السلام عليكم
لو سمحتم يا شباب عندى مشكلة فى اوبل فيكترا 98 اوتوماتيك لما اجى ادورها وهية سخنةمش بتدور على طول ممكن اعرف اية الحل بس لما اجى ادور وهية بردها بتدور على طول
عرض للطباعة
السلام عليكم
لو سمحتم يا شباب عندى مشكلة فى اوبل فيكترا 98 اوتوماتيك لما اجى ادورها وهية سخنةمش بتدور على طول ممكن اعرف اية الحل بس لما اجى ادور وهية بردها بتدور على طول
الموضوع ده مشهور في ال126 بس الفيكترا ايه اللي هيمنعها تدور وهي سخنه ؟! متابع باهتمام
بمنتهى البساطة و كامل الثقة و عن تجربة حساس الكرنك نضف الفيشة الأول و اربطه كويس و لو مفيش فايده غيره
جرب لما تيجىء تدور والمكنه سخنه
أنك تحط فوطه صفراء مبلوله الأول على البوبينا قبل ماتدور
بهدف تبريد البوبينا
وجرب الدواره .....
لودارت على طول ......تبقى البوبينا تعبانه
طيب لو لسه العيب موجود ....وبدور بصعوبه على الرغم أنك بردت البوبينا .......
يبقى غالبا ده عيب جلب المارش بنقفش شويه على عمود ترس البندكس بسبب السخونه
سمير باشا واحشنى والله بس عن خبرة و معلومه مؤكده حساس الكرنك و انا مستعد اراهن على كده
'طب انا عندى مشكلة تانية ان العربية مش بتدور وهى بردة على طول بدور من تانى مرة او لما اعلق ايدى على الكونتكت كتير دة سبب اية
ده أسبابه حاجات كتير
1- عيب فى حساس الحراره
2- عيب فى حساس العمه (حرارة االهواء )
3- ضعف طلمبة البنزين
3- بنزين مش كويس ....وده عيب مشهور
4- عيب بوجيهات أو كابلات بوجيهات
5- تقل فى عمل حساس البوابه
6- عيب رشاشات
7- عيب فى ثغرة البوجيهات (لو كنت لسه مغيرها قريب )
8- ضعف فى المارش
9-بلف الأيدل عاوز يتنظف
10- ضعف فى آداء حساس البوابه
ومن الآخر ....أطمن على دورة الأشعال وقوة الشراره وأطمن على فلترى الهواء والبنزين
وغير البوجيهات ...لو مغيرتهاش من زمان ...ومون من مكان كويس ...وجرب
لو ده مجبش نتيجه يبقى نظف البوابه وبلف الأيدل
ولو ده مجبش نتيجه ...يبقى أعمل أسكانر للأطمئنان على عملية التحكم
انا لسة مغير بوجيهات وفلتر البنزين و فلتر الهو كويس
طب قولى ياباشا انضف الحاجات دى ازاى
1- بالنسبه لبلف الأيدل
حتحله من على البوابه وترش عليه مزيل صدأ wd40
فى الأماكن الموضحه على الشكل
2- بالنسبه للبوابه
حتحل خرطوم الهواء من على زور البوابه
وأنت ماسك بكرة الأكسراتير وبتحركها يمين وشمال
رش مزيل الصدأ برضه على أكس البوابه
لعمل تليين لشغل البوابه .وتسهيل أشارة ال tps sensor....
وممكن تبقى تنظف بعد النظافه بمنديل كلينكس مثلا
وتعمل تزييت خفيف بمزيته (زيت مكنه ) على أطراف أكس البوابه
ظبط أمورك بعد كده وجرب الوضع الجديد