إضراب 15 ألف عامل بهيئة النقل العام الثلاثاء

**Bob2009** · 18-08-2009 01:05 PM

المشاركة الأصلية كتبت بواسطة kh_talaat

معلش أسمحلي أنا أقول بندين فقط

1- الوقوف في الممنوع
2- تعطيل حركة المرور
ولسه فيه كتييير

شكرا ياباشا على الرد وعلى الخبر

معاك 100% فى انه بيسبب تعطيل لحركه المرور والوقوف فى الممنوع بس انا شايف النقل العام مظلوم فى الكلام ده النقل العام يمكن يكون اكثر احتراما للقانون عكس مثلا المكروباص الى بيقف يحمل فى نصف الشارع.

بس فين الاماكن الى المفروض يقف فيها النقل العام اى نعم موجوده بس الواقع انه بدل ما بيقف فيها الاتوبيس بيقف فيها الناس طيب المفروض ان السواق يتصرف ازاى فى الحاله دى وفى نفس الوقت فيه ناس عاوز تركب الاتوبيس ده

مش عارف بس انا عندى احساس ان النقل العام بيحترم القانون عن المكروباص والتاكسى والوسائل دى كلها

شكرا مره تانيه

**kh_talaat** · 18-08-2009 01:36 PM

المشاركة الأصلية كتبت بواسطة Bob2009

شكرا ياباشا على الرد وعلى الخبر

معاك 100% فى انه بيسبب تعطيل لحركه المرور والوقوف فى الممنوع بس انا شايف النقل العام مظلوم فى الكلام ده النقل العام يمكن يكون اكثر احتراما للقانون عكس مثلا المكروباص الى بيقف يحمل فى نصف الشارع.

بس فين الاماكن الى المفروض يقف فيها النقل العام اى نعم موجوده بس الواقع انه بدل ما بيقف فيها الاتوبيس بيقف فيها الناس طيب المفروض ان السواق يتصرف ازاى فى الحاله دى وفى نفس الوقت فيه ناس عاوز تركب الاتوبيس ده

مش عارف بس انا عندى احساس ان النقل العام بيحترم القانون عن المكروباص والتاكسى والوسائل دى كلها

شكرا مره تانيه

الصراحه عندك حق .... الميكروباصات دول مصيبة تانية خالص
وفعلا 90 % من المحطات بيبقى راكن فيها ملاكي والأوتوبيس مبيلقيش حته يقف فيها

بس انا أصلي ساكن للاسف جنب موقف اوتوبيسات والموقف دة قدامه مطلع كوبري وكل يوم أجد الأوتوبيسات واقفه أمام مطلع الكوبري ويمينها فاضي والسواق نزل يريح ويشرب الشاي وببقى هتجنن ليه ميركنش جنب الرصيف مع انه يمينه فاضي

الصراحه كله بيقف غلط سواء ملاكي أو ميكروباص أو أوتوبيس ودة طبعا له أسباب كتير أهمها الزحمه الرهيبة وثقافه السواقه في مصر

بس وقفه الأوتوبيس بمقام 3 عربيات ملاكي ودة اللي بيخلي مشكلته أكبر

**TaoTao** · 18-08-2009 01:49 PM

عجبتني قوي حكاية "تهديد أمن الدولة" و "تعطيل مصالح المواطنين" .. السواق شايف الأوتوبيس عطلان ولو امتنع عن قيادته المهندس يطسه تقرير يوديه في ستين داهية .. المهم إن الأوتوبيس ده لما يعطل على كوبري أكتوبر أو يوقف شارع في وسط البلد .. ساعتها مين المسئول؟ ولو افترضنا إن الأوتوبيس ده حمولته 150مواطن الأوتوبيس لو عطل هايعطل مصالح عشرين ألف لو وقف في شارع رمسيس مثلاً .. يبقى مين اللي بيعطل مصالح المواطنين وبيهدد أمن الدولة؟؟ أكيد السواق الغلبان !! عجبي

**Lord_Fouad** · 18-08-2009 02:07 PM

متهيألي ان السبب الرئيسي اللي فجر كل الكلام دة هو ضعف المرتبات ..

يعني لو اخدوا مرتبات زي البني ادمين ممكن يتغاضوا عن سلبيات كتير ...

و بالنسبة لاحتكار قطع الغيار دة متوقع بعد ما غبور دفع 30 مليون رشاوي علشان يبيع لهم صفقة الاوتوبيسات ...

بس ممكن الحكومة تشغل شركة النصر او الهندسية لانتاج قطع الغيار الناقصة عندهم .. يعني هما عندهم الحلول بس المصالح
الشخصية ليها الاولوية عندهم

**A.Saad** · 18-08-2009 02:19 PM

على فكرة موضوع نقص قطع الغيار ده صحيح ومش بس فى المرسيدس لا كمان فى اتوبيسات شركة النصر

**abzoabzo** · 20-08-2009 09:46 AM

احنا نشوف الناس اللى بتفهم وده امر مهم يصنعولنا قطع الغيار زى تركيا والصين والهند وطوب الارض شغال كمان ماحنا عجزة عن الفهم والاعاقة بقت فى دمغنا

انا بستغرب من مصانع اللى تحت السيلم فى التوصيف الحكومى انهم قدرو يقلدو الشكل بالظبط طب نميهم يا حكومة خليهم يطلعوا حاجة نظيفة

موقف حصل فى معرض سيارات مش فاكر سنة كام الريس واقف مع شاب بيعمل كلاكس للملاكى والنقل فبيقوله ان وزير النقل بيستورد الكلكسات من تركيا باضعاف ثمنه الريس طبطب عليه وقاله شوف الولد ده ومن سعتها الواد والوزير مظهروش تانى ههههههههههههههههههههههههه ههههههههههههههههههههههههه ههههههههههههههههههههههههه ههههههههههههه