كائنات احادية الجنس :)

**Hazemabdallah** · 26-10-2007 01:06 AM

:D :D :D :D :D

**Nader** · 26-10-2007 01:46 AM

[smilie=to funny.gi:

أنثى الثعبان؟

ثعبانة :mrgreen:

أنثى الحوت؟

الحوتة ودي عوزة تفكير؟ :mrgreen: :mrgreen: :mrgreen:

أنثى السرطان؟

السرطانة Red_Colorz_PDT_05

ذكر الذبابة؟

على وزن فعالة.... يبقى.....لا لا لا اوعى تقول!!! PDT_038 .

**nabaster** · 19-01-2010 04:57 AM

من تحف استاذنا سبعاوي

A.Yakout

**Ahmed Sharaf** · 19-01-2010 07:39 AM

المشاركة الأصلية كتبت بواسطة sab3aawy

الموضوع ده كنت نشرته زمان وقلت الحق اجيبه انشره هنا باسمى قبل ما حد يسرقه:

امبارح كنت مع احد اطفال العائلة النجباء(11 سنة) بنلعب لعبة الحروف
وهنا خطرت له فكرة وسألنى: عمو هى مرات الصقر اسمها ايه، الصراحة انا
تنحت شوية وبعدين ربنا فتح هى عليا بإجابة رحت قايلهالو:قلته اسمها
صقرة،المهم طبعا كرامتى نقحت عليا اوى ازاى يسألنى سؤال عويص كدة
ومعرفش اجاوبه فقررت ارد له المقلب-أصل انا فى الحاجات دى مخى صغير أوى-
قلته طب قوللى يا فالح جوز الحداية اسمه ايه؟ العفريت وبدون تردد
قاللى: طبعا اسمه "حداى"،بينى وبينكم اللعبة عجبتنا وفضلنا ندور على
الحيوانات اللى العرب عملوا اسم لجنس واحد منها ونسيو يسمو الجنس الأخر
ونعمل قاموس لإسم شريك حياه الحيوانات دى، وبصراحة النتيجة كانت مبهرة:
دى عينة من نتيجة المجهودات المثمرة اللى قمت بيها انا وقربيى النجيب:

أنثى الصقر : صقرة
انثى النسر: نسرة
انثى الخرتيت: خرتيتة
انثى سيد قشطة: سيدة انما زى القشطة
انثى سبع البحر: سبعة البحر
ذكر الزرافة: ظريف
ذكر البجعة: بجع(بتسكين الجيم)
ذكر الأفعى: أفع
ذكر البومة:بوم
أنثى الدبور: دبورة
أنثى ابو فصادة: ام فصادة
ذكر البلهارسيا: بلهارسى
أنثى البورص: بورصة
ذكر السحلية: سحلى
أنثى الوعل: وعلة
ذكر الحداية: حداى
أنثى الغراب: غرابة
انثى الكانجارو: كانجاروهاية
ذكر الباندا: باند
ذكر السلعوة: سلعو(بفتع العين وتسكين الواو)
انثى سمك القرش: قرشة
ذكر الباركودا: باراكود
ذكر الرنجة: رنج
ذكر الغوريللا: غوريل (بتشديد اللام)
ذكر ام الخلول: ابو الخلول
أنثى القندس: قندسة
أنثى أبو قردان: ام قردان

كنا انا وقريبى الصغير ناويين نكمل القاموس لولا ان امه شدته من ايدى
قبل ما اقضى على سلامه قواه العقلية وهى بتدعيلى ان ربنا يهدينى ويكملنى
بعقلى

موضوع شيق جداً , ربنا يفرح قلبك

**Usama Nagi** · 19-01-2010 08:14 AM

المشاركة الأصلية كتبت بواسطة sab3aawy

دى بالذات سهلة ولها قياس صرفى مشهور يسمى قاعدة الألوان والعيوب

كل مؤنث على وزن فعلاء يذكر على وزن افعل مثل اعرج عرجاء ازرق رزقاء اصلع صلعاء اصفر صفراء (متهيألى واضح سبب تسمية القاعدة بقاعدة الألوان والعيوب)

وهكذا فإن ذكر العنقاء هو بالتأكيد "الأعنق " :D :D :D :D :D :D :D

ولو قلتلى طب اثبتلى ان ذكر العنقاء هو اعنق فعلا هقوللك دور على العنقاء هتلاقيه قاعد جنبها وباين عليه تماما انه اعنق :P :P :P :P :P :P

جامدة قوي حكاية اعنق دي

هو مش العنقاء دا طائر خيالي اللي بيطلع من رماده يبقي احادي الجنس لأنه مش محتاج تزاوج

دا بيموت بانه يولع في نفسه (مش عارف بجاز ولا بنزين 80 ولا 90)

و بيتولد من الرماد دا

**pro_samir** · 19-01-2010 06:19 PM

انثى سيد قشطة: سيدة انما زى القشطة

دي فكرتنى بفزورة تانية برضو من زمان أيام البراءة والهبل

ما هو جمع كلمة قشطة ؟

يعنى قشطة + قشطة + قشطة = ؟؟؟

طبعا الأجابة

.

.

.

قشطة بالهبل

**Rembrandt** · 19-01-2010 09:05 PM

زكر الصقر أسمة تبع أو مثلوث لانة ضعيف وهزيل وغالبا ما يموت بعد موسم التزاوج(بيهنج)
والانثى هى ما تسمى صقر
أنثى النسر هي العقاب الانثى دائما فى الجوارح هية الاقوى والاكبر حجما
وبلنسبة للعنقاء فهو طائر اسطورى لا يوجد منة ذكر او أنثى والله أعلم
والغراب والحداية ملهمش اى علاقة ببعض من قريب أو بعيد الغراب مجرد طير زكى
والحداية من فصيلة الجوارح أكلة اللحوم

-

الموضوع: كائنات احادية الجنس :)

LinkBack

أدوات الموضوع

عرض

-

-

-

-

-

-

المواضيع المتشابهه

كائنات غريبة من هيونداى

اية الى بيزعلك من الجنس الاخر

كائنات فضائية

انسب طريقه للقياده بجانب الجنس اللطيف

شوية صور عن قيادة الجنس الناعم.........كوميدياااا

الكلمات الدلالية لهذا الموضوع

المفضلات

المفضلات

ضوابط المشاركة