انا عربيتى لانوس 2004 هاف اوبشن ومش عارف الاقى فين فيشه الاوكتان دى
ياريت حد يوضحلى بالظبط فين مكانها وشكلها عامل ازاى
انا عربيتى لانوس 2004 هاف اوبشن ومش عارف الاقى فين فيشه الاوكتان دى
ياريت حد يوضحلى بالظبط فين مكانها وشكلها عامل ازاى
الهاف اوبشن مفيهاش فيشة اوكتين
MMamdouh
استاذ ممدوح ....
انا عربيتى لانوس موديل 2008 هاف اوبشن ولقيت فيها فيشه الاوكتان ... لقيتها موجودة جنب القنطرة اللى تنحت الكورسى ...
انا عندى مربع فى الموكيت كأنه متقطع ... تحته الضفيرة وجنبه الفيشة بتاعت الاوكتان ... وانا ظبطها على بنزين 80 ...
لو حضرتك عايزنى اصورها لك ممكن ...
خلااااااص لقيتها وحولتها ل 80 بانى اوصل التلات اسلاك ببعض
تمام بس لما مونت 80 كان فى 10 لتر 90 كدا
المهم فولت 35 لتر وكان موجود 10 لتر 90
النتايج كركره خفيفه على التدوير
وكركره على النقله الاولى كدا لو انتا واقف
فى حل للكركره دى ولا طبيعيه كدا ؟
متابع باهتمام
ها يا جماعه انا مستنى حد يقولى حل للكركره الخفيفه الى على طلعه الاول كدا
والموضوع ده مياثرش على العربيه بما ان العربيه المفروض يتحط ليها 90
ياجماعه بعد تنضيف البوابه والسنسور بتاع الهوا والبوجيهات وعمل ايدل ليرن النتيجه ممتازه وماعادتش بتكركر خالص
بس خف رجلك بقى على البنزين حبه صغيرين كدا وهتلاقيها تشد معاك حلو
الموضوع ناجح اوى
اشطه ادينا وفرنا :))
بص لو الموضوع دا بياثر على العربيه ماكانوش عملوا فيشه الاوكتان دى وحطوا فيها 80 اكيد هيا نازله 80 و 90 و 95 حسب استخدام الدول وعندنا هنا 90 الشائع علشان كدا العربيات بتتظبط على 90 بس كدا
شغل حكومه وكدا اكيد علشان اكيد فى ضريبه على العربيات الجديده وكدا بتدفعها فى البنزين ال 90 شوف الفرق تقريبا نص التمن بالظبط
حسبى الله ونعم الوكيل فيهم
يعنى عاملها واتوكل على الله
على البركه يا برنس هتلاقى الفيشه تحت الكرسى اليمين لو عربيتك هاف اوبشن وصل التلات اطراف ببعض واعمل ايدل ليرن
وتوكل على الله هتبرجل معاك بتاع كدا نص ساعه فى الاول لحد ما تاخد على 80 وعيش بقى تفويله ب 30 جنيه بدلا من 65 جنيه :))
جرب كده يا حج ممدوح وقولى
العربيه كامله مكمله
السلام عليكم ,
الله يكرمك صور مكانها و صور الفيشة دة احنا فى عرض أى مبلغ يتوفر
و ألف شكر
بص
من الاخر دور تحت الكرسى اليمين الى جنب السواق هتلقى حته كدا بارزه زى ما تكون علبه ومقفوله بالموكيت بس فيها حاجه زى ماتكون فتحه كدا
قطع الفتحه كويس ودخل ايدك كدا هتلاقى الفيشه دى عباره عن 3 سلوك ليهم نهايه ومتوصل اتنين ببعض عن طريق سلك مكتوب عليه 87
وصل ال3 سلوك دول ببعض وركب وانتهى الحوار بس ماتنساش تعمل ايدل ليرن
وثانكسسسسسسس
أنا عملت كده بس العربية بتكركر
وبعدين يعنى ايه أيدل ليرن
الايدل ليرن زى ماقال MMamdouh
انك بتشغل الكونتاك وتسيبه 5 ثوانى وتطفيه وتكرر العمليه دى 4 مرات
وتشغل العربيه وتشغل التاكيف وتطفى
خلى رجليكم حنينه على دواسه البنزين بقى فى الطلعات
وبعدين عايز اعرف بتكركر امتى منكم على الاول ولا على الغيار لان الاتنين لازم تكونوا حنينين على البنزين والدبرياج هوا دا ال 80 فى اى عربيه