في حد هنا شغال في المصرية للاتصالات

**modux** · 28-10-2007 03:40 PM

المشاركة الأصلية كتبت بواسطة Nader

هو الحل ان تدخل شركة تانية منافسة في الخطوط الارضية علشان المصرية للاتصلات تفوق لتفسها

بصراحة انا لما بروح اي مصلحة بدور علي البيج بوس اللي هوا تقعد تشرب شاي و هوا ب عشريين جنيه يروحلك يخلصلك الورق اللي هتقعد فيه اسبوعين رايح جاي

سواء مرور او تليفونات اي مصلحة احوال مدنية و كل علي حسب ما تدفع

واحد صاحبي رخصة عربيتو اتسحبت
راح المرور فحص العربية و هيا تحت بيتهم يعني مش دخلت مرور تاني و الموضوع اتكوس و جاب الرخصة والله مالوش واسطة
واسطته كانت ورقة بخمسين

اسف جدا
بس للاسف هي دي مصر :-? :-? :? :?

**dragonsmith** · 29-10-2007 02:45 AM

قصدك 111

ايوة هة رقم الشكاوي 111

طيب مينفعش نطلب بتحويل الخط من هوائي لارضي؟؟

السلام عليكم،
الرقم 111 فعلا 8)

لمل طلبت التحويل لخط أرضي كان الرد بمنتهى الصفاقة استنى لما يحفروا امام البيت او وراه و بعدين تعالى قدم طلب! :shock:

**meza** · 29-10-2007 03:43 AM

كان عندى الخط الهوائى ده ......... بصراحة كله مشاكل ......... يشتغل يوم و يقطع يوميين

بس الحمد لله حولتوا أرضى .... زى الفل معطلش ولا مرة من ساعة ما ركبته و نت التليفون كان عليه هوا ... بس جبت DSL دلوقتى
أنا فاكر فى الهوائى خمس دقايق و يقطع و كان بيطلع عينى

على فكرة أنا جبت الجهاز الهوائى و شوفت تاريخ الإنتاج و بلد الصنع لقيت

تاريخ الإنتاج 4/99 و أنا مركب الخط 2004 و بلد الصنع فرنسا ........غريبة

واضح إن الموضوع إتعمل فى فرنسا و فشل فقالوا يجربوه فى مصر و برضه فشل :D

هما قالولى فى السنترال كل الخطوط هتتغير على نص السنة اللى جايه لأن الهوائى عاملهم مشاكل كتيير فى الشركة

**مصراوي جدا** · 29-10-2007 09:33 AM

ربنا يطمنكم

ايه الكلام الحلو ده عن الخط الهوائي

انا معزل من شهر واحد ولما جيت انقل التليفون قالوا لي هيكون خط هوائي ولما سعيت في تغييره لأرضي لقيت انه مينفعش وانها محاولات فاشلة ولا حتى بالفلوس

النقطة المهمة ان العامل اللي ركبه قال لو حصل عطل يبقى لا تتصل ولا حاجه كل اللي تعمله تجيب معاك الجهاز (وحدة اللاسلكي مش عدة التليفون) للسنترال وفي الغالب بيتم استبدالها فورا ومش بتتصلح حتى

وخللي بالك انهم حريصين جدا ان الناس تتكلم وتدفع فواتير اكتر واكتر ولذلك نصيحتي تروح لهم بالجهاز هيغيروه لك فورا

**Nader** · 29-10-2007 03:32 PM

هو واضح ان حصل سوء تفاهم بسيط.... انا اقصد الخط نفسة هو اللي هوائي مش العدد "مش عدة لاسلكي يعني"

**مصراوي جدا** · 29-10-2007 03:40 PM

ايوا يا نادر باشا انا فاهم

ما هو الخط الهوائي لازم المصرية للاتصالات بيسلموك جهاز عامل زي الراوتر بتاع الدي اس ال كده وله اريال صغير هو ده جهاز اللاسلكي اللي انا قصدي عليه

بس انا مدونيش طبق ارسال واستقبال صغير

يمكن اللي عندي ده احدث حاجه لأني مركبه في رمضان

**Nader** · 29-10-2007 05:28 PM

انا بقى مدونيش اي حاجة من اللي حضراتكم بتقولوا عليهم دول... ولا طبق ولا جهاز ارسال ولا اي حاجة!!.... يكونوش اتسرقوا :?

الموضوع: في حد هنا شغال في المصرية للاتصالات

LinkBack

أدوات الموضوع

عرض

-

-

-

-

-

المواضيع المتشابهه

موضوع غريب مع المصرية للاتصالات

هل تستحوذ المصرية للاتصالات على فودافون مصر؟

منحة المصرية للاتصالات 9 شهور بدأت

المصرية للسرقات ( للاتصالات ... سابقا )

الكلمات الدلالية لهذا الموضوع

المفضلات

المفضلات

ضوابط المشاركة