بجد توكيل السبع محترمين وبيصلحوا اى عيب

**noa11** · 18-08-2009 02:21 PM

الاخوة الافاضل اعضاء المنتدى الكرام اريد ان احدثكم عن تجربتى الشخصية مع توكيل صيانة السبع
لم اكن اتخيل ان الخدمة من الممكن ان تكون اكثر من ممتازة ذهبت وقابلت افضل واادب مهندس استقبال فى مصر المهندس حاتم كان عندى عيب تصنيع فى الفانوس الامامى وعندما توجهت الى اسوا توكيل صيانة فى مصر ( توكيل مودرن موتورز بالدقى وبالمناسبة الاولوية هناك للسوزوكى فقط ) لم يفعلوا شيء ولكن فى السبع وبدون
كلام او مجهود قام المهندس احمد مهندس الضمان بتغيير الفانوس وعند تركيب الجديد ظهر نفس العيب وهنا
قام المهندس عبد المنعم مدير الصيانة ومعه طاقم السمكرة بالعمل داخل السيارة لمده 4 ساعات متواصلة كانها السيارة الوحيدة الموجوده لديهم مع العلم ان هذا اليوم كان زحمة جدا واكتشفوا ان تركيب تعليق الفانوس كان خطا واصلحوه ولم ياخذوا منى جنيها واحدا وتم غسيل السيارة مجانا
وبعد ذلك باسبوع توجهت الى السبع مرة اخرى لعمل صيانة 10000 وبالفعل وجدت اهتمام واحترام كالمعتاد فعلا هذا التوكيل جدير باحترامنا وثقتنا تحجز على رقم 0100050700 وتروح تلاقى دورك جاهز فعلا نظام واحترام وارخص من توكيلات سيئة زى مودرن موتورز سواء الدقى او ابو رواش تروح ابو رواش يطنشوك كانك بتشحت منهم
( توكيل مودرن موتورز بالدقى وبالمناسبة الاولوية هناك للسوزوكى فقط ولو النيسان بتاعتك محتاجة زيت او تربيط ممكن اكتر من كدا يعملوا مش فاهمين وروح اجرى على ابو رواش لكن لو سوزوكى مشنشة يناموا تحتها يومين بجد ياريت نيسان تلغى التوكيل دا من اسوا توكيلات السيارات عموما )

**maged george** · 19-08-2009 02:30 AM

الجمد لله ان عربيتك اتصلحت وعلى فكرة كل الكلام اللي حضرتك بتقوله ده عن مودرن موتورز صحيح 100% وعن تجربة وفعلا السبع توكيل محترم ومهندسينه محترمين وعلى درجة عالية من الامانة وخصوصا مهندس حاتم .

**mohamed Gamal** · 19-08-2009 12:38 PM

ياجماعة أنا كنت عاوز اسأل لو هشتري نيسان تيدا مستعملة و عاوز اكشف على حالة العربية كاملة اروح السبع ولا مودرن موتورز
انا بسال علشان الكشف بس فمحتاج اعرف حالة العربية بالضبط

**solid_khaled** · 19-08-2009 01:27 PM

هوا فين مكان توكيل السبع ؟

**noa11** · 21-08-2009 11:29 AM

توكيل السبع فى المعادى بعد فودا فون وتحديدا تمشى حوالى 200 متر بعد سور نادى وادى دجلة

**حاتم فوزى** · 21-08-2009 02:59 PM

كل سنة وإنتوا طيبين جميعا بمناسبة شهر رمضان الكريم

وشاكر ليك ياأستاذ أحمد noa 11 وشكرا ليك يابشمهندس ماجد بالنيابة عن مركز السبع
وبالنسبة لمكان مركز السبع

وإنت على الاوتوستراد فى شارع النصر عند بنزينة توتال فيه يو ترن هتلف هيكون على يمينك دخلة زهراء المعادى
إدخل منها وإمشى شوية قدام هتلاقى فودافون زهراء المعادى على يمينك كمل كمان شوية هتلاقى مسجد كبير
بعده دخلة يمين ادخل منها فى وشك هتلاقى سور نادى وادى دخلة وهتلاقى فتحة شمال خش منها وكمل قدام شوية هيكون على شمالك مخازن المعونة الامريكية وعلى يمينك مركز خدمة نيسان -السبع

**Badrashiny** · 24-08-2009 10:46 AM

المشاركة الأصلية كتبت بواسطة alsab3

كل سنة وإنتوا طيبين جميعا بمناسبة شهر رمضان الكريم

وشاكر ليك ياأستاذ أحمد noa 11 وشكرا ليك يابشمهندس ماجد بالنيابة عن مركز السبع
وبالنسبة لمكان مركز السبع

وإنت على الاوتوستراد فى شارع النصر عند بنزينة توتال فيه يو ترن هتلف هيكون على يمينك دخلة زهراء المعادى
إدخل منها وإمشى شوية قدام هتلاقى فودافون زهراء المعادى على يمينك كمل كمان شوية هتلاقى مسجد كبير
بعده دخلة يمين ادخل منها فى وشك هتلاقى سور نادى وادى دخلة وهتلاقى فتحة شمال خش منها وكمل قدام شوية هيكون على شمالك مخازن المعونة الامريكية وعلى يمينك مركز خدمة نيسان -السبع

طب انا مشتري العربية من مودرن موتورز ينفع اعمل الصيانة عندكم؟ وهل هبقى في الضمان برضه؟

**Said Elmasry** · 24-08-2009 11:30 AM

المشاركة الأصلية كتبت بواسطة badrashiny

طب انا مشتري العربية من مودرن موتورز ينفع اعمل الصيانة عندكم؟ وهل هبقى في الضمان برضه؟

ينفع عادى مافيش مشكلة
انا عربيتى جايبها من مودرن
وعملت الصيانة فى السبع
وفعلا مركز ممتاز بجد
كفاية انهم امبارح كلمونى عشان يتطمنوا على أداء العربية بعد صيانة الألف وعن ملاحظاتى عن مستوى الخدمة
ناس بتفهم وعارفة شغلها صح

**ehabspc** · 01-09-2009 01:29 PM

السلام عليكم و رحمة الله

ممكن اسأل هوة فى فرع فى اسكندرية؟

و يا ريت بالأرقام يعنى مثلا تكاليف المصنعيات فى الصيانات المختلفة

انا بكلم المرز على رقم الموبايل بس مشغول على طول

و جزاكم الله خيرا