الموضوع: يوم عصيب جدا علي الدائري

حمد الله على السلامة والف سلامة على حضرتك ....وفعلا دلوقتي انا اي مشوار باخرج في من التجمع الخامس لازم اخرج على الدائري ومتصورش الرعب اللي الواحد بيكون فيه من تهور سائقي الراليات والفورمولا اللي بيكونوا على الدائري اللي اتوسع واتسفلت دلوقتي وتلاقي عليه من( كل لون يا باتيسطا ) من الجنان والتهور وعدم الالتزام وبجد لازم يكون في حل ضروري ...وبرده من كام يوم كنت ماشي في النصف ورحت ضارب اشارة شمال علشان اعدي العربية اللي قدامي والاقي طلقة من وراء وشغال تقليب وحسيت انه هيلبس فيه المهم رحت لاقصى الشمال بجانب السور وبوسعله والافندي دخل ما بينا بسرعته والمراية اليمين بتاعته خبطت المرايا الشمال بتاعت اللي كنت باعديه والسافل دخل بسرعته وخبط للراجل مرايته ولا في دماغه !!!!!!!!!!!!!

كل العربيات دي كوم و الطريق ذات نفسه كوم تاني
فقد شاء لنا انا و اخويا اننا نسافر الفيوم يوم الجمعه قبل الصلاه طلعنا الدائري من السابع كان فاضي لدرجه لا تصدق و كنا حاسين بفرحه جميله و لكن نفاجأ بأن الطريق مراجيح طالع و نازل و تلاقي حفر في الحاره الشمال !!!! بجد كان طريق عجيب و من ساعتها مطلعتش الدائري ولا هاطلعه

المشاركة الأصلية كتبت بواسطة tutankhamoun

أنت لا تتصور أنا كرهت السواقة أد أيه .........
شعب تيت و ألف تيت ............ و حكومة سايبة الحبل على الغارب
حسبي الله و نعم الوكيل ........ حسبي الله و نعم الوكيل

طيب و الحل اية ...نستورد حكومة من برة و لا نعمل اية .....

الفوضى فى كل مكان و فى كل اتجاة ...
العشوائية والاستهتار و الامبالة و البلطجة و الدراع هو السائد فى كل حاجة الان الا من رحم ربى ...

ينفع كدة ....البلد بتنهار و الحكومة لا كأنها هنا .

فين وزارة الداخلية اللى ميزانيتها بالملايين كل سنة دة غير اللملايين اللى بتتلم من الناس .

فين بتروح دوريات المرور و هى عندها اسرع و احدث سيارت .
بصراحة الفوضى فى الشارع المصرى وصلت لمرحلة الانفجار , و قانون المرور الجديد دة معملش اى حاجة ...الحوادث زادت و الفوضى موجودة فى اصغر شارع .

بعد كده الناس تبارك لكل واحد نزل من على الدائري بسلامة و اى طريق عموما فى البلد دى .

القيادة فى مصر بقت مخاطرة بالارواح .