بفكر اغير لهوندا 97 او 98 بس تكون كامله اتوماتيك ممكن لعرف عامله كام و اكشف عليها ازاي و عايز اعرف ايه اخبار الصيانه و قطع الغيار و كل حاجه عشان انا عايز اخش نادر الهوندا ده ....
عرض للطباعة
بفكر اغير لهوندا 97 او 98 بس تكون كامله اتوماتيك ممكن لعرف عامله كام و اكشف عليها ازاي و عايز اعرف ايه اخبار الصيانه و قطع الغيار و كل حاجه عشان انا عايز اخش نادر الهوندا ده ....
بالنسبة لسعر هتعمل معاك من 65 الف لغاية 75 الف حسب الحالة
الكشف افضل مكان الوكيل واعتقد ممكن عند اي ميكانيكي كويس من بتوع الهوندا
بالنسبة لقطع الغيار متوفرة في الوكيل وممكن تلاقيها استيراد كمان
لو عاوز معلومات أكتر استاذ محمد الشامي mshamy هيفيدك أكتر مني لان الراجل معاشر هوندا من زمان وكمان عنده معلومات أكتر
والله أخجلتمونا يا كيمو باشا
شوف يا أستاذ ميمو
إحنا يشرفنا إنضمامك لعائلة الهوندا
توجد مواضيع كتيره ناقشنا فيها اللي حضرتك بتسأل عليه
لكن أخر موضوع إتفتح كانhttp://www.nilemotors.net/Nile/87185-lxi-1996-a.html
لو عايز أي معلومات تانية أنا تحت أمرك
استاذنا .... أنت الكبير
ومعلش انا متأخر عليك بس أعذرني الوضع اليومين دول غير مستقر لدرجة تسمح اني أجهز لك تقرير !!
سلام عليكم شباب, كل سنة وانتم طيبين جميعا, ازيك يا محمد باشا, يا رب تكون بخير, انا كان قدامى سيفيك 96 (الجيل السادس) وصاحبها كان طالب 45, هى كانت محتاجة شوية شغل , بس كانت سليمة(الاسعار فى انهيار)
اللهم لك الحمد والشكر
أخبار حضرتك إيه...كل سنة وحضرتك و الأسرة بالف خير
فعلا موضوع أسعار المستعمل بدأت تنزل بشكل ملحوظ في الإسبوعين الأخيرين على عكس التوقعات
يمكن علشان الإخوة العائدون من الخليج كانو بيشتروا زيرو "اللي سعره في متناول الجميع"
على سبيل المثال لا الحصر كنت متابع إعلان لعربية سيفيك SiR 93 مسقط المكنة الأوتوماتك كان أو إعلان عمله طالب فيها تقريبا 56 الف و بعدين بدأ ينزل و ينزل لحد ما وصل 48 و قابل للتفاوض
بجد بجد بحد شكرا يا جماعه على المساعده الجميله منكو و متشكر جدا للاستاز محمد الشامي
الحمد لله يا استاذنا الفاضل العزيز, و حضرتك بكل صحة وسلامة,
كان ليا استفسار كدة بخصوص فتيس العربية, اكتشفت حاجة فى الفتيس اسمه lock up CONTROL solenoid VALVE
هما صمامين ليهم فيشة المفروض توصل بال ecu , بس انا عربيتى كاربيراتير و مفيش ecu وبالتالى الصماماين دول مش واصلين, كنت عاوز اعرف فايدتهم و هل فيه حل لتشغيلهم, ولا الفابريكة مش عاملة حسابها فى الموضوع ده, اسف للأطالة و شكرا
والله على حسب المعلومات اللي عندي إن الصمامين دول بيتوصلوا ب كتاوت مش بوحدة التحكم و وظيفتهم التحكم في حركة ضغط الزيت داخل صندوق التروس للمساعدة على سهولة عملية نقل التروس مع تحقيق اعلى عزم...و الكلام ده بينطبق على كل السيارات الهوندا المزودة بناقل حركة أوتوماتيكي و لكن نظرا لتكرار أعطال هذه الصمامات و خاصة مع اي فك و تركيب للناقل الحركة و خصوصا اثناء تغيير سير التوقيت يقوم معظم الميكانيكية بفصلهم ...والله أعلم
الف الف شكر لسيادتك, يا رب منتحرم منك ابدا