النترا القديمه فلته من هيونداي

**حماده المصري** · 19-08-2009 08:04 AM

السلام عليكم

ازيكم يا احلى هيونداويه في الدنيا

بصراحه يا جماعه انا عامل الموضوع ده مخصوص للهيونداي النترا القديمه

ايوه الشيب القديمه الي كان اخره 2006

يا جماعه بسم الله ما شاء الله على العربيه دي فعلا تحفه وفلته من هيونداي وافضل من الالنترا الجديده بصراحه

اجرتها اسبوع من فتره وسافرنا بيها اسكندريه 4 افراد مع ان في 2 مننا معاهم عربيات بس مكناش عايزين نبهدل عربياتنا

1.6 مانيوال 2006 كاسره 100 الف مش فاكر كام بالضبط

طبعا عربيه ايجار ومفحوته من كل النواحي موتور + عفشه ورشه برا بالكامل

وبالرغم من كده العربيه على الطريق جابت 200 مستريح بالتكييف مع ان صوت موتورها يدل انه بيتكلم هيعمل محضر في الناس الي ساقوها

عفشه بسم الله ماشاء الله في منتهى الجمال فعلا مع ان العربيه متبهدله ومش في حالتها الطبيعيه

الا ان العربيه دي عفشتها ناعمه وفعلا ناعمه مش هجص او كلام بدون خبره لا العربيه في نعوميتها توازي العربيات الياباني او اقل بسنه بيسيطه جداا

توازن العربييه بصراحه ممتاز العربيه واطيه على الارض وراسيه على الطرق المستقيمه والغرز والملفات وكل حاجه

العربيه سافرنا بيها من مصر لاسكندريه نزلنا من العربيع كاننا لسه نازلين من البيت

على عكس مثلا النيو اكسنت لما بركبها لمسافات طويله وسرعاه عاليه بحس شويه بارهاق واحيانا ضهري بيوجعني

نيجي بقى للنقطه الي انا فعلا مفتقدها في عربيات هيونداي الجديده هي راحه الركاب الخلفيين

فعلا العربيه دي عفشتها الخلفيه لا تعاني من اي نوع من انواع الهبد او التنطيط او النشوفيه والركاب في الخلف سواء قعده او تاثير العفشه عليهم ملوش اي اثر ومحدش ورا بيحس باي حاجه سواء طريق كويس او وحش او حتى طرق مكسره وحواري

وفي كزا عربيه هيونداي جديده منهم نيو اكسنت وال i30 والنترا بصراحه راحه الركاب في الخلف مش معتنى بيها شويه بالاضافه الى ان ال 3 عربيات دول فيهم سنه نطه في الخلف مع انهم ال 3 ثباتهم كويس

وطبعا النيو اكسنت عفشتها في الخلف ومش مني بس من معظم الي ركبوها في هبد ورا القعده بتبقى شبه مرجيحه

في النهايه انا فعلا مبسوط جدا من النترا القديمه وبنصح بيها اي حد ميزانيته محدوده فعلا مش هيندم عربيه محترمه

**حماده المصري** · 19-08-2009 08:08 AM

سبب قله وندره العربيه دي دلوقتي هو ان

غبور لما نزل الانترا الجديده مكنش حد متوقع انها هتنزل خالص وفجاه ناس كانت شاريه النترا القديمه امبارح تاني يوم نزلت الجديده

طبعا غبور عامل فكره الاستبدال

ف ناس كتير بدلت القديمه بالجديده وغبور اخد النترا القديمه صدرها دوله افريقيه تقريبا جنوب افريقيا

**AshrafMetwally** · 19-08-2009 08:40 AM

هي فعلا عربية من العربيات المحترمة الي هيونداي عملتها

ثبات و راحة و سحب حاجة آخر جمال

**TOOLA** · 19-08-2009 09:47 AM

طب انا قدامة واحدة خليجى فابريقة برةو جوة ماشية 65000 ك بتاعت واحد حبيبى, بس كنت بفكر أتنمرد عليها و ازود بتاع 15000 ج و ابص على اوكتافيا ولا بورا, تفكتروا الالنترا هتكفى عنهم, ولا هحس انى استعجلت, ولا أجيبها امشى بيها سنة وأبقى اسمى مازنقتش نفسى دلوقتى؟؟