ابقى بص يعنى انا فهمته الغلط الى هو عمله وفى نفس الوقت فاديته من الى جى ورايه وكانت النتيجه قله ادب منه فى اللحظه دى اتمنيت انى كنت اخبطه رغم انى مكنش هيحصل عندى حاجه هو الى كان هيضيع عنده الاكصدام والرفرف والى يغيظ انه ملاكى وشكله ابن ناس ومحترم وبيشتم وهو غلطان
السلوك بتاع الناس اتغير كتير