الموضوع: أول الكوبري ياسطة !!!

يا سيدي الفاضل ........ مفيش حلول إلا بتطبيق القانون علينا ...... أحنا من الأخر مينفعش معانا غير العصايا في الوقت الحالي .

الميكروباظات أو الميكروزبات و الكائنات الفضائية اللي بتسوقها بيعملوا كل حاجة غلط

تصدق بالله .........
و الله العظيم تلاتة ....... مش الميكروباظ بس .... والملاكي كمان
بيعملوا غرز على منزل كوبري واقف .......
يعني أنا في الحارة الشمال ........ و منزل الكوبري واقف و ألاقي حيوان ....... يعمل غرزة قدامي علشان يرشق نفسه في الحارة أدامي مع أن الحارتين واقفين
و طبعا ساعات كتيرة بأضطر أضغط جامد على الفرامل علشان ما أخبتطش هذا الحقير الحيوان اللي أهله معرفوش يربوه و يعلموه الأدب .

المهم بتوع الميكروباظ دول بيقفوا في كل حتة غلط
منحنيات طريق ..... شغال .
منزل كوبري و دي أزفت من المطلع و شغال ........
سرعات جنونية على كافة أنواع الطرق ( داخلي أو سريع )
يقف في مدخل شارع ..... عادي جدا ...... أخبط دماغك في الحائط .
يقف في مخرج شارع ......برضه عادي و الحل ...... أنك تخبط رأسك في الحائط برضه .

خلاص ......... الدتيا باظت و البلد عمالة ترجع للخلف و ترجع للخلف

آل و الناس عايزة الحكومة تقلل الجمارك ..........

أنا عندي حل .......

أحنا نستورد حمير ........... و هو ده مقامنا ........... و تبقى الجمارك عليها صفر ....... و الناس تفرح بقى بوسيلة أنتقال رخيصة و مش بتستهلك بنزين و مفيش أي نوع من أنواع التلوث الصناعي .

بس ساعتها مش عارف هل هايكون البرسيم بنفس الثمن الحالي و لا هانعاني زي المعتاد من أرتفاع أسعار البرسيم لأكثرة الأستهلاك و قلة الأنتاج ؟؟؟؟؟؟

مواطن مخنوق مرعوب ...... مش طايق البلد باللي فيها و مش طايق نفسه .
و حسبي الله و نعم الوكيل

المشاركة الأصلية كتبت بواسطة ahmed76

عندى سؤال :
لو جمعنا سواقين الميكروباصات ورحنا بيهم المانيا مثلا ( مثلا يعنى ) ,........
كم واحد هيسمحوا له ياخد الرخصه
واللى هيسمحوا له هيمشى ازاى فى الشارع ؟
وهل المواطن فى المانيا هيقعد يشتكى الشكوى اللى احنا بقالنا عشرات السنين بنشكيها ؟

يبقى المشكله فين ؟

أحنا لو خدنا سواقين مصر جميعا مش الميكروباظ بس ......

محدش هايطلع رخصة ...... بالطريقة المصرية ..... و بالتالي سواقين مصر كلهم هايسقطوا في الأختبارات .

إلا بقى لو بدأنا نلتزم و نتعلم .


طيب أنا عندي حكاية واحد مصري معرفة ...... عايش في بلد الصهاينة ... أمريكا ..... حلو !

الراجل ده متمسك جدا بطريقة السواقة المصرية و كل شوية يدفع غرامات و سجن و مع ذلك مش عايز يغير طريقته

تفتكر العيب في اللي أداله رخصة في أمريكا ........ و لا اللي اداله رخصة في مصر .......... و لا في الراجل نفسه ...

العيب مشترك على الحكومة 70 % و الشعب التيت 30 % .

لأن مش الميكروباظ بس اللي بيعمل بلاوي
عندك العيال الشباب اللي ماشيين طول الطريق غرز و قلة أدب محصلتش ..... أهليهم و الحكومة مربتهمش أساسا .
عندك الناس الكبيرة في السن ( السواقين القدامي ) سواقتهم هادية زيادة عن اللزوم و طبعا بيمشي يطوح في الطريق و ميعرفش يعني أيه حارة زيه زي بقية الحمير ...... بس مشكلته أنه بيكون بطئ قوي .

عندك الستات ....... تقريبا أسرع شويه من الرجال كبار السن .... و لكن التطويح في الطريق و الكسر على كل ما بجانبهم زيهم زي غيرهم و لكن دول بيكونوا سايقين و المرايات مقفولة !!!


و في الآخر تحيا ج ع ع .....

عندك الستات ....... تقريبا أسرع شويه من الرجال كبار السن .... و لكن التطويح في الطريق و الكسر على كل ما بجانبهم زيهم زي غيرهم و لكن دول بيكونوا سايقين و المرايات مقفولة !!!

=========================================

اكتر حاجة بتنرفزني
يقولي اصلها ملهاش لازمة
امال الشركة عملتها ليه

المشاركة الأصلية كتبت بواسطة ahmed76

عندى سؤال :
لو جمعنا سواقين الميكروباصات ورحنا بيهم المانيا مثلا ( مثلا يعنى ) ,........
كم واحد هيسمحوا له ياخد الرخصه
واللى هيسمحوا له هيمشى ازاى فى الشارع ؟
وهل المواطن فى المانيا هيقعد يشتكى الشكوى اللى احنا بقالنا عشرات السنين بنشكيها ؟

يبقى المشكله فين ؟

انا ليا صديق كان بيسوق من هو عندة 10 سنين وفضل سايق 15 سنه بدون رخصة نهائى لانشغاله المستمر ولما طلع الرخصة انا كنت معاه ومن كتر حرفنته بالسواقة كان فى الاختبار بتاع السواقة الناس بتمشى بين الاقماع بوشها وهو خدها بظهرة المسافة كلها لدرجة الظابط قام وسقفلة بنفسه وخد الرخصة بعديها بسنتين سافر انجلترا لظروف عملة والظروف حكمتة انه يطلع رخصة من هناك والنتيجة
قالى ان واحد من المرور ركب معايا وقالى اطلع على الطريق وسط العربيات علشان يحكم على سواقتة وفى وقت مهو ماشى يسئلة انتا منين يقلو من مصر يرد بتاع المرور ويقلوا انا عرفت من سواقتك بس حبيت اتاكد
روح اتعلم السواقة الصح وتعالى اختبر تانى

الميكروباظ خلاص تغلغل و بقت ثقافه مصريه خالصه
و بقى فيه طبقه اسمها طبقه الميكروباص و ده جيل جديد خلاص سيطر على الشارع المصرى
ماينفعش قوانين ولا حتى عصايه و لا اى حاجه تقدر تغير السلوك البوهيمى ده

المشكله مش في اللميكروباظ المشكله الكبيره فى ابن اللى سايق ميكروباظ المفروض ده هيتعلم الصح منين مين هيقولوا يعمل ايه و مايعملش ايه
انا من كام اسبوع اتزنقت و دخلت مدينه النهضه لغايه السلام حيث معقل الميكروباظ و هم الغالبيه فى الشارع
نوع الثقافه اللى عند الناس فى منتهى الغرابه اى حد مسموح ليه انه يمشى فى اى حته دون قواعد او اى نوع من الزوق او اى نوع من الاحساس بادميه الناس التانيه
الواحد ماشى على رجله و مره واحده قرر يعدى الشارع من غير ما حتى مايبص او يدينا اشاره انه ناوى ينتحر انا فرملت و هو اكنى شفاف و الناس بتزعقلى عشان وقفت!!!

فيه مساحه اد ملعب كوره المفروض انه ميدان من غير صينيه او اى حاجه فيه كروس شوارع رايح جاى يعنى 8 حارات و كل واحد داخل حته شكل يعنى اللى جاى من على طول داخل يمين او مكمل شمال فانت عندك عربيات ماشيه فى كل الاتجاهات من غير مايكون فيه حتى رصيف بين الحارات
بصراحه انا هنجت و وقفت ابص العربيات و هيه بتعدى بسلاسه راقصى الباليه
العربيه لو وقفت قدرى هتلاقى 10 عربيات لبسوا فى بعض من جميه الاتجاهات
واحد بنص نقل قاللى جمد قلبك و تعالى ورايا

انا كنت مش مصدق ان فه حاجه ممكن تكون كده من استهتار بالناس

بلد شاخت و بقى خيرها للى فاسد اكتر

معلهش يا جماعة مش كل حاجه هانرميها على سواقين الميكروباص...بالطبع 98% منهم عاوزين الإعدام رمياً بالجزم...
بس الموضوع إن فى حالة تدنى أخلاقى بشع تفشى و أنتشر فى خلال فترة قصيرة جداً فى البلد...
و ده أدى إلى إنحراف الشباب و خلاعة البنات و إنتشار الفساد و الرشاوى و النصب و النهب...

تحس إن الناس كلها باعت البلد و محدش هامه غير نفسه و هواه... و ربنا ينتقم من اللى وصلنا للحالة ديه...