الموضوع: الظاهر ان غبور بدأ يتعدل

يا جماعة أصلآ غبور مش وحش مرعب ، مصاص دماء ،، زي ما بيتصور في المنتدي
و خدماته معقولة و ضمانه حقيقي فعلآ لو العربية فيها حاجة بيعملها
بس هوا مشكلة الشركات الكبيرة في مصر لما حجمها بيكبر أوي مع سوء الإدارة المصرية حتي فودافون اللي هيا شركة عالمية خدماتها في مصر ضايعة و يبعتلك الفاتورة مرتين و حاجة تقرف
هوا مشكلته العويصة الزحمة الرهيبة اللي بتخليك مش عارف تاخد حقك
لسه إمبارح كنت في أبو رواش و انتم عارفين ماشاء الله حجم مركز أبو رواش أد أيه
و مع ذلك مدير الإستقبال كان خلاص هيشد في شعره و بيقولي ده إحا لو معملناش مركزين ثلاثة قد ده هنفشل
متنسوش إنه 35% من مبيعات السوق هيونداي

دى مش مشكلة غبور دي مشكلتنا إحنا.

مع إن كل الناس بتشتكي من التوكيل مبيعاته بتزيد و سعار عربياته بتزيد.

يعني لا مؤخذة حيتعدل ليه إذا كان كل ما بيزلنا بنشتري أكتر.

+ المعاملة اللي تحسسك انك انت اللي شغال عندهم مش العكس.

لأ دي بصراحة مشفتهاش الناس معاملتهم ذوق و أدب

مع إن كل الناس بتشتكي من التوكيل مبيعاته بتزيد و سعار عربياته بتزيد.

أي تاجر في مصر عنده مبدأ البلد فيها سبعين مليون زبون

زبون طار في غيره مائة

غير حاجات تانية بتميز غبور عن أي توكيل اخر ،، أجرأ توكيل من حيث طرح الموديلات عشر موديلات لسيارات الركوب ،، مفيش توكيل عنده التشكيلة دي تبدأ من خمسين ألف للأربعمائة و خمسين ألف عدو معاي ،أتوس ، فيرنا ، جيتز ، ماتريكس ، نيو أكسنت ، إلنترا، كوبيه ، سوناتا ، توسكان ، سانتا في،،،،،،،،، و كل موديل بكذا فئة

تاني حاجة قطع الغيار موجودة عالطول ،

العربيات نفسها دائما أرخص حاجة في فئتها ،،

و البندين الآخيرين دول أهم بند للمشتري في مصر ، بالإضافة لإعادة البيع المرتبطة بإنتشار هيونداي في مصر

هوا لو خدمته اتحسنت في الفترة الأخيرة اعتقد ممكن عشان طرح اسهمه في البورصة و الأكتر عشان المنافسة الشرسة من منصور بالأفيو و الأوبترا ،، و منصور من أكبر التوكيلات في مصر و بيصرف علي الدعاية جامد