عرض للطباعة
سلام عليكم يا جماعة الخير، انا عندي خطين تليفون واحد قديم... ودة مفيش فية مشاكل والتاني هو الجديد... هوائي... الخط الهباب دة مشتغلش اكتر مما عطل :( ودلوقتي من شهر 7 وهو عطلان وكل ماكلم خدمة العملاء يسمعوني الاسطوانة المشروخة بتاعتهم اللي هي في خلال 48 ساعة هيكون متصلح...... انا خلاص جالي الضغط من الاستهبال دة مش عارف اعمل اية تاني :evil:
كان عتدى مشكلة شبة كده شوية وعملت نفساللى عملته ولا يوجد اى استجابة
فكان لازم اروح السنترال الصبح بدرى حوالى الساعة 8.30 علشان ابلغ على العطل وكمان اخد العامل معايا علشان يشوف البوكس
انا بقا عندي مشكلة من سنة !!!
نفس الاسطوانة المشروخة !!!!
خط هوائي زفت بعد 17 شكوي اتحول ارضي
رحت تي اي داتا و اشتركت و بعد كده الخدمة مش جت !!!!
اكتشفت انهم حووله ارضي فيبر !!! و لازم ارضي نحاس عشان يشتغل عليه ADSL
و طبعا مش هنزلهم بدري
مش عارف اعمل اية ؟
ممكن حضرتك تسبلى رقم التيليفون الى ادمت بية فى TE Data
و انا ممكن اعرف هوا وائف فين بظبت
و هاحاول اشوف حد من التركيبات يساعد فى الموضوع دة
بس الموضوع مش اكيد هيا مجرد محاولة
السلام عليكم،
عندي نفس مشكلتك بالضبط يا أستاذ نادر و زهقت بقى من الإتصال ب 101 و الغريب اني لما بسيب التليفون بايظ يوم او اتنين بيتصلح لوحده :evil:
قصدك 111اقتباس:
بقى من الإتصال ب 101
:D
ايوة هة رقم الشكاوي 111
طيب مينفعش نطلب بتحويل الخط من هوائي لارضي؟؟
يااااااااااه طلبت مليون مرة و كالعادة معنيش صلصله عشان اعمل كوسه في السنترال !!!اقتباس:
المشاركة الأصلية كتبت بواسطة Nader
طيب حاضر
لا لازم حضرتك تيجي
لا لازم طلب
لا اصل مفيش خطوط
لا اصل لا فصل
شغل حكومة اخر قرف
ما المصيبة انها مبقتش حكومة ولسة بيعاملوا الناس بنفس النظام القديم......دول عاملين تخفيض 70% على لخطوط علشان مفيش اقبال خالص... والله الموبايل ارحم من التعامل معاهم.اقتباس:
شغل حكومة اخر قرف
هو الحل ان تدخل شركة تانية منافسة في الخطوط الارضية علشان المصرية للاتصلات تفوق لتفسها
بصراحة انا لما بروح اي مصلحة بدور علي البيج بوس اللي هوا تقعد تشرب شاي و هوا ب عشريين جنيه يروحلك يخلصلك الورق اللي هتقعد فيه اسبوعين رايح جاياقتباس:
المشاركة الأصلية كتبت بواسطة Nader
سواء مرور او تليفونات اي مصلحة احوال مدنية و كل علي حسب ما تدفع
واحد صاحبي رخصة عربيتو اتسحبت
راح المرور فحص العربية و هيا تحت بيتهم يعني مش دخلت مرور تاني و الموضوع اتكوس و جاب الرخصة والله مالوش واسطة
واسطته كانت ورقة بخمسين
اسف جدا
بس للاسف هي دي مصر :-? :-? :? :?
اقتباس:
قصدك 111
السلام عليكم،اقتباس:
ايوة هة رقم الشكاوي 111
طيب مينفعش نطلب بتحويل الخط من هوائي لارضي؟؟
الرقم 111 فعلا 8)
لمل طلبت التحويل لخط أرضي كان الرد بمنتهى الصفاقة استنى لما يحفروا امام البيت او وراه و بعدين تعالى قدم طلب! :shock:
كان عندى الخط الهوائى ده ......... بصراحة كله مشاكل ......... يشتغل يوم و يقطع يوميين
بس الحمد لله حولتوا أرضى .... زى الفل معطلش ولا مرة من ساعة ما ركبته و نت التليفون كان عليه هوا ... بس جبت DSL دلوقتى
أنا فاكر فى الهوائى خمس دقايق و يقطع و كان بيطلع عينى
على فكرة أنا جبت الجهاز الهوائى و شوفت تاريخ الإنتاج و بلد الصنع لقيت
تاريخ الإنتاج 4/99 و أنا مركب الخط 2004 و بلد الصنع فرنسا ........غريبة
واضح إن الموضوع إتعمل فى فرنسا و فشل فقالوا يجربوه فى مصر و برضه فشل :D
هما قالولى فى السنترال كل الخطوط هتتغير على نص السنة اللى جايه لأن الهوائى عاملهم مشاكل كتيير فى الشركة
ربنا يطمنكم
ايه الكلام الحلو ده عن الخط الهوائي
انا معزل من شهر واحد ولما جيت انقل التليفون قالوا لي هيكون خط هوائي ولما سعيت في تغييره لأرضي لقيت انه مينفعش وانها محاولات فاشلة ولا حتى بالفلوس
النقطة المهمة ان العامل اللي ركبه قال لو حصل عطل يبقى لا تتصل ولا حاجه كل اللي تعمله تجيب معاك الجهاز (وحدة اللاسلكي مش عدة التليفون) للسنترال وفي الغالب بيتم استبدالها فورا ومش بتتصلح حتى
وخللي بالك انهم حريصين جدا ان الناس تتكلم وتدفع فواتير اكتر واكتر ولذلك نصيحتي تروح لهم بالجهاز هيغيروه لك فورا
هو واضح ان حصل سوء تفاهم بسيط.... انا اقصد الخط نفسة هو اللي هوائي مش العدد "مش عدة لاسلكي يعني" :cry:
السلام عليكم،اقتباس:
هو واضح ان حصل سوء تفاهم بسيط.... انا اقصد الخط نفسة هو اللي هوائي مش العدد "مش عدة لاسلكي يعني"
يا أستاذ نادر لو حضرتك طلعت على سطح البيت هتلاقي وحدة اللاسلكي اللي الأستاذ طارق يقصدها و هتلاقي كمان طبق ارسال و استقبال صغير متوصل بيه. الوحدة دي نازل منها سلك لنقطة التوزيع في البيت.
شكرا.
ايوا يا نادر باشا انا فاهم
ما هو الخط الهوائي لازم المصرية للاتصالات بيسلموك جهاز عامل زي الراوتر بتاع الدي اس ال كده وله اريال صغير هو ده جهاز اللاسلكي اللي انا قصدي عليه
بس انا مدونيش طبق ارسال واستقبال صغير
يمكن اللي عندي ده احدث حاجه لأني مركبه في رمضان
السلام عليكم،اقتباس:
بس انا مدونيش طبق ارسال واستقبال صغير
يمكن اللي عندي ده احدث حاجه لأني مركبه في رمضان
أنا اللي راكب عندي بقاله سنتين تقريبا فممكن فعلا يكون قديم.
شكرا.
انا بقى مدونيش اي حاجة من اللي حضراتكم بتقولوا عليهم دول... ولا طبق ولا جهاز ارسال ولا اي حاجة!!.... يكونوش اتسرقوا :?
ده فعلا أحدث حاجة و ده أدائه أحسن كتير من الهوائي القديم لأنه معتمد على تكنولوجيا CDMA وديه حاجة زي الGSM كده. و على فكرة الخطة الحالية للمصرية إن مافيش خطوط أرضي تاني و كل الجديد يبقى هوائي. لو حد عنده الهوائي القديم أعتقد إنه ممكن يروح يغيره من السنترال اللي تبعه و يجيب هوائي جديد بدون مشاكل.اقتباس:
ايوا يا نادر باشا انا فاهم
ما هو الخط الهوائي لازم المصرية للاتصالات بيسلموك جهاز عامل زي الراوتر بتاع الدي اس ال كده وله اريال صغير هو ده جهاز اللاسلكي اللي انا قصدي عليه
بس انا مدونيش طبق ارسال واستقبال صغير
يمكن اللي عندي ده احدث حاجه لأني مركبه في رمضان
[quote="ezshereef"]قصد حضرتك إنى فيه نوع جديد من الخطوط الهوائى أحسن من القديم ؟؟؟؟اقتباس:
ده فعلا أحدث حاجة و ده أدائه أحسن كتير من الهوائي القديم لأنه معتمد على تكنولوجيا CDMA وديه حاجة زي الGSM كده. و على فكرة الخطة الحالية للمصرية إن مافيش خطوط أرضي تاني و كل الجديد يبقى هوائي. لو حد عنده الهوائي القديم أعتقد إنه ممكن يروح يغيره من السنترال اللي تبعه و يجيب هوائي جديد بدون مشاكل.
طب ده ممكن يركب عليه دى إس إل و لا لأ ؟؟؟
ايوه هل ينفع يتركب عليه dsl؟؟؟؟؟؟؟؟؟؟؟؟؟؟؟؟؟؟؟؟
لا مش هينفع
لأ للأسف مش هاينفع و هاتفضل مع ال(Dial-up)اقتباس:
طب ده ممكن يركب عليه دى إس إل و لا لأ ؟؟؟
أه فعلا جودة الصوت فيه أحسن بكتير من الهوائي القديم. زي جودة الموبايل كدهاقتباس:
قصد حضرتك إنى فيه نوع جديد من الخطوط الهوائى أحسن من القديم ؟؟؟؟
جرب تتصل بـ 155 دة رقم الشكاوى بتاع الجهاز القومى لتنظيم الاتصالات ساعات بيجيب نتيجة ... الخطوط الهوائى للأسف مبيركبلهاش دى اس ال حسب كلام موظفى تى داتا لازم يكون خط أرضى و نحاس مش فيبر
بصوا انا كان عندي مشكله دي و غلبت معاهم بس اتحلت معاهم
بس كان ليا مشكلة تانية بياناتي كانت متلخبطة روحت السنترال كتير اوي بس لا حياة لمن تنادي
و في الاخر حلوا المشكلة لما بعت شكوي علي موقعهم علي النت !!!!!
و عجبي :lol: :lol: :lol:
فين الموقع دة يا باشمهندس محمد لحن انا خلاص ناوي اروح اول الاسبوع افسد التعاقد ....حسبي الله ونعم الوكيل.
ياجماعه الهوائى دة فى منتهى السؤ ومانصحش اى حد انه يجيبه دة عالطول عطلان وفواتير عاليه جدا مع انه مش شغال 23 ساعه فى ال24 ساعه وشوفت وسايط وعملت بلاغات كتير جدا فاى حد هايجيله لاسلكى يرفضه ويستخدم الموبيل ارحم
http://www.telecomegypt.com.eg/
في صفحة للشكاوي تبعتهالهم بس حاولت اجيبهالك بس السيت down ألوقتي
جزاك الله خيراً، هحاول معاةاقتباس: