| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 20

  1. #1

    الصورة الرمزية mahmoud_magdy

    رقم العضوية : 20232

    تاريخ التسجيل : 26Sep2008

    المشاركات : 2,000

    النوع : ذكر

    الاقامة : Ca!ro

    السيارة: So0N

    السيارة[2]: Gen.2

    دراجة بخارية: ........

    الحالة : mahmoud_magdy غير متواجد حالياً

    افتراضي رحلات عمل ,,, مغامرات وخبرات - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    والصلاة والسلام على أشرف الانبياء والمرسلين
    نبينا محمد عليه أفضل الصلاة وأتم التسليم
    أما بعد :

    طبعا انا استلمت عمل من فتره قريبه والحمد لله مبسوط بيه
    شاء القدر ان السائق يمشي واني انزل اضطراريا كذا مشوار شغل علشان الشغل ميقفش
    والحمد لله نزلت الكام مشوار دول وتميتهم على خير والحمد لله بدون أي اخطاء والحمد لله
    بالرغم اني معنديش عربيه ومش ممارس وبقالي كتير جداااا مسوقتش وبالذات مشاوير طويله
    هبدأ احكي عن الرحلات دي واحده واحده بقدر الامكان هحاول اقلل التفاصيل علشان محدش يزهق
    نبدأ على بركة الله .

    الرحله الاولى : العاشر من رمضان - بلبيس (رحلة عذاب ان لم تكن موت )
    الرحله دي بدايتها عذاب لان العربيه مش مساعده خالص على المرونه في السواقه (شاهين 96)
    وكمان كان الفتيس بتاعها باظ ولسا متصلح ومكانش سلس والدبرياج كان رخم جدااااااا والدركسيون تقيل موووووووووووووت ( تخيل كل ده في عربيه واحده وانت لوحدك اللي بتسوق عربيه بالشكل ده) المهم الحمد لله ربنا سهلها وطلعت بالعربيه ومشيت جوه البلد ( العاشر ) وطلعت منها بخير والحمد لله وانا اصلا مرعوب من العربيه ( مش عربيتي وخايف عليها )
    نيجي بقى للمشكله الاكبر طريق العاشر - بلبيس وما أدراكم ما هذا الطريق , الوقت اللي كنت ماشي فيه كان وقت خروج عمال المصانع اللي اغلبهم من مناطق قريبه من العاشر ( بلبيس الزقازيق كفر مش عارف ايه وهكذا يعني ) انا اخدت يميني ومشيت لوحدي ومليش دعوه بحد اللي عاوز يعدي يعدي واللي عاوز يمشي ورايا يمشي وخلاص وكل اما تكون عربيه ادامي بعديها وامشي ادامها وخلاص ومع ضيق الطريق , الطريق بقى حارتين وناس واقفه على الحاره اللي في اليمين ومطبات عند كل بلد وكل بيت والدنيا كانت مراجيح بالنسبه ليا وعدت بأمان الحمد لله لحد ما وصلت بلبيس ولقيت نفسي هسوق جوه شارع فيه ناس ودي عمرها ما حصلت وده كان شارع الموت بالنسبه ليا لانهم هناك مهما تزمرلهم مهما تتنطط ادامهم محدش بيوسعلك خالص في الشارع ده كل واحد ماشي معتدل في خط مستقيم ومتنح وملوش دعوه بالعربيات دا غير الموتوسيكلات اللي مهما اديت اشاره او شاورتلو انك داخل يمين مبيهديش ولا يعرف معنى كلمة فرامل اصلا
    وانا اديا على الكلاكس وبصراحه عذرت بتوع الميكروباصات على استخدامهم الكلاكسات طول الليل والنهار مع الناس ( مجرب بقى ) المهم بعد عذاب في الشارع ده واللي اطلقت عليه شارع البهايم ( عذرا لكل واحد من الشارع ده وعذرا لكل واحد من بلبيس )
    توضيح : البهايم بيركب عليهم حد بيسوقهم , في الشارع ده مفيش سواقين :d سداح مداح يعني
    وانا خارج خلاص من الشارع وبكسر شمال عشان اطلع فوجئت بموتوسيكل عليه اتنين ماشي سريع من غير مايهدي وكان هيلبس بس داس فرامل ومخو اتفتح (اصابه الفهم ) وعرف معنى الفرامل وفجأه واذا بوجه هذا السائق يتحول الى شئ غير معروف اسود وجهه وانغلقت عيناه وشعره وقف وكأنو واحد تاني وطبعا اذا كانت جت في حد تاني كان زماني مرمي في الصحراء مقتولا من الخضه ووجه الراجل , وفجأه الراجل اللي اعد جمبي قال للراجل اللي اعد ورى على الموتوسيكل ( لا مؤاخذه ياعم عماد هيا جت فيك انت ) وانا ناري بردت الحمد لله والوجه الشيطاتي ابتسم واتحول لطفل برئ ومسالم يااااااااااه , روحي ردت فيها وفجأه روجت قايل لا مؤاخذه انا كمان ومعلش ورحت طاير وجريت من المكان المفزع ده وهب نزلت الراجل اللي كان معايا في نص كوبري مش عارف ايه كدا علشان يروح مش عارف فين وانا طرت على العاشر واخدت رست كبير اوي في الصحراء عشان اعصابي جالها بوظان تماما وخفت اكون زي اللي في الشارع دول بس قلت اريح بعد كدا طلعت على العاشر علطوووووووول واديت مفاتيح العربيه لصاحب الشغل وقلتلو براءه .

    تابع الراحله الثانيه .

    إلى القمه

    musiccairo سابقا


  2. #2

    الصورة الرمزية Drift_Lover

    رقم العضوية : 30602

    تاريخ التسجيل : 20Jan2009

    المشاركات : 2,691

    النوع : ذكر

    الاقامة : Mansoura

    السيارة: PeUgeot 504 GL

    السيارة[2]: Fiat 128 - Fiat 132 - Lanose - Toyota Camry

    دراجة بخارية: No

    الحالة : Drift_Lover غير متواجد حالياً

    افتراضي -

    في انتظار التكلملة بس كبر الخط شويه... عينيا وجعتني يا راجل.

    اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ


  3. #3

    الصورة الرمزية mahmoud_magdy

    رقم العضوية : 20232

    تاريخ التسجيل : 26Sep2008

    المشاركات : 2,000

    النوع : ذكر

    الاقامة : Ca!ro

    السيارة: So0N

    السيارة[2]: Gen.2

    دراجة بخارية: ........

    الحالة : mahmoud_magdy غير متواجد حالياً

    افتراضي الرحله الثانيه : العاشر - القاهره -ابو رواش - العاشر -

    بسم الله الرحمن الرحيم
    الرحله الثانيه من أصعب وأطول الرحلات اللي مريت بيها طول مدة سواقتي
    على مذار الكام سنه اللي فاتو واظن اللي جايين كمان
    الرحله ابتدت بطريق القاهره اسماعيليه وده سوقت فيه كتير وسواقتي في كويسه اوي علما اني اخدت
    ثقه في نفسي من الرحله اللي فاتت وابتديت اثق في السياره رغم انها مش محل ثقه وبتعمل حركات غريبة الشكل في الطريق يعني ممكن العربيه تطفي او صوت الموتور يعلى بدون داعي المهم بعد طريق القاهره اسماعيليه مرورا بموقف العاشر وبعد كدا الدائري ولاول مره اسوق على الدائري والحمد لله برغم الميكروباصات وعربيات النص نقل والربع نقل والنقل لكن عديت من كل دول بسلام وأمان وكنت بزمرلهم عشان يعدوني كمان ( ثقه بقى احم احم ) وجه وقت أفضل خبره اكتسبها في حياتي وكنت ياما اتمنيت اني أعملها ( القياده بداخل القاهره ) طبعا نزلت شبرا الخيمه من الدائري مرورا بالمؤسسه ( للعلم اصلا انا من شبرا وحافظ القاهره كويس اوي ) ةبعد كدا الكورنيش وياه عالسعاده اللي كنت فيها بالرغم من المغامره الخطيره جدااااا لحد ما وصلت نايل سيتي وكنت بفكر ازاي هقف هناك لقيت ان في عربيات كتير راكنه اصلا المهم ركنت والراجل اللي معايا ( غير اللي فات ) نزل دخل النايل سيتي وانا شغلت نجوم اف ام واستمتعت بالنيل شويه في عز الظهر ( بقالي كتير من ساعة ما اشتغلت منزلتش القاهره ) وبعد فتره جه ةرحت كسرت على تاكسي وانا بطلع وهو اضطر مضطرا انو يقفلي وطلعت حلو اوي ومشيت وسط الزحمه وكسرت على ناس وناس كسرت عليا ( الله جميل اوي ) وكنت عمال بضحك اصلا والواد اللي جمبي مرعوب من سواقتي ( جامده طبعا بس ينقصها الممارسه والالتزام بالقوانين العالميه مش المصريه ) دا رأيي , المهم طلعت كوبري 15 مايو ومنو على ميدان لبنان وبعد كدا المحور ثم بعد كدا ابو رواش وعاوز اقول اني غلطت غلطات كبيره جداااااااااااا على الطرق دي وودينا الشغل اللي رحنا عشانو وبعد كدا بقى فطرنا ونمت شويه في العربيه عقبال اما الشغل يخلص وكنت تعبان جدا من السواقه والتركيز القوي ( ربنا يكون في عونكو ) وبعد كدا توكلت على الله راحلا الى المقر الرئيسي ( العاشر من رمضان ) وطريق العوده أصعب بمرااااااااحل من طريق الذهاب رغم ان الطريق هو نفسو لكن كمية السيارات اللي موجوده وان الواحد لازم يمشي على الاول او التاني بالكتير او يقف وطبعا اول مره بردو يحصل الموقف ده وكنت زعلان جدا وخايف جدا ومتوتر وقلقان لدرجة اني كنت بدوس بنزين جامد جداااااا عشان العربيه متبطلش مني او ترجع لورى مثلا والحمد لله عدت على خير وكسرت كسره عنيفه اوي وانا طالع الدائري من المحور عشان البني ادم اللي جمبي قالي لا مش هيا وبعد كدا فجأه قال لالالالا هيا دي , بعد كدا طلعت الدائري وجريت فيه كويس اوي وكأني كنت مربوط في المحور وما صدقت اني اجري واخرج من المأزق ده , وفجأه وبلا أي مقدمات الاقي بعد فتره كبيره ان الطريق يقف على الدائري ( يادي النيله السوده - تاني ) وامشي بقى براحتك وعلى مهلك تاني من بعد المرج بشويه لحد موقف العاشر ومش عارف هل الطريق دا من بعد المرج مطلع فعلا وكان بيتهيألي عشان كنت قرفان اوي وكان نفسي اعد ارتاح شويه من السواقه وانا اعد بدوس بنزين بغباء عشان فاكر انو مطلع وخايف العربيه ترجع لورى ويجي 10مرات العربيه تطفي مني وحالة زهق رهيبه لحد ما وصلت لموقف العاشر وطرررررررررررررت بجنوووووووووون وهديت خاااااالص كملت الدائري ولفيت ورجعت ونزلت نزلة طريق اسماعيليه ورجعت العاشر وسملت المفتاح للراجل تاني وقلتلو مش عاوز اسوق تاني ( برغم الزهق والملل اللي كان حاصل مكنتش متنرفز خالص وكنت مستمتع بالسواقه برغم بردو ان العربيه مش مساعده ) العيب الواضح اوي في الرحله دي الواد اللي كان جمبي ده اعد بيقول مبتعرفش تسوق مبتعرفش تعمل مش عارف ايه هي دي سواقه دا السواق كان بياخدها مش عارف ازاي وكان بسرعه ووووووو
    وانا اصلا شغلتي مش سواق ولا عندي عربيه امارس عليها السواقه وهو حتة بهيم ( فاكرين طبعا ) ولا فاهم حاجه دا كفايه اني رجت المشوار دا كلو اول مره والحمد لله رجعتو سليم بفضل ربنا , المهم اني اتخنقت منو اوي وعاملتو معامله زي الزفت في الشغل بعد كدا وهو اصلا خبيث وسوسه ومش هقول منين علشان هبقى غلطت كدا في محافظتين
    اخر كلامي عن الرحله دي انها من امتع الرحلات اللي قضيتها في حياتي

    إلى القمه

    musiccairo سابقا


  4. #4

    الصورة الرمزية Drift_Lover

    رقم العضوية : 30602

    تاريخ التسجيل : 20Jan2009

    المشاركات : 2,691

    النوع : ذكر

    الاقامة : Mansoura

    السيارة: PeUgeot 504 GL

    السيارة[2]: Fiat 128 - Fiat 132 - Lanose - Toyota Camry

    دراجة بخارية: No

    الحالة : Drift_Lover غير متواجد حالياً

    افتراضي -

    مبارك العوده بالسلامه يا ماااااااااان.

    اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ


  5. #5

    الصورة الرمزية mahmoud_magdy

    رقم العضوية : 20232

    تاريخ التسجيل : 26Sep2008

    المشاركات : 2,000

    النوع : ذكر

    الاقامة : Ca!ro

    السيارة: So0N

    السيارة[2]: Gen.2

    دراجة بخارية: ........

    الحالة : mahmoud_magdy غير متواجد حالياً

    افتراضي الرحله الثالثه : العاشر -الزقازيق - بلبيس - العاشر -

    ياعيني على دي رحله
    جزء كبير منها بيتكرر مع فارق الخبره , وبقية الاجزاء خبره أكثر وتحكم في الذات وثقه في النفس
    وثقه أعلى في استخدام السياره ووضع كميه من الماء عشان العربيه متسخنش
    طبعا زي الرحله الاولى العاشر -بلبيس بس استنو زيها في الطريق بس لكن من زيها في أسلوب القياده خالص المره اللي فاتت كنت ماشي على اليمين المره دي مشيت على الشمال وفي النص وكنت بعدي عربيات كمان وبسابق عشان مكونش في وسط زحمة العربيات اللي كانوا أكتر من المره اللي فاتت الحمد لله كنت ماشي كويس اوي وتحكمي في سرعة العربيه وفي الدريكسيون كان ممتااااااز جدااااا والتركيز مع المريات كان احسن بكتير من مرات فاتت
    ( انا مؤمن تماما انا المرايات مفيده جدا زي حزام الامان بالزبط ) , غلطه واحده عملتها على الطريق ده وزعلت اوي من نفسي انا ماشي بسرعه والطريق بدأ يهدأ جامد جدااااا وانا لسا مهديتش بالعربيه عشان سرحت لحظه بس ورحت ضاغط فرامل جامد اوي على كذا مره وللاسف كان في مقطوره ورايا والحمد لله الراجل اخد بالو والعربيه وقفت وطفت كمان من بس قوه ضغط الفرامل وارتباكي ( مدوستش دبرياج هههههههه ) واكيد لازم العربيه تطفي وشاورت لبتاع المقطوره معلش ورفعت ايدي بالسلام ومشيت وكملت طريقي عبورا ببلبيس ذاهبا الى الزقازيق ووصلت الزقازيق برغم الطريق الوحش جدااااااااااا واللي كلو حفر ومطبات وبلاد واراضي زراعيه وموتوسيكلات بتقطع طريق سريع يعني طريق كلو مشاكل اصلا بس الحمد لله كنت مركز اوي مع كل حاجه بتحصل على الطريق لحد ما دخلت اول الزقازيق كدا ونزلت الشخص اللي بوصلو بالشغل اللي معاه ولحسن حظي انو نسي شنطتو فوق العربيه عندي وانا مشيت اصلا وفجأه ببص في المرايه اللي في النصف ولقيت شنطه بتقع رحت هديت براحتي وعديت مطيب وركنت عالشمال ( غلطه ) ونزلت جبت الشنطه وكان معايا واحد قلتلو الواد نسي الشنطه راح قايلي روح رجعها ( هاهاهاهاها ال اروح ارجعها ال ) قلتلو لالالالالا مش هقدر امشي كل ده ( دا انا اذا رحت رجعتلو الشنطه دي ورجعت هلاقي نفسي ماشي في حمام سباحه من كتر العرق ) راح اتصل بيه قالو تعالى خدها قالو البضاعه لوحدها راح رجع هو هههههههههه وانا بقى مبسوط رحت ركنت يمين وفتحت الكبوت ملقتش ميه في القربه رحت جايب ميه ومليت القربه وفتحت الرياديتير وزودتو ميه وبعد كدا الراجل جه ومشينا على بلبيس .
    ويشاء السميع العليم اني ادخل من المكان اللي خرجت منو المره اللي فاتت في بلبيس واخرج من المكان اللي دخلت منو يعني خلف خلاف عكس عكاس كدا يعني
    ودخلت بكل ثقه واديا على الكلاكس بيب بيب بيب بيب بيب بيب بيب بيب وطبعا محدش فاهم حاجه ومحدش بيوسع ههههههههههههههه وانا المره دي عادي جدا وحاولت افادي كتير من ناس وموتوسيكلات والحمد لله وقفت عشان في بضاعه هتنزل ووقفت كذا مره ( الكلام ده قبل ما ادخل الشارع اياه ) ايوه نفس نظام الشارع اياه مطبق في الشارع اللي جمبو
    بعد كدا دخلت الشارع اياه ركنت دقيقه واحده وابتدت المغامره بتاعت المره اللي فات (yeees)
    بيب بيب بيب بيب ( اكيد محدش فاهم حاجه) الموتوسيكلات المره دي في وشي والعربيات الكارو والحنتور والعربيات البيجو والنص نقل دا غير اني لقيت مفاجأه في الشارع الطويل ده لقيت ( جمل ) ايوه جمل وكبييييير اوي وماسكينو كأنهم هيدبحوه بس واضح انهم بيجهزوه من دلوقتي عشان العيد وحاطينو في نص الطريق وكويس انو مداسش على عربيه ولا بني ادم ( مسالم مسالم يعني ) بعد كدا نزلت الراجل بقى وانا مشيت عائدا للمقر الرئيسي ورجعت من غير ما اريح المره دي مع السرعه العاليه بعدي عربيات طبعاااااا ووانا راجع قلت بدل اما اروح الشغل علطول اعدي على البيت اشرب ميه ساقعه روحت عديت عالبيت شربت ميه ساقعه اوي
    ورحت اتكلمت شويتين كدا ورجعت الشغل ورجعت بردو المفتاح لصاحب العربيه من غير ما اقول براءه ولا حاجه
    الرحله دي اكتر حاجه استفدتها منها هي انك مهما كنت بتسوق حلو اوي وواخد ثقه عاليه جدا في نفسك اوعى تتغر عشان الغلطه ممكن بسببها يحصل كوارث

    إلى القمه

    musiccairo سابقا


  6. #6

    الصورة الرمزية mahmoud_magdy

    رقم العضوية : 20232

    تاريخ التسجيل : 26Sep2008

    المشاركات : 2,000

    النوع : ذكر

    الاقامة : Ca!ro

    السيارة: So0N

    السيارة[2]: Gen.2

    دراجة بخارية: ........

    الحالة : mahmoud_magdy غير متواجد حالياً

    افتراضي -

    كدا دول 3 رحلات انا عملتهم لغاية دلوقتي
    من امتع المرات اللي سقت فيهم لسبب بيندرج تحتيه عدة اسباب
    السبب اني سقت لوحدي ومفيش واحد جمبي بيعرف يسوق يوجهني بالتالي انا دماغي مديها لنفسي وبطبق اللي اتعلمتو واللي قرأتو هنا في المنتدى بنفسي
    الاسباب التانيه بقى
    طبعا الاعتماد على نفسي في تثبيت وتطبيق اللي اتعملو وقرأتو والخبره الكتيره اوي اللي اخدتها من الكام رحله دول ( الله أعلم هيكون في رحلات تاني ولا لا ) والثقه في النفس اللي جت بسرعه جداااا بمجرد اني اخدت على العربيه وحفظت ابعادها ووثقت في قدراتها اللي مش جباره خالص مالص اقل من العاديه كمان لان العربيه حالتها مش كويسه اوي
    كمان حتة اني جمدت قلبي وسقت الكام مره دول وسط العربيات كدا سواء بهدوء او بغباء او استهتار او بعنف دا يكفي جدا انو علمني ازاي احافظ على اعصابي وافضل هادي في اسوأ الظروف والاخطاء اللي حصلت مش هتتكرر تاني ان شاء الله

    اتمنى اني اكون وفقت في سرد ما مريت به من تجربه
    واتمنى اني افيد مبتدئين او محترفين بالتجربه دي مش عارف فيها افاده ولا لا بس بالنسبه ليا انا استفدت كتير اوي
    شكرا لسعة صدركم
    والسلام عليكم

    إلى القمه

    musiccairo سابقا


  7. #7

    الصورة الرمزية A.Saad

    رقم العضوية : 25216

    تاريخ التسجيل : 15Nov2008

    المشاركات : 14,019

    النوع : ذكر

    الاقامة : Haram & My mobile phone

    السيارة: New Accent 08

    السيارة[2]: Picanto 09

    دراجة بخارية: no

    الحالة : A.Saad غير متواجد حالياً

    افتراضي -

    السواقة مالهاش كبير زى مانت قلت فعلا
    ابعد عن الهزار او التغليس مع السواقين التانيين يعنى بلاش عند ( نفسى ابطل ده )
    موضوع الترييح على المطالع فيه كا موضوع عنه فى المنتدى بس هاقول اللى فاكرة وحاول تدرب عليه

    الطريقة الاولى
    انت على المطلع
    دايس فرامل وواخ غيار اولانى ودايس دبرياج

    في سنة دبرياج تشيلها تلاقى صوت الموتور اتغير ده معناه انه نقل جزء من الحركة لصندوق التروس تقوم ساعتها شايل رجلك من الفرامل بسرعة ودايس بنزين
    مش لازم تكبس بنزين لدرجة كبيرة
    هتلاقى العربية طلعت ومارحيتش
    الطريقة التانية - باستعمال فرامل اليد
    برده واقف على المطلع ودايس دبرياج وشادد فرامل اليد
    تدوس بنزين وتشيل سنة دبرياج لحد ما تلاقى العربية عايزة تتحرك تقوم منزل فرامل اليد

    كمان ما تهزرش مع النقل
    ليه
    النقل سواقته رخمة العربية بتاع 18 غيار وعلشان ياخد بالله منك ويفرمل ممكن ما يعرفش او ساعات بيتغاظ من الملاكى - هما بيكرهوا سواقتنا وبيكرهونا اساسا - لانه بيفقد سرعته وعلشان يجبها تانى مش سهلة فممكن من غيظه يخبطك عمدا
    وكمان متعديش من يمينه لانه ساعات بيكون مش شايفك اصلا ومرايته مش بتجيبك ولو اظطريت استعمال الكلاكس وقلب نور

    A.Saad


  8. #8

    الصورة الرمزية M.Osman

    رقم العضوية : 23065

    تاريخ التسجيل : 24Oct2008

    المشاركات : 6,831

    النوع : ذكر

    الاقامة : Egyptian highways

    السيارة: -------

    السيارة[2]: Hyundai Verna 2007

    الحالة : M.Osman غير متواجد حالياً

    افتراضي -

    حمد لله على السلامة ..

    انا كنت جاي من القاهرة امبارح و عديت على بلبيس برضه..
    بصراحة.. بلبيس تعتبر كويسة بالنسبة للبلاد اللى بعد الزقازيق!!

    (طبعا راجع مكسر من كتر المطبات...حسبي الله و نعم الوكيل)


  9. #9

    الصورة الرمزية Drift_Lover

    رقم العضوية : 30602

    تاريخ التسجيل : 20Jan2009

    المشاركات : 2,691

    النوع : ذكر

    الاقامة : Mansoura

    السيارة: PeUgeot 504 GL

    السيارة[2]: Fiat 128 - Fiat 132 - Lanose - Toyota Camry

    دراجة بخارية: No

    الحالة : Drift_Lover غير متواجد حالياً

    افتراضي -

    النقل سواقته رخمة العربية بتاع 18 غيار وعلشان ياخد باله منك ويفرمل ممكن ما يعرفش
    .

    رجاء تغيير الخطأ الكتابي.

    النقل سواقته رخمة العربية بتاع 18 غيار وعلشان ياخد باله منك ويفرمل ممكن ما يعرفش او ساعات بيتغاظ من الملاكى - هما بيكرهوا سواقتنا وبيكرهونا اساسا - لانه بيفقد سرعته وعلشان يجبها تانى مش سهلة فممكن من غيظه يخبطك عمدا
    وكمان متعديش من يمينه لانه ساعات بيكون مش شايفك اصلا ومرايته مش بتجيبك ولو اظطريت استعمال الكلاكس وقلب نور
    +1111111111111

    اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ


  10. #10

    الصورة الرمزية Lord_Fouad

    رقم العضوية : 35701

    تاريخ التسجيل : 16Mar2009

    المشاركات : 808

    النوع : ذكر

    الاقامة : 10th of Ramadan

    السيارة: Nissan Sunny - N16

    السيارة[2]: Renault Sandero

    دراجة بخارية: لا يوجد

    الحالة : Lord_Fouad غير متواجد حالياً

    افتراضي -

    hasad">

    يا سلاااااااام على الموضوع دة ... فكرتني بأول مرة امشي فيها في الطرق دي
    بس انا عارف ان اللي يسوق في العاشر صعب انه يسوق في القاهرة او بلبيس او الزعازيع
    بس اهو لازم تتعلم برضو و بكرة هتزهق من كتر اللف فيهم و تتحول شبه السواقين بتوع المناطق دي .. زيي كدة

    Be Green
    Environment is Us



 
صفحة 1 من 2 1 2 الأخيرةالأخيرة

المواضيع المتشابهه

  1. صور1 رحلات فريق عمر الصياد-رحلات تسقيط من المكس مع الدرافيل 4/6/2012
    بواسطة elnopy2005 في المنتدى المنتــــــدى الاجتمــاعى
    مشاركات: 6
    آخر مشاركة: 07-06-2012, 06:38 PM
  2. الاستثمار فى الذهب وخبرات الاعضاء
    بواسطة egyptawy2010 في المنتدى المنتــــــدى الاجتمــاعى
    مشاركات: 31
    آخر مشاركة: 20-09-2011, 07:52 PM
  3. محل منظفات --- استشارة وخبرات
    بواسطة tkamal في المنتدى المنتــــــدى الاجتمــاعى
    مشاركات: 4
    آخر مشاركة: 08-05-2011, 03:28 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2