ياباشا الكلام دة مش كلامنا...الكلام دة انا قريته فى كذا بحث علمى اتعمل وممكن جدا يكون غلط ولايمت للواقع باى صلة
ياريت سيادتك توضحلنا ايه الكلام اليعقل عشان نقوله
الموضوع الغرض منه العنده معلومة مؤكدة بيضيفها..مش اكتر ولا اقل
عرض للطباعة
ياباشا الكلام دة مش كلامنا...الكلام دة انا قريته فى كذا بحث علمى اتعمل وممكن جدا يكون غلط ولايمت للواقع باى صلة
ياريت سيادتك توضحلنا ايه الكلام اليعقل عشان نقوله
الموضوع الغرض منه العنده معلومة مؤكدة بيضيفها..مش اكتر ولا اقل
الذئب من أقرب الحيوانات الى قلبى بحبه و بحترمه و بخاف منه
اما عن انه بياكل الجن فانا غير مقتنع تماما بالموضوع ده لسبب ان قناعاتى بالنسبة للجن هى انه موجود زى ما قال الدين تمام طيب العلم بيقول ايه ؟ بيقول انه مش يحس بالجن فهو غير موجود دى نظره او بما ان لكل قاعده شواذ و انه توجد طبيعه و يوجد ما وراء الطبيعة من ظواهر غير مفسره و لكنها موجوده و تبع نظرية ابعاد الكون اللى زمان كانو 3 طول و عرض و ارتفاع و بعد كده زاد عليهم الزمن بفضل اينشتين و بعد كده لقو ان فى حاجات عشان تتفهم لازم يبقى فى ابعاد تانيه -عدد معادلات (ابعاد) بيساوى عدد المجاهيل(ظواهر)super string theory- فوصلو لأن توجد ابعاد تانيه كتير للكون غير اللى احنا بنحسها علاقة ده بالجن فى اعتقادى ان الجن موجود معانا فى نفس الكون لكن فى ابعاد تانيه و اتصال عالمنا بعالمهم نادر جدا جدا فاحنا كبشر لسه بنحاول نعرفه و ندركه و ده يخلينى اسلم تماما لما اسمع الشيخ كشك بيقول هو انت عاوز تخضع ربك لعقلك انت ؟! لما كان بيتكلم عن من يسال عن الاستواء "الاستواء معلوم، والكيف مجهول، والإيمان به واجب، والسؤال عنه بدعة"
فما بالنا بالذئب اللى مش بس بيدرك الجن لا ده بياكله كمان؟!
و حتى لو كله-بالهنا والشفا- فهو علم لا ينفع و جهل لا يضر
يعني هو الكلام حلو وبيعجب الناس.. بس بلاش حكاية أثبت العلماء وصرح العلماء دي، الكلام لايمكن يكون علمي وأسلوبه أسلوب ساخر لما يقول كلام "شبه" علمي ويلصقه بعلماء في الدين وبعديهم يقول علماء الحيوان يبقى سخرية وش ..
هانتكلم في الظواهر والكلام المثير بتاع الجان والأطباق الطائرة يبقى ننحي كل العلم جانباً ومانجيبش سيرة علماء دين ولا علماء حيوان.. هانتكلم عن سلوك الحيوان وعلم يبقى بلاش نجيب سيرة الجان والغيبيات .. وشكراً
على جنب كدة، حسب معلوماتي لاتوجد فصائل من الذئاب في مصر، وما نطلق عليه "ديب" اسمه الأصلي "ابن آوى"
مش فاهم ايه الفايده من المعلومات المدهشه ديه
ديب ايه وجن ايه
وابحاث علميه ايه اللى بتدرس العلاقه بين الجن والذئب
فين المؤسسه العلميه الهايفه اللى بتدرس ده
ولو بياكل الديب
ايه اللى حصل استفدنا احنا ايه
وبردو لو مبياكلوش ايه اللى هيحصل
المشكله مشكله الجن مش مشكلتنا
على اى حال اللى اقدر اكده لانى شفته وعشته
فى ديابه فى مصر و انا شفتها فى جبال الجلاله البحريه
وبتخاف الانسان ولاسيما لو كان فى جماعه
انا برضك سمعت الكلام دة من ناس كتيرررر وبثق فى كلامهم ....
من واقع خبرتى المحدودة عنة ........ ان الديب لا يمكن ابدااااااا ان يتولف لانة ميقدرش يعيش مع فصيلة غير فصيلتة
وغريزة الافتراس عندة مينفعش تتشال مهما اتروض ولوا اتجرحت ونزفت دم قول عل نفسك يا رحمان يا رحيم لانك مش هتخلص من مطاردتة وبيقدر يميز ان الى ادامة رجال ولا ست ومعة سلاح ولا لا والمطاردة بتكون من مكان بعيد جدا عن الفريسة .. والاهم انوا ممكن يموت من الجوع بس مايكلش الجيفة ابداا ولا يقربلها...
الكلب والديب من نفس الفصلية بس الديب ممكن بسهولة انوا يفترس الكلب لو استفذة....
....طبعا الدياب الى بتطلع فى الافلام مش بتكون دياب حقيقة بتكون كلاب بس قريبة شكلها من الدياب ....زازاى بقى نفرق ....بسهولة جدا ان الديب بوزة وفكة اطول من الكلب وارفع والرجول بتكون رفيعة نسبيا عن الكلب واطول منة والديب ديلة بيبقى مفرود على الارض دايما مش زى ديل الكلب الى عمرة ما يتعدل.....
معرفش بقى غعلا انوا يقدر ياكل الجن ولا لا بس الى اعرفة انوا بيقدر يشوفة ويحطة تحت نظرة ... زى الديك بشوف الملائكة والحمار الى بينظر شيطان اعوذ بالله ...............
سورى لو طولت عليكوا ...