النترا القديمه فلته من هيونداي

**Dr_Smart** · 28-08-2009 02:55 PM

المشاركة الأصلية كتبت بواسطة mr_momo

بص انا كان معايا هينداي النترا 2006 , اعدت معايا اخر سنه و نص في الكليه , كلمه من الاخر , العربيه معتطلطش مني ولا مرة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!! و مرحتش للميكاني غير علشان تعمل سرفس للسير الكاتينا و البيجوهات و الكلام دا و السيور بسسسسسسسسسسسسسسسسسسسس, ماشاء الله كانت تحفه .....

ماهو الطبيعي ان عربيه 2006 ماتعطلش منك ولا تاخدها لميكانيكي !!!

بس فعلا النترا القديمه كانت عربيه محترمه

**Ahmed_lol2007** · 26-04-2010 03:19 PM

بصراحة فعلا عربية محترمة جدا
ومن أحسن العربيات الهيونداى اللى نزلت مصر

**hassan1309** · 07-05-2010 02:16 PM

من فضلكم يا جماعة انا لسة شارى إلانترا 2005 عاملة 110000كم محتاج أعملها صيانة و أتابعها مع حد كويس وفاهم فيها ممكن تدلوني حد قريب من الدقي أو وسط البلد و كمان واحد عنده قطع غيار اصلية.

**د.محمود صلاح** · 07-05-2010 03:08 PM

المشاركة الأصلية كتبت بواسطة حماده المصري

سبب قله وندره العربيه دي دلوقتي هو ان

غبور لما نزل الانترا الجديده مكنش حد متوقع انها هتنزل خالص وفجاه ناس كانت شاريه النترا القديمه امبارح تاني يوم نزلت الجديده

طبعا غبور عامل فكره الاستبدال

ف ناس كتير بدلت القديمه بالجديده وغبور اخد النترا القديمه صدرها دوله افريقيه تقريبا جنوب افريقيا

معلومة جديدة ..

**AMIRELGOHARY** · 07-05-2010 05:53 PM

المشاركة الأصلية كتبت بواسطة حماده المصري

سبب قله وندره العربيه دي دلوقتي هو ان

غبور لما نزل الانترا الجديده مكنش حد متوقع انها هتنزل خالص وفجاه ناس كانت شاريه النترا القديمه امبارح تاني يوم نزلت الجديده

طبعا غبور عامل فكره الاستبدال

ف ناس كتير بدلت القديمه بالجديده وغبور اخد النترا القديمه صدرها دوله افريقيه تقريبا جنوب افريقيا

حاولت اجيبها بس فعلا كانت قليلة جدا والناس كلها بتبالغ في السعر. ربنا ينتقم منه ان كان عمل كده
ضيع واحدة من اجمل عربيات نزلت مصر

**حماده المصري** · 08-05-2010 07:15 AM

الي معاه العربيه دلوقتي مش بيبيعها الا لو مزنوق او متبهدله جدا حوادث وحاجات زي كده

بصراحه العربيه دي اداءها ممتاز سيبك من الشكل القديم سواء من الخارج او الداخل انما هي فيها ريحه العربيات القديمه المتانه والثبات حتى العفشه لما بتبوز مش بتاثر جامد على الطريق

بس الاوتو بتاعها سحبه مش حلو اوي الا لو تحرق عليه