معلش ياباشا أصل انا على أدى فى العربيات ومبفهمش فيهم كويس
ولولا اختلاف الأذواق لبارت السلع
لو الموضوع فى ايدى أنزلها تلاتين مش عشرين بس عشان خاطرك ياباشا :)
العفو شكرا على ذوقك
معلش ياباشا أصل انا على أدى فى العربيات ومبفهمش فيهم كويس
ولولا اختلاف الأذواق لبارت السلع
لو الموضوع فى ايدى أنزلها تلاتين مش عشرين بس عشان خاطرك ياباشا :)
العفو شكرا على ذوقك
موضوع متميز كالعادة يا حسام ااف شكر وبجد وهمية
ياحسام ياجااااااامد
دلوقتي الدوك هيقولك اغراء ما بعده اغراء ومش بعيد يبيع
شكرا علي الموضوع الجامد جدا دة ياحسام انت وكيمو
انا ممكن اشترى الجنط لوحده ب 150 الف , الجنط دا خلانى اتهبلت:36_1_8[1]:
و الاحمر على العربية خلانى اتهبلت اكتر , بجد كيا هتمسح السنة الجاية دى
متشكرين يا حسام باشا على التقارير الجامدة , استمر فى النفخ
الف شكر يا باشا على الصور
[QUOTE=Hosam_Optrawy;3871938261]معلش ياباشا أصل انا على أدى فى العربيات ومبفهمش فيهم كويس
ولولا اختلاف الأذواق لبارت السلع
يا باشا انا مقلتش كده خالص علي فكره و بعدين انا بشكرك علي المجهودو الصور الرائعه بس من الواضح ان سعدتك فهمت قصدي غلط تماما و اخدت الموضوع علي صدرك قوي
و بشكرك مره تانيه علي الصور
تسلم يا حس باشا وعقبال منشوف الفورتي والكوبيه والسول والكارينز واقفيين جنب الاوبترا السوداء ونيجي نشتري من عندك .....
بجد تسلم على مجهوداتك الكبيرة وربنا يخليك لينا يا كبييييييييييير
السلام عليكم ورحمة الله وكل سنه وانتم طيبين ورمضان كريم
بالنسبة للتقرير مشكور عليه يا حسام باشا
بس انا ليا تعليق صغير هل ادائها وموتورها اخباره ايه ومتهيالى موضوع السماعت ده قمئ شويه حسيت انى فى ديسكو مش عربيه محترمه وكمان السعر عالى عليها جدا فى الاول والاخر كورى يعنى مش ميزه ده راى ياريت نفكنا من موضوع الشكل والانبهار شويه ونخلينا فى المضمون علشان كده احنا بجد بقينا ورا قوى ولسه
شكرا وارجو محدش يزعل منى
حسبى الله ونعم الوكيل
ماشي يبقي بنتكلم عن كوبيه ... يبقي من غير ما أفكر تبقي سيات ليون شكلها كوبيه و مش باين الأكر اللي ورا لأنها مدمجة في القزاز .. حركة صايعه أوي وفي نفس الوقت ٤ باب يعني أخدت جمال الكوبيه في الشكل و سهولة إستخدام ال ٤ أبواب
وكمان عربيه full option وكمان بفتحة سقف وكل ده بـ ١٤٦ تقريباً ... وفي رأيي شكلها وهم تحس إنك واقف قدام concept car مش بتتشاف غير مرة كل فين وفين .. عربية مميزه يعني .. مش زي الجولف وش الچيتا ومنتشره
أنا عارف إن موضوع الشكل ده أزواق .. بس فعلا ال ليون دي طفرة أنا مشفتش حد شافها و مفتحش بقه من جمالها
يبقي أختار ليون ولا كيا ؟
وشوف حضرتك الڤيديو ده يمكن تغير رأيك إنت :36_1_1[1]:
YouTube - SEAT Leon Cupra (by UPTV)
بالمناسبه أنا شكل كيا عاجبني جداً جداً جداً وبموت فيه فعلا وهم وطفرة ... بس أنا بقارن بألماني .. ألماااااااااااني ( قولو عليا معقد بس السنين هيا اللي بتبين الحاجة الكويسة من التقليد )
ويا رب كيا تتحي بقي في الخامات والقوة وتبقي إعتماديه زي العربيات الألماني
أه بالمناسبة الڤيديو ده للـ Leon Cupra إختلاف في المواتير والكراسي الريكارو ولوجو cupra اللي ع الدركسيون وشوية حاجات عبيطه كده ،،، مش فرق جوهري
بس عشان محدش يقولي دي مش ليون اللي عندنا... >> يبقي بتقارن غلط
شكرا على تعبك يا حسام باشا - ورمضان كـريم :36_1_58[1]:
هو فين السؤال ؟؟؟؟ ...
و ع العموم العربيه بتنزل مانيوال full option لسببين الأول إن الموتور ١٦٠٠ سي سي الفتيس الأوتو بينزل في المواتير الكبير بس عشان يحافظ علي الصورة الرياضيه للعربيه .
والتاني أعتقد من وجهة نظري إنو مينفعش ينزلها أوتو في الوقت اللي فيه الجولف موجوده أوتو ،، عشان ميحرقش الجولف ٥ ،، لأنها في الأخر شركة واحدة VW Group
ومينفعش يحرق نفسه
لأنه لو نزلها أوتو أعتقدإنها هتحرق الجولف
[QUOTE=memoz;3871938907] العفو ياباشا
وانا مفهمتش قصدك غلط ولا أخدت الموضوع على صدرى ولا حاجه
حضرتك قلت الميجان والايوس كابريوليه مش كوبيه
فعشان كدا بقولك معلش انا على أدى فى العربيات ودى حقيقه فعلا :)
وكل سنه وانت طيب
محمد باشا ازيك ؟
يارب تكون بخير دايما
ربنا يخليك متشكر جدا على كلامك وذوقك
وكل سنه وانت طيب :)
انا عارف طبعا ان الليون تحفه
بس انا قصدى تصميم وشكل العربيه
الفورتى الكوبيه شكل سبور اوى وباب واحد بعكس الليون
وكمان اللليون مانيوال فقط
وانا رايى ان الفورتى شكلها أحلى وتخطف أكتر وزى ما انت بتقول Concept Car أكتر من الليون
والموضوع مش عقدة ولا حاجه دى اذواق مش أكتر :)
شكرا ليك على الموضوع الرائع ده
حساااااااااااااام باشا
ايه الحلاوة دي
أنا عارف اني متاخر في الرد و كنت احب أن أكون في طليعة الردود
بس منها لله الويندوز
احنا كنا ناويين أنا و نادر بيك نبيل منسق القسم الهمام نطلع الطلعة دي
بس الباشا كان عنده ميتينج و ما عرفناش نظبط
بس كنا هانطلع على الفاضي بعد الموضوع ده
المهم
أنا لسه ما شفتش الحتة الكوب على التشبيعة
انت اللي عاينت
ايه ؟؟؟
ياللا و لا مش فارقة ؟؟؟؟
العفو
ولا يهمك ياباشا مفيش تأخير
ردك يشرف وينور موضوعى فى اى وقت :)
وياريت انت ونادر تطلعوا الطلعه وتعملوا الموضوع عشان هاتعملوه احسن منى اكيد
وبأمانه يادكتور العربيه وهــــــــــم بمعنى الكلمه
انا مش عايز أسخنك :d
بس العربيه بجد مفيهاش غلطه انا كنت حاسس انى باحلم
مش مصدق انها نزلت مصر زى مابنشوفها على النت كدا :d
بالذات ال sx الحمرا
بس حرام تبيع عربيتك وهى لسه جديده كدا
انا رأيى تصبر شويه يمكن التوكيل ينزلها
ومش هتخسر حاجه والعربيه كدا كدا موجوده مش هاتطير
هو انا هابيع الصبح
أنا صابر أهو
و أعتقد ان التوكيل هاينزلها
بس تفتكر لو نزلها ........هاتنزل بكام ؟؟
فوق ؟ ولا تحت ؟؟
غالبا هتبقى أرخص
تحفة من تحف كيا
موضوع تحفة يا حسام باشا
و العربية مش ممكن وهم وهم
انا سخنت و خلاص هبيع عربيتي
و اعتقد ان التوكيل لو نزلها هتكون اغلي
لان الموديل دة مش علية طلب كتير و غاليا الي هيشتري كوبية بالسعر دة هيبقي بالنسبة رخيييص جدااا حتي لو وصل لفوق ال 155
فاعتقد ان التوكيل هينزلها اغلي و هيشيل منها كماليات
صور و تقرير تحفه و بجد عربيه مؤذيه للمشاعر و الاحاسيس,
ياناس احنا بشر :stink[1]: حرام اللى بيحصل ده.
العربية دى ناقصها حاجة وتنزل فى سلسلة Need For Speed
تـــــــ تشارجــــــر ــــــربو
اخوكم يوسف
وماله نركبه
كل سنة وانتو طيبين العربية جميلة جدا وشكرا ياباشا على الموضوع ده
المهم انا بعد ماقريت الموضوع بتاعك نزلت وشفت العربية
انا على ادى برده بس مش ميح يعنى
المهم
العربية تصميم مختلف عن السيراتو
اولا العربية اوطى على الارض وسقف العربية كمان اوطى ومايضايقش الراكب
العربية مش ضيقة لا العربية واسعة ولذيذة والتصميم الداخلى احسن من العادية والتقفيل الداخلى احسن
العفشة بالتالى متغيرة انا قلت قبل كده العربية اوطى فبالتالى العفشة متغيرة هيا نفس النوع بس رياضى
فيها esp وده لوحده شئ يتحط من تحته الف خط
هو اه نفس الموتور بس ادائه اعلى عشان حجم العربية اختلف ومقامة العربيه اختلفت مع الهواء
وكفاية ان عليها فانوس ورانى تحفة
عربية تجفة بجد
[youtube]http://www.youtube.com/watch?v=GQtHIAlUWaQ[/youtube]
no comment
يجماعة انتو بتتكلموا عن سعرها الغالى
طب تعالو نشوف اقل كوبيه موجوده فى الاسواق المصرية
هما نوعين قبل السيراتو
واحده صينى واحنا كلنا عاريفين الصينى هما شهرين وربنا معاك
نيجى للتانية وهيا الهيونادى الكوبيه لما نزلت هيا واحده مانيوال ونزلت ب 145000
والاتوماتيك نزل فى 2000 سى سى ودى كان سعرها 270000 او اعلى وغالبا الواحد كان بيدخلها من برة بمعرفته
حاليا نزلت السيراتو الكوبيه بتبدأ من 141000 الى 148000
خليجى قولنا كتير طيب التوكيل اهو هاينزلها فكده سعرها هاينزل
بس العربية مختلفة واوسع واكبر واقوى من الهيونداى الكوبيه
ومختلفة عن السيراتو السيدان
التصميم مختلف العربية واخده انسيابية مش موجوده فى السيدان
يعنى لو نزلتو وشوفتوها هاتلاقو السقف اوطى وهاتلاقة البربريز الامامى واخد زاوية ميل عن السيدان
ده من ناحية التصميم والعربية كمان اوطى من السيدان
لكن نفس الموتور والقدرة الحصانية بس اعتقد هايبقى اقوى على الكوبيه بسبب فرق التصميم ومقاموة الهواء
العفشة انشف شوية من العادية بحكم انها سبور شوية
هاتولى كوبيه فى مصر سعرها اقل من ال 140000 الف