استفسار .. جدول صيانات لانسر بومه 1600

**ahmedelwan** · 18-08-2009 02:42 PM

السلام عليكم ..

لو حد عنده يا جماعه جدول الصيانات وايه الي بيتغير فيها لـ لانسر 1600 موديل 2008 بومه ..

لكم جزيل الشكر ..

كل سنه وانتوا طيبين

**مصراوي جدا** · 18-08-2009 04:13 PM

في التوكيل (شركة مصرية) بتكون الصيانة عند الألف الأولى ثم عند كل 10 آلاف كيلو متر بعد كده

وشرط سريان الضمان على العربية لمدة 3 سنوات او 100ألف كيلو متر ايهما اقرب ان العربية تكون بتعمل الصيانات الدورية في مراكز التوكيل او مركز خدمة معتمد

الصيانات العشرة والتلاتين والخمسين وهكذا بتسمى صيانات فردية

والصيانات العشرين والأربعين والستين وهكذا تسمى صيانات زوجية

كل الصيانات اساس التغيير فيها بيكون فلتر الزيت و زيت المحرك وبيتم تخيير العميل عاوز زيت موبيل 1 ولا XHP والأفضل موبيل 1 علشان بيقعد 10 آلاف كيلو وبالتالي مش محتاج يعمل اي حاجه في العربية في غير موعد الصيانة سوى البنزين

الصيانات التقيلة بتكون صيانة الأربعين والثمانين ومضاعفاتهم وباسميها تقيلة لأن بيتغير فيها حاجات كتير وبالتالي بتكون مكلفة شوية

اللي بيتغير في كل صيانة وسعرها موجود في الموضوع المثبت ده

http://www.nilemotors.net/Nile/46165-a.html

**MAX_PIN** · 20-08-2009 05:51 PM

شكرا باشمهندس طارق على التوضيح الرائع
وبقول لكل الناس الصيانه الدوريه فى ميعادها او قبل ميعادها بحاجة بسيطه افضل من ماتتأخر علي العربيه فى الصيانه
ودايما فى ناس كتير بتقولى فى صيانه الاربعين او الثمانين ألف
بترجع العربيه كأنها لسه زيرو ...فرجاء ماحدش يستخسر او يسترخص عشان مايبهدلش عربيته
كل سنة وانتوا طيبين
تحياتى