الموضوع: حيوان اقوى من الجن

الذئب من أقرب الحيوانات الى قلبى بحبه و بحترمه و بخاف منه

اما عن انه بياكل الجن فانا غير مقتنع تماما بالموضوع ده لسبب ان قناعاتى بالنسبة للجن هى انه موجود زى ما قال الدين تمام طيب العلم بيقول ايه ؟ بيقول انه مش يحس بالجن فهو غير موجود دى نظره او بما ان لكل قاعده شواذ و انه توجد طبيعه و يوجد ما وراء الطبيعة من ظواهر غير مفسره و لكنها موجوده و تبع نظرية ابعاد الكون اللى زمان كانو 3 طول و عرض و ارتفاع و بعد كده زاد عليهم الزمن بفضل اينشتين و بعد كده لقو ان فى حاجات عشان تتفهم لازم يبقى فى ابعاد تانيه -عدد معادلات (ابعاد) بيساوى عدد المجاهيل(ظواهر)super string theory- فوصلو لأن توجد ابعاد تانيه كتير للكون غير اللى احنا بنحسها علاقة ده بالجن فى اعتقادى ان الجن موجود معانا فى نفس الكون لكن فى ابعاد تانيه و اتصال عالمنا بعالمهم نادر جدا جدا فاحنا كبشر لسه بنحاول نعرفه و ندركه و ده يخلينى اسلم تماما لما اسمع الشيخ كشك بيقول هو انت عاوز تخضع ربك لعقلك انت ؟! لما كان بيتكلم عن من يسال عن الاستواء "الاستواء معلوم، والكيف مجهول، والإيمان به واجب، والسؤال عنه بدعة"
فما بالنا بالذئب اللى مش بس بيدرك الجن لا ده بياكله كمان؟!
و حتى لو كله-بالهنا والشفا- فهو علم لا ينفع و جهل لا يضر

المشاركة الأصلية كتبت بواسطة ASKAFRAWY

[frame="1 80"]
رقـم الفتوى : 108369
عنوان الفتوى : هل يأكل الذئبُ الجان
تاريخ الفتوى : 14 جمادي الأولى 1429 / 20-05-2008
السؤال

سؤالي إلى فضيلتكم هو.. دارج الآن في المنتديات موضوع بعنوان الذئب، فهل تعلم أن الذئب هو الحيوان الوحيد الذي يأكل الجن هل تعلم أن الذئب هو الحيوان الوحيد الذي تخشاه الجن، فهل هذا الكلام صحيح وإذا كان صحيحا فهل يجب أن يكون هناك دليل شرعي، أرجو الإفادة منكم؟ وجزاكم الله خيراً.
الفتوى

الحمد لله والصلاة والسلام على رسول الله وعلى آله وصحبه، أما بعـد:

فإنا لا نعلم نصاً ولا دليلاً شرعياً يثبت أو ينفي هذا الأمر، وقد أفتى الشيخ ابن جبرين حفظه الله تعالى بإمكان هذا الأمر، فلتراجع فتواه في موقعه.

والله أعلم.
المفتـــي
[/frame]

انا معترض على اجابة المفتى على السؤال ما وضحش اى حاجة امال هو اسمه مفتى اذاى
ولو الشيخ ابن جبرين افتى بامكان هذا الامر ليه المفتى ماياكدلناش او ينفيلنا المعلومة

يعني هو الكلام حلو وبيعجب الناس.. بس بلاش حكاية أثبت العلماء وصرح العلماء دي، الكلام لايمكن يكون علمي وأسلوبه أسلوب ساخر لما يقول كلام "شبه" علمي ويلصقه بعلماء في الدين وبعديهم يقول علماء الحيوان يبقى سخرية وش ..

هانتكلم في الظواهر والكلام المثير بتاع الجان والأطباق الطائرة يبقى ننحي كل العلم جانباً ومانجيبش سيرة علماء دين ولا علماء حيوان.. هانتكلم عن سلوك الحيوان وعلم يبقى بلاش نجيب سيرة الجان والغيبيات .. وشكراً

على جنب كدة، حسب معلوماتي لاتوجد فصائل من الذئاب في مصر، وما نطلق عليه "ديب" اسمه الأصلي "ابن آوى"

المشاركة الأصلية كتبت بواسطة blazer

مينعش الموضوع دا مع الذئب
اعتقد هيحس بحراره دمك و صوت تنفسك و هيعرف انك بتستهبل هو انا اعرف ان الذئب بيخاف من الميه فلو فى اى حته فيها ميه انزل خد لك غطس

حلوة حكاية يعرف ان الواحد بيستهبل دى

المشاركة الأصلية كتبت بواسطة hoky

اسمع ان الذئاب برضه بتخاف من النار لو هجم عليك الذئب ممكن تولع في نفسك فيخاف الذئب يقرب منك

طب مهو حيستنى لغاية مالنار تنطفى وياكلنى يبقى بعد اللى عملته دا كله حياكلنى برضه لا وايه ضانى مشوى كمان

المشاركة الأصلية كتبت بواسطة ams

و حتى لو كله-بالهنا والشفا- فهو علم لا ينفع و جهل لا يضر

من الاخر

مش فاهم ايه الفايده من المعلومات المدهشه ديه
ديب ايه وجن ايه
وابحاث علميه ايه اللى بتدرس العلاقه بين الجن والذئب
فين المؤسسه العلميه الهايفه اللى بتدرس ده
ولو بياكل الديب
ايه اللى حصل استفدنا احنا ايه
وبردو لو مبياكلوش ايه اللى هيحصل
المشكله مشكله الجن مش مشكلتنا

على اى حال اللى اقدر اكده لانى شفته وعشته
فى ديابه فى مصر و انا شفتها فى جبال الجلاله البحريه
وبتخاف الانسان ولاسيما لو كان فى جماعه