لجنة المرور اللى عند هايبر وان

**Imhotep** · 18-08-2009 11:51 AM

حد يعرف لجنة المرور الدائمة اللى قصاد هايبر وان فيها رادار ولا لأ؟ لانى باخد المسافة اللى من ميدان جهينة الى هايبر وان جرى فوق السرعة المقررة (90كم) و بالتالى لو فى اللجنة دى رادار يبقى انا كده بلبس كل يوم مخالفة...... ياريت اللى عنده معلومة يفيدنى، وشكرا مقدما......

**د.أحمد سمير** · 18-08-2009 12:05 PM

أيوة فيها رادار ..
وعلى فكرة فيها خدعة بيتم اتخاذها لو عايز يغلس على أي حد ..

شوف بنفسك كدة هتلاقي المحور من بعد الصحراوي لحد النادي مفيهوش ولا علامة واحدة بتقول السرعة 90 كم /س
وعلشان كدة
ممكن حد يوقفك ويقولك انت تجاوزت سرعة 60 كم /س السرعة المقررة للسير في المدينة على المحور في كل هذه المسافة
والحكاية دي حصلت بالفعل مع أحد أصدقائي ..
فلا تتجاوز التسعين .. ولا تتجادل مع هذه اللجنة أو اي لجنة بعد الصحراوي رايح أو جاي
تقبل خالص مودتي

**ehabbasha30** · 18-08-2009 12:09 PM

اية معنى لا تتجادل ؟؟؟؟؟؟؟؟

مقاوحة قصدك ؟؟؟؟؟؟ ......... لو قصدك كدة فدة غلط مع كل مرتدين البدلة الرسمية من اول اللواء لغاية الصول
ممكن يلبسك قضية وانت واقف
احسن حاجة تاخدهم على قد عقلهم

**abzoabzo** · 18-08-2009 12:46 PM

مبدايا المنطقة ده مرشقة مطبات صناعية بالعبيط ازاى انت بتجرى بقى

**SAiF3S** · 18-08-2009 01:01 PM

انا عديت على اللجنه دى 5 مرات فى شهر واحد اوقات مختلفه و لا يوجد عليها رادار
و انا متاكد لانى اقدر اعرف عليها رادار ولا لأ

**Imhotep** · 18-08-2009 01:30 PM

شكرا لجميع الردود و الافادة.....
هى المنطقة من جهينة الى هايبر فيها مطبين بس الاول قبل هايبر بشوية و التانى امام هايبر بالضبط وهى دى اللى عندها اللجنة....... على العموم الطيب احسن و الالتزام بالسرعة افضل من كل النواحى، من ناحية السلامة ثم ماديا فى المخالفات ثم معنويا فى التعامل مع اصدقائنا اياهم.....

**kemo0o** · 18-08-2009 06:38 PM

اللجنة اللي قدام الشيخ زايد لجنة مرور عادية واوقات بيشوفوا الرخص ولا يوجد فيها رادار ولا دياولو انا بمشي على الطريق ده مرتين في اليوم ووقفت أكتر من مرة وكمان اعرف امين شرطة بيقف في اللجنة دي

**MoToRiZeR** · 18-08-2009 06:58 PM

من بعد المحور مفيش رادار و كمان فعلاَ زي ما قال دكتور أحمد سمير السرعة المقررة في المنطقة دي 60 مش 90
و هتلاقي لوحة مكتوب عليها كدة و إنت جي من المحور في إتجاه أكتوبر هتلاقيها عالمفرق اللي بين الطريق البطئ بتاع النقل و الطريق العادي .

بالنسبة ل اللجنة دي هي لجنة عادية بتشوف الرخص و المخالفات .. بيوقفوا اللي مفيم .. اللي شايل بروزات و حمولات عالعربيات الملاكي .. النقل اللي مش ماشي في الطريق البطئ .. يعني متابعة سير المرور مش أكتر .. كمان لأن المنطقة دي مكشوفة من الناحيتين مفيش مكان يستخبي فيه الرادار و لو كان فيه كنا شفناه .. و حتي العساكر اللي واقفة بتبقي من غير لاسلكي لو هيبلغوا بالويم كدة .

**أحمد كمال** · 18-08-2009 09:33 PM

المشاركة الأصلية كتبت بواسطة ehabbasha30

اية معنى لا تتجادل ؟؟؟؟؟؟؟؟

مقاوحة قصدك ؟؟؟؟؟؟ ......... لو قصدك كدة فدة غلط مع كل مرتدين البدلة الرسمية من اول اللواء لغاية الصول
ممكن يلبسك قضية وانت واقف
احسن حاجة تاخدهم على قد عقلهم

و هما عندهم عقل يتاخدوا عليه اصلا !

**aneo** · 19-08-2009 09:28 AM

انا من جامعة اكتوبر و اسافر كل اسبوع و كلام نهائى يوجد على المحور 3 رادارات و لما المحور بنتهى و انت رايح اكتوبر لا يوجد رادات ابتداء من الصحراوى و اكل لو انت فى اكتوبر و رايح المحور لا يوجد رادار حتى تطلع المحور و اللجنة الى عند هايبر لا يوجد بها رادار و لكن لفحص الرخص فقط

الموضوع: لجنة المرور اللى عند هايبر وان

LinkBack

أدوات الموضوع

عرض

-

-

-

-

-

المواضيع المتشابهه

عاوز احتفظ بصور من ملف العربية اللى في المرور اعمل ايه

الحقونى.....عربيتى اللى بعتها من 3 سنين لسه بأسمى فى المرور !!!!!

لكل اللى مركب فاميه.....خلى بالك من المرور اليومين دول

فين اماكن مدرسة السواقة اللى تبع المرور

الكلمات الدلالية لهذا الموضوع

المفضلات

المفضلات

ضوابط المشاركة