سؤال عن الرشاشات

**zaza2002** · 19-08-2009 12:30 AM

اولا انا بشكرك على ردك يابشمهندس وكل سنه وانت طيب انا العربيه عندى بتعمل تقريبا من180الى200كيلو فى الصفيحه بس انا بلاحظ فى المنتدى ان كل الشكاوى من استهلاك البنزين العالى عشان كده سالتك عن الرشاشات

**samirayad** · 19-08-2009 12:46 AM

كل سنه وحضرتك وجميع الأسره بخير وسعاده
بالنسبه للأستهلاك لازم تقيمه على طريق سريع
مع الأعتماد على تفويلتين متتابعتين
علشان تعرف تحسبه صح
وبعد كده ....لو حسيت أن الأستهلاك كتير
يبقى فيه عيب فنى فى آداء العربيه عامة ( المكنه - الفرامل - بلى العجل ) وهكذا

**welloo** · 19-08-2009 10:14 AM

إزيك يا اشمهندس سمير أنا كان ليه سؤال ... لما باشغل التكييف وأنا واقف في إشاره بيبقا في رجرجه وبحس بيها في الدريكسيون وأنا واقف ( بيتهز ) وبدين ختفيوترجع وهكذا ده طبعا غير صوت الموتور العالي وأنا ماشي لكن من غير التكييف ما فيش حاجه من ديالعربيه موديل 2007 وعامله 47000

**samirayad** · 19-08-2009 03:05 PM

إزيك يا اشمهندس سمير أنا كان ليه سؤال

كل عام وأنت والجميع بخير

لما باشغل التكييف وأنا واقف في إشاره بيبقا في رجرجه وبحس بيها في الدريكسيون وأنا واقف ( بيتهز )

يعنى المكنه بتترج وتتهز معاك ...والrpm بيبقى مش ثابت

وبدين ختفيوترجع وهكذا ده

ياريت توضح الجزئيه دى تانى.....وياريت تقولنا برضه على موقف الفلاتر وسير الكاتينه والبوجيهات (لأنى شايف العربيه عامله 47 ألف )
وهل نظفت بلف الأيدل والبوابه وعملت أيدل ليرننج قبل كده

**welloo** · 19-08-2009 03:15 PM

أولاً : شكراً لذوقك وسرع الرد وكل عام وأنت بخير

ثانياً : العربيه هاف أوبشن (ما فيش rpm)

ثالثاً : أنا عملة صيانة ال 40000 جميع الفلاتر إتغيرت والسيور والبوجيهات (3 شمعه)والبطاريه زودت ليها ميه مقطره وزودت ميه خضره لإربة الريداتير وغيرت بيض بارات وبيض مقصات وأربع مساعدين (الحاجات دي كلها أصلي).

رابعا : الرجرجه دي بحس بيها في الدكسيون لأني رحت لميكانيكي وفتح الكبوت وشغالنه التكيف ورفع الهاند بريك وإدها أولاني وينزل الهاند ويطلعها وبص على كراسي الموتور وقالي ما فيش فيها حاجه .

**samirayad** · 19-08-2009 03:48 PM

يعنى أفهم من كده أن حمل المكنه تمام وسرعتها ثابته
ومبتعلاش وتوطى مع شغل التكييف
والعيب عندك رجه فى الدركسيون فقط وقت تشغيل التكييف

**welloo** · 19-08-2009 04:25 PM

بالظبط يا باشا بس صوت الموتور بيعلى شويه

**samirayad** · 19-08-2009 04:48 PM

عامة حقولك على حاجه بسيطه وغير مكلفه وجرب
1- ظبط شد سير طلمبة الباور شويه
2- لو كان فيه زنه فى صوت طلمبة الباور
يبقى فيه هواء برضه فى دايرة الباور
حتراجع على رباط جميع خراطيم الباور الأول وخصوصا على سحب الطلمبه ....وحتفتح غطاء تنك الباور ...وتحرك الدركسيون كذا مره لأقصى اليمين وأقصى الشمال فى محاولة أخراج الهواء من الدايره

**HANYAZAB** · 13-09-2009 12:43 AM

مساء الخير على كل الزملاء وسلام خصوصى للمهندس/ سمير عياد على ردودة البسيطة والمهمة فى نفس الوقت
نفس الاعراض التى اعانى منها وسيارتى لانوس 2000 كاملة
1-غياب فى الدوارة
2-ريحة بنزين احيانا
3-رجة بسيطة جدا فى السلانسية