أول الكوبري ياسطة !!!

**Amrrr** · 18-08-2009 01:09 PM

المشاركة الأصلية كتبت بواسطة bob2009

احسن حاجه هنا فى مصر ان كل الناس فهمه الصح من الغلط وبرده بتعمل الغلط
بص ياباشا الموضوع ده مش هتلاقى ليه حل انا مره برده من 4شهور كده قولت لسواق مكروباص ان كده غلط راح شاتم بكميه رهيبه من الشتايم الحقيقه لدرجه انى معرفتش ارد عليه.

عموما افضل حاجه انت ممكن تعملها تبعد عن المكروباص و التاكسى والوسائل دى بقدر الامكان ومعلش خاف على نفسك الاول وسيبك من الناس كل واحد يتحمل خطاء نفسه.

السلوك بتاع الناس اتغير كتير

في ناس فعلا مش فاهمة
انا مرة وقفت في الميدان اللي عند سيتي ستارز والعربيات لفت حوالين بعضيها والتقاطع وقف تماما ومفكش الا لما العربية اللي قدامي اتحركت وبرضة لقيت واحد هيطلع يقف مكانه ويقفل خالص قمت مزعقله وكان راجل كبير فقاللي ببرود رهيب ونظرة شاردة طب اعمل ايه ؟؟؟ قلتله ثواني ( انا نزلت خلاص من العربية لأن ماكانشي في اي حل تاني قدامي وكمان وانا واقف عدي من جنبي اتنين على رجليهم خبطوا الحديدة بتاعة الشرطة العسكرية وقعت على عربيتي وعملت خربوش ونقرتين في الباب ) المهم بقيت احرك عربية عربية من قدامي واول ما اللي قدامي يمشي يقوم اللي وراة عايز يطلع مكانه يكمل مسيرة ( قصدي توقف الميدان) وكل مازعق لواحد اكتشف انه مش فاهم انه كدة بيقفل الميدان ويسمع الكلام ويقوم لافف عشان يفض الزحمة والميدان يفك والغريبة اني لما كنت اتنرفذ على واحد استنى رد فعل برضة يكون فيه نرفزة واكتشف ان كل اللي انا كلمتهم محدش فيهم فاهم في ايه ولا لو هو اتحرك من مكانه هيعمل ايه ؟؟

quote=bob2009;3871935601]
عموما افضل حاجه انت ممكن تعملها تبعد عن المكروباص و التاكسى والوسائل دى بقدر الامكان ومعلش خاف على نفسك الاول وسيبك من الناس كل واحد يتحمل خطاء نفسه.[/quote

100 100

**Bob2009** · 18-08-2009 01:14 PM

المشاركة الأصلية كتبت بواسطة amrrr

انا خايف عليك من النرفزة دي
امبارح جالي صداع وتعبت بسبب واحدة راكبة لانسر وجنبها واحدة ست عجوزة اوي وورا الشغالة و اتنين عيال صغيرين
خبططلي المراية بالمراية بتاعتها - انا راكن اصلا في شارع جانبي على اليمين والعربيات والركنة فيه يمين وشمال - كانت عربيتي دايرة وواقف بعمل حاجة وهمشي تاني بس اقسم بالله ماكنت اتحركت لسة من مكاني وفجأة الاقي صوت خبط ورزعة خفيفة في الصاج ( عرفت بعد كدة انها الازاز بتاع المراية طارت من الخبطة ورزعت في باب العربية ووقعت على الأرض سليمة الحمد لله ) وكل دا اكتشفته بعد الموقف اللي جاي
اول ماتخبطت رحت طالع وراها عشان ولا وقفت ولا حتى اعتذرت - ورحت جاي جنبها شاورتلها تقف ثانية واحدة وطلعت ركنت قدامها مش عشان اي سبب غير ان الشارع رايح جاي ومش عشان اثبتها بالعربية - ونازل بكل ادب اقولها اعتذري طب حتى او قفي شوفي ايه اللي حصل ادي مرايتي طارت وانتي المسئولة !!!! تقوم ترد تقولي انت جاي ترمي بلاك علي ؟ انا جيت جنبك ؟ ايه البلاوي اللي بتتحدف علينا دي ؟ هي كانت مؤدبة حبتين ومصرة على انها ماشية في طريقها وانا اللي كنت طالع من غير ببص واتخبطت وكمان أخدت جزائي عشان انا متهور - مالفيتشي اي رد بصراحة غير الله يحرقكوا على اللي ركبكوا عربيات وبعدها صداع فظيع !!!!!!!
واللي تعبني اوي اني قبليها بعشر دقايق بالظبط وعلى أول نفس الشارع بعدي التقاطع ليت بيجو 405 جاية بسرعة قمت واقف والقيها فجأة داخلة الشارع اللي انا واقف على ناصيته وبنفس سرعتها ومن غير اي حاجة تدل على انها هتلف ( طبعا انا مقصدشي الاشرات انا اقصد ان سرعتها بس تكون هادية وشكلها يبان انها هتلف وانا كنت اوسعلها لكن فجأة وبدون اي مقدمات راحت داخلة وواقفة قبل مني بمفيش وبتبصلي اوي ومغلطاني ( اني واقف مستنيها او اني ماقريتشي دماغها وهي جاية من اول الشارع وداخلة التقاطع بسرعة عربية مستحيل تكون هتلف واكيد هتكمل ولو قطعت الطريق قدامها هتشيلك فلازم تقف وبعد ماتقفلها تقوم محودة ناحيتك وتقف قبل عربيتك بــ(فسوة) على رأي احمد حلمي!!!!! وكمان تبصلك بأرف !!!!!

عادى جدا ده اصبح شىء طبيعى لازم ناخد على الوضع ده خلاص احنا دلوقتى مش بنسوق عربيه ليها قواعد فى القياده لا لازم نعرف ان احنا فى الملاهى عادى جدا انا بفكر اركب الكاوتش بتاع عربيه الملاهى ونمشى بيه ونخبط فى بعض عادى .

القياده النهرده ياباشا زى عربيه الملاهى بالظبط على شان مفيش انسان بيفكر قبل ما يتصرف وعلى شان اصبحت لعبه والناس مش موجود عندها النهرده عقل ولا شعور ولا حتى تقدير

**حاتم سليم** · 18-08-2009 01:26 PM

المشاركة الأصلية كتبت بواسطة human12

يعنى مايجيش حد بعد كده يقول البعد عن الدين عشان برضه اللى لزقين فى الدين ماعملوش حاجه للارض اللى عايشين فيها عشان الدين هنا علاقه بين انسان وربه بتترجم فى معاملاته

احنا بنترجم غلط

**OilMan** · 18-08-2009 01:29 PM

حسبى الله ونعم الوكيل هو القادر على كل شئ

**abzoabzo** · 18-08-2009 01:58 PM

المشاركة الأصلية كتبت بواسطة amrrr

انا خايف عليك من النرفزة دي
امبارح جالي صداع وتعبت بسبب واحدة راكبة لانسر وجنبها واحدة ست عجوزة اوي وورا الشغالة و اتنين عيال صغيرين
خبططلي المراية بالمراية بتاعتها - انا راكن اصلا في شارع جانبي على اليمين والعربيات والركنة فيه يمين وشمال - كانت عربيتي دايرة وواقف بعمل حاجة وهمشي تاني بس اقسم بالله ماكنت اتحركت لسة من مكاني وفجأة الاقي صوت خبط ورزعة خفيفة في الصاج ( عرفت بعد كدة انها الازاز بتاع المراية طارت من الخبطة ورزعت في باب العربية ووقعت على الأرض سليمة الحمد لله ) وكل دا اكتشفته بعد الموقف اللي جاي
اول ماتخبطت رحت طالع وراها عشان ولا وقفت ولا حتى اعتذرت - ورحت جاي جنبها شاورتلها تقف ثانية واحدة وطلعت ركنت قدامها مش عشان اي سبب غير ان الشارع رايح جاي ومش عشان اثبتها بالعربية - ونازل بكل ادب اقولها اعتذري طب حتى او قفي شوفي ايه اللي حصل ادي مرايتي طارت وانتي المسئولة !!!! تقوم ترد تقولي انت جاي ترمي بلاك علي ؟ انا جيت جنبك ؟ ايه البلاوي اللي بتتحدف علينا دي ؟ هي كانت مؤدبة حبتين ومصرة على انها ماشية في طريقها وانا اللي كنت طالع من غير ببص واتخبطت وكمان أخدت جزائي عشان انا متهور - مالفيتشي اي رد بصراحة غير الله يحرقكوا على اللي ركبكوا عربيات وبعدها صداع فظيع !!!!!!!
واللي تعبني اوي اني قبليها بعشر دقايق بالظبط وعلى أول نفس الشارع بعدي التقاطع ليت بيجو 405 جاية بسرعة قمت واقف والقيها فجأة داخلة الشارع اللي انا واقف على ناصيته وبنفس سرعتها ومن غير اي حاجة تدل على انها هتلف ( طبعا انا مقصدشي الاشرات انا اقصد ان سرعتها بس تكون هادية وشكلها يبان انها هتلف وانا كنت اوسعلها لكن فجأة وبدون اي مقدمات راحت داخلة وواقفة قبل مني بمفيش وبتبصلي اوي ومغلطاني ( اني واقف مستنيها او اني ماقريتشي دماغها وهي جاية من اول الشارع وداخلة التقاطع بسرعة عربية مستحيل تكون هتلف واكيد هتكمل ولو قطعت الطريق قدامها هتشيلك فلازم تقف وبعد ماتقفلها تقوم محودة ناحيتك وتقف قبل عربيتك بــ(فسوة) على رأي احمد حلمي!!!!! وكمان تبصلك بأرف !!!!!

بشياكة كده اكسرلها مرياتها علشان تحترم نفسها وتحافظ على عربيات الناس التهاون مع المستهترين دول خالى الواحد كره حتى يمشى على رجليه فى الشارع

**Amrrr** · 18-08-2009 02:10 PM

المشاركة الأصلية كتبت بواسطة abzoabzo

بشياكة كده اكسرلها مرياتها علشان تحترم نفسها وتحافظ على عربيات الناس التهاون مع المستهترين دول خالى الواحد كره حتى يمشى على رجليه فى الشارع

كنت خلاص على وشك !! وعملتها مرة مع سواق سوبر جيت وحسيت بتأنيب ضمير فظيع بعديها لدرجة انيي كنت هاروح أدور عليه واعوضه عنها مع انه كان هيقلبني على طريق السندباد بس والله لما تبقى واحدة كدة فعلا مالهاش غير الحل دا والأحسن ياباشا : حسبي الله ونعم الوكيل والله - هي دي اللي بتريح مع الاستعاذة بالله من الشيطان
وفعلا طلعت بعد كدة وراها عشان اكسرلها المراية ومالقيتهاش واختفت عشان كنت رجعت اجيب المراية من عالأرض بسرعة اول مافتحت المراية ومالقتشي الزاز

**as01241** · 18-08-2009 02:16 PM

المشاركة الأصلية كتبت بواسطة mhoss

معلهش يا جماعة مش كل حاجه هانرميها على سواقين الميكروباص...بالطبع 98% منهم عاوزين الإعدام رمياً بالجزم...
بس الموضوع إن فى حالة تدنى أخلاقى بشع تفشى و أنتشر فى خلال فترة قصيرة جداً فى البلد...
و ده أدى إلى إنحراف الشباب و خلاعة البنات و إنتشار الفساد و الرشاوى و النصب و النهب...

تحس إن الناس كلها باعت البلد و محدش هامه غير نفسه و هواه... و ربنا ينتقم من اللى وصلنا للحالة ديه...

كلام مظبوط جدا , للأسف الحالة اللي وصلنا لها كلنا كبلد بناسها بقت صعبة وأعتقد إن دي اللي بيسموها بنقطة اللا عودة والتغيير مش هيحصل غير بالإبادة التامة للمجتمع ده وخلق مجتمع جديد !!! بس إزاي ؟؟؟؟ الصراحة موش عااااااااااااااااااااارف

**Samir Elshahawy** · 18-08-2009 06:38 PM

أمبارح بالليل داخل شارع و العربيات راكنة علي الجانبين و يادوب عربية تعدي شحط بين الصفين و أذا بمجموعة شباب واقفين و معاهم موتوسيكل علي جنب و لكن مضايق الشارع , فتحت الازاز و قولت لصاحب الموتوسيكل ياريت تركنه علي جنب جوة شوية علشان الموتوسيكل مايتخبطش
عارفين يرد عليا يقولي أيه ؟؟
"ماتعدي ماهي واسعة أهي قدامك"
بصراحة كان نفسي أميل عليه علشان أخبطه و أوقعه علي الارض علشان يتلم و يحرم لكن فكرت أن جنب العربية عندي هايتبهدل

بصراحة كنت ماشي مولع من الغيظ و حرقة الدم

**M.Osman** · 18-08-2009 07:27 PM

انا مرة وقعت لواحد موتسكل فعلاً!
كان حاطه بغباء ..في حتة ضيقة من الشارع .. عند كسرة يمين .. و لازم اللي عايز يدخل يمين يروح راجع تاني و عادل العربية و بعدين يكمل ...
و قعتهوله و أنا قاصد ... و قولتله بكل برود "لا مؤاخذة" و مشيت

برود ببرود بقى
(انا حاسس ان اخلاق السواقة طبعت عليا)

**MoToRiZeR** · 18-08-2009 09:55 PM

أتفق مع كلام أستاذ طارق حرف حرف .. الموضوع ملهوش أدني علاقة الدين .

في كل بلاد العالم هناك فساد و عربدة و شباب مقطع البطاقة و مش هامه .. و لكن مش كل بلاد العالم فيها النظام اللي يعاقب المخطئ و يضع لكل شخص حدود توقفه إذا قرر التعدي علي حقوق الأخرين .