أرجوكم حد يرد بما يرضى الله

**mr_easier** · 01-09-2009 02:38 PM

[QUOTE=mohamadika;3871957524]السلام عليكم ورحمة الله وبركاته
كل عام وانتم بخير

عزيزى صاحب الموضوع انا معايا الاسبرانزا 113 بقالها 10 شهور تقريبا وعامل اكتر من 11000 كيلو
بص حط فى دماغك حاجه مهمه جدااااا
كل موديل من اى عربيه مهما كانت فيها عيب معين مشترك مع باقى الموديل بتاعها

أخى العزيز جزاك الله كل خير على اهتمامك و كلامك مقنع جدا جدا..و ان شاء الله أنا خلاص على أبواب ان العربيه تكون معايا و ربنا يباركلنا فيها يا رب.

**som3aa** · 01-09-2009 03:15 PM

كنت عايز اسال حضرتك حاجة
جربت السبارك و الاتوس او سالت عليهم اساسا و شفتهم من جوه و كمالياتهم وكدا؟

**aboomarr** · 01-09-2009 08:37 PM

المشاركة الأصلية كتبت بواسطة mr_easier

والله حاجه تحير...أنا مالقتش عربيه عليها إجماع أبدا..حتى الميتسوبيشى محدش رحمها..طب نجيب ايه؟ يا جماعه ده انا معايا عربيه موديل 74 و والله ماشية زى الفل ولا عندى ايه بى اس ولا حتى عندى عفشه و بسافر و بروح و باجى و بتعطل و تتصلح و كله تمام..لو الجديد مفيش منه فايد يبقى خلينا زى ما احنا..ولا ايه؟

طب عاوز تغير ليه بس والله العربيات القديمه دى اجمل حاجه فكل حاجه ----كانت معايا شاهين والله حمالة قسيه اقع بيها فاى حفرة فالشارع وتلاقيها اسد واقف يالا بقه الله يمسيها بالخير فكرتنى بيها والله كانت غاليه عليا لدرجة اتصلت باللى اشتراها منى قلتله هيا فين قاللى شغاله تاكس فالقاهرة ههههههههههه وتمنها نزل 7000 جنيه بعدمشترتها منك ههههههههههه قلتله الله يكحمها مطرح مراحت كانت هتجبنى الارضضضضضض

**max_ziro** · 01-09-2009 09:42 PM

انا معايا ال113 بقالها 3 شهور ولله روعة هى ف الاساس عربيت ولدتى و مستحملاها هى و اختينى البنات و سواقة منيلة مع التكيف و الحمد لله العربية زى الفل كل الى بعملة فيها الصيانة العادية بتاعتها الى ف الكتالوج و دى مجانية وولله بدون مبالغة الفرامل الاى بى اس بتاعته دى روعة لما بركب سيفيايتى بحس انها فيها فرامل عجله مع ان فرامل عربيتى على الشعرة و عربية بتشد و جميلة انا مش عارف الى بيقول عليها وحشة دة بيقول على اساس اية مع العلم انى سافرت بيها و جريت بيها و شديت بيها بسم الله مشاشاء الله عليها
من الاخر كفاية ان الفانوس بتاعها ب 270 ف التوكيل و كل قطع غيارها رخيصة
و كمان مريحانى جدا و مريحة الى بيستخدموها اكتر منى امى و اخواتى ابنات و محدش اشتكى منها الحمد لله
صحيح نسيت اقول العربية عاملة 10000 كيلو و كمان فوقهم 400 يلا اى خدمة
....
ربنا يوفقك
الاستخارة و بعد كدة سيبها على الله ...

**youssefmustang** · 03-09-2009 03:24 AM

عايز رد صريح وتقرير مفصل بأدق شئ خد التقرير ده واقراه مرة واتنين
http://www.nilemotors.net/Nile/92268-a113.html
وانا عن نفسى هتشريها فى شهر 10 بأذن الله ما تسمعش كلام حد (مع احترامى الشديد للجميع) يقولك انها وحشة والكلام ده غير من اللى معاه العربية
صدقنى مش هتلاقى عربية بالمواصفات دى فى اى عربية تانية ولو فيه مش هتقل عن 80 الف جنيه دا لو كده كمان مافيش زيادة
توكل على الله ما تقلقش من حاجة واشتريها وقبل كل ده
صلى صلاة الاستخارة
اخوكم يوسف