عرض للطباعة
لو سمحتم انا ناوى اشترى عربية من الاتنين اشترى لوجان ولا فيرنا؟؟؟؟؟؟؟؟؟؟؟؟
انا عندى اسرة صغيرة ومحتاج عربية اعتمادية وبسيطة التكاليف
الفيرنا طبعا الاختيار الانسب بس انا مش باحب شكلها و شايف اللوجان اظرف
هل مصاريف التشغيل و الصيانة والاعتمادية و قطع الغيار فارقة اقوى يعنى توصل الضعف مثلا و لا الفرق بسيط ممكن اضحى بية فى سبيل اركب الشكل اللى عاجبنى > الرينو<
ارجو النصيحة من الاخوة فى المنتدى
اولا ادخل علي منتدي رينو و شوف كل اللي مكتوب عن اللوجان و موجود مواضيع عن اسعار الصيانات الدورية و اسعار قطع الغيار و كل حاجة و بعد كده روح اتفرج علي العربية و شفها و اعمل نفس الكلام للفيرنا ,,, لكن رأي انا الشخصي انا اتحيز للوجان الفيرنا قربت تشتغل دليفري بدل الموتوسكيلات ارحمونا منها بقي شوية ,, هي عربية موفرة و موتور قوي و قطع غيار عند البقال اللي علي الناصية و اي ميكانيكي ممكن يشتغل فيها , بس انا شايف ان مفيش اي حاجة من اللي انا قلتها دي ميزة غير ان موتورها قوي و للعلم هو اقوي من جسم السيارة علشان كده السيارة مش ثابتة و عمرها ماتثبت لان في فرق قوة كبير
http://www.nilemotors.net/Nile/25682-a.html
شوف الموضوع ده و ابقي شوف تجارب الاعضاء و كلامهم عن العربية و قرر بنفسك و علي فكرة منتدي قسم رينو من احسن الاقسام بالمنتدي هتلاقي 100 واحد معاك و كلهم بيقولولك تعمل ايه و جرب بس تدخل و تعمل موضوع ان نفسك تجيب اللوجان وشوف كام واحد هايساعدك و يشترك معاك ,,, بعكس اقسام كتير في المنتدي غير فعاله علي الاطلاق زي فولكس و ادخل حاول تعرف بس كماليات البولو ايه و اتحداك لو وصلت لمعلومة واحدة
شوف الربط ده
http://www.nilemotors.net/Nile/90472-2010.html
شخصيا افضل لوجان والهيونداى انتجت سيارات افضل كتير من الفيرنا
لوجان
من رأي الفيرنا لانها بقيت عربية منتشرة وده معناه انه الصيانة هتكون سهلة وقطع الغيار رخيصة
لوجان طبعا
عفواً....إنه زمن اللوجان
وداعاً فيرنا و ولانوس و بيكانتو
صح الصحاقتباس:
عفواً....إنه زمن اللوجان
وداعاً فيرنا و ولانوس و بيكانتو
لوجان طبعا
انا كنت محتار بين العربيتين
ومتستعجبش انا اخترت النيو اكسنت
ضحي شويه وحتشوف الفرق
وادعيلي
حضرتك صاحب الموضوع بيسأل عن مين افضل اللوجان والا الفيرنااقتباس:
المشاركة الأصلية كتبت بواسطة rov
واللوجان فيها مميزات مش موجودة فى النيو اكسينت (مع العلم انها عربية ممتازة طبعا)
والعكس صحيح على العموم دة مش موضوعنا
وانا ادى صوتى للوجان وهى فعلا افضل من الفيرنا
لو بتفكر فى المصاريف يبقى خليك فى الفرنا لان مصرفها قليلة و قطع غيارها منتشرة و رخيصة
علي فكره الاتنين قطع غيارهم زي بعض تقريبااقتباس:
المشاركة الأصلية كتبت بواسطة samehnoshi
طبعا مع اعتماديه الاوروبي
و التوكيل طبعا نصير يتفوق علي غبور بمراحل
اعتقد الفرنا افضل في الاعتمادية ( هيونداي) وقلة الاعطال في المستقبل . ورخص قطع الغيار وتوفر مراكز الصيانة بشكل كبير جدا
من امتي هيونداي بقي احسن من رينو !!!!!!!!!!!!!!!!!!اقتباس:
المشاركة الأصلية كتبت بواسطة tarekabosdera
جديده قوي قوي قوي ديه
انا كوريا تتفوق علي الاوروبي
وكمان ملقتش غير الفيرنا
وجهات نظر بردو :b4_564:
ده حقائق مش وجهات نظر بس انت تابع وابحث على الشبكة العنكبوتية مستوى هيونداي وصل فين وانت تعرف انا بتكلم على ايه ....اقتباس:
المشاركة الأصلية كتبت بواسطة cheetos_892005
طيب و الله كويساقتباس:
المشاركة الأصلية كتبت بواسطة tarekabosdera
اصلي لسه مدخل النت جديد
هيونداي و رينو!!!!!!!!!!!!!!
و الفيرنا كمان!!!!!!!!!!!!!!!!
الفرنا اثبتت وجودها في مصر ودول الخليج على قوة التحمل والاعتمادية وطول العمر الافتراضي.
اه فعلا اثبتت وجودها علي كل طرق مصر
بس و هي علي سقفها
ربنا يحمي كل مالكيها و يباركلهم فيها بس ميغرهمش الموتور
عشان محدش يفهمني غلط من مالكيها او محبيها
الفيرنا عربيه حلوه و كل حاجه بس اللي بيطاوع موتورها
بيبقي عمل غلط كبير قوي في حياته
عفريت في علبه كبريت
مش معني ان هيونداي قررت تنافس انها تتفوق علي ماركات صعبه اوي و منها رينو ((من اعرق الشركات))
انا نفسي اعرف بقي يعني ايه الكوري كوم و هيونداي كوم تاني ؟؟؟؟؟؟؟؟
يا جماعة واحدة واحدة عشان الكلام والمقارنة بقت تحيز وخلاص
عشان نتكلم بموضوعية لازم نعرف ان كل عربية بتلبى احتياجات شخص غير الثانى
معنى كدة ان احنا عشان نفيد اللى بيستفسر نقوله مميزات وعيوب كل
عربية وهو يختار العربية اللى تلبى احتياجاته ودى وجه نظرى فى المقارنة
وفى الاول وفى الاخر دى شوية حديد على عجل بيوصلنا من مكان للتانى
بالنسبة للمقارنة
الثبات تتفوق فيه اللوجان بجدارة دة عن تجربة شخصية
توافر قطع الغيار ورخصها فى صالح الفيرنا نظرا لوجود الفيرنا فى السوق من قبل اللوجان
قوة الماتور والتسارع من الثبات فى صالح الفيرنا
الصالون والراحة داخل المقصورة والوسع والرحابة فى صالح اللوجان بجدارة
الهيكل الخارجى للوجان اقوى من الفيرنا
وسع الشنطة الخلفية فى صالح اللوجان
عوامل الامان فى صالح اللوجان ( يوجد ايرباج للسائق فى الفل اوبشن )
3 نجوم فى اختبارات السلامة الاوروبية اللوجان
التوكيل وقوته فى صالح اللوجان توكيل سمعته جيدة جدا
صاحب الموضوع والمقارنة يشوف ايه العربية اللى تلبى احتياجاته بمعنى
لو عايز عربية ماتور قوى وتسارع داخل المدينة مش على سرعات عالية واقتصادية وقطع غيار متوافرة جدا وصيانة سهلة مع شكل مقبول يبقى فيرنا
لو عايز عربية ثابتة وعوامل امان على السرعات العالية ( بتسافر كتير ) + الصيانات فى التوكيل يبقى لوجان
ونصيحتى لصاحب الموضوع لو بتدور على اكتر عربية اقتصادية
فى بلدنا يبقى تتجه الى الهاتش باك الصغير او تدخل المقارنة شيفورلية لانوس
:hlopaet_prv:اقتباس:
المشاركة الأصلية كتبت بواسطة ringoo
انا بس اللي خرجني من الموضوع حكايه الاعتماديه ديه
حضرتك نسيت نقطه و هي قوه العفشه و الفرامل و هما احد اكبر نقاط ضعف الفيرنا و ديه بقي اكتر حاجه عن تجربه
و علو العربيه عن الارض لواجهة جبال المحروسه الغاشمه
علو العربية عن الأرض ... مش عيب في العربية... بل عيب في طرق بلدنا .. شوف في عربيات قريبة من الأرض اد اية..؟؟اقتباس:
المشاركة الأصلية كتبت بواسطة cheetos_892005
موضوع الفرامل دا .. دي بجد اسطورة كل شوية بسمع عنها ... مش عارف ازاي اكتر من 50.000 عربية فيرنا ماشية في البلد و مفيهاش فرامل مش عارف ... 50.000 عربية ماشية و مفيش إعتمادية؟ ... بلاش العدد عشان يمكن ميكونش مقياس... الفيرنا ماشية من 2004 (يمكن قبل كدا كمان) ... اية بقى موضوع الإعتمادية دا ؟
يمكن اللي قال الأسطورة دي كان ماشي بيها على 200 و معرفش يوقفها ولا حاجة..
على فكرة كل كلامي دا بدون تحيز ولا حاجة
انا مش عارف كتير عن اللوجان غير من هنا في المنتدى و مقدرش اقولك غير اني شايف انها اشيك من الداخل فقط في الفيرنا غير كدا مش هفتي ...
لكن كل شوية واحد يقول العربية دي مفيهاش فرامل و كلام من دا .. بجد حرام و كلام مستفز جداً و كأنك بتكلم في مكان ميعرفوش حاجة
و ربنا يوفق صاحب الموضوع لإللي فيه الخير
والله موضوع الفرامل ده انا مش جايبه من دماغياقتباس:
المشاركة الأصلية كتبت بواسطة successcre8or
انا كنت اتجننت في يوم و خدت عربيه و احد صاحبي فيرنا و كانت لسه زيرو
و فعلا الموتور جنني
و مش عايز افتكر الباقي
مع العلم ان سرعتي كانت لا تتعدي 110 كم/ساعه
مش معني انها و حشه انها مبتقفش
اللي حصل معايا مش بس انها موقفتش
لا ديه اتطوحت بعرض الطريق و ربنا ستر الحمد لله
ده غير تجارب اصحاب ليا كتير ((اللي معاه العربيه و اللي مسلمنهالوا في الشغل))
مش عايز احكيلك بيحكولي ايه عشان مديقش من العربيه
و ربنا يسلمنا جميعا
و بالنسبه للاعتماديه انا مقولتش انها مش اعتماديه بس اكيد مش اكتر من الاوروبي او رينو (((ده كان اعتراضي))
كمان انا سمعت ان الفيرنا بتنزل بكاوتش نسر ودي نقطه ضعف
كمان بس مش متاكد كنت قريت كذا مره في قسم هيونداي عن اهميه تغير الجنوط اللي بتنزل بيها العربيه
بس مش فاكر السبب الحقيقه
و بالنسبه لموضوع الارتفاع انا مقولتش انه عيب في الفيرنا
في فرق لما يكون عيب في العربيه و ميزه في عربيه تانيه
و مهما عملنا ده حال شوارعنا و مش معقول هفضل كل مطب اخدو بالورب و لو محمل اسمع الموسيقي اللي بتقطع القلب اللي جايه من بطن العربيه
وعلي فكره محدش هنا بيفتي علي حد تعبيرك الجميل اللي تحتيه خط لان مفيش حد فينا ليه مصلحه في اي حاجه....
يعني صاحب الموضوع لما يجيب فيرنا او لوجان او لانوس او حتي مرسيدس انا هستفاد ايه؟؟؟؟
و في الاخر كل واحد يشوف العربيه اللي عجباه و يجيبها ربنا يوفق صاحب المقارنه
ياريت يا جماعه لو نعمل مقارنه بين اللوجان والفرنا من حيث قطع الغيار..............انا عارف متاكد ان الفرنا ها تكسب............
الكلام ده عشان نقنع الناس ان الفرق يستهل
اللوجان ومتترددش
اللوجان هاتبقى عربية شعبية و منتشرة...
و متخافش من إعادة البيع و لا قطع الغيار ...
الكلام ده من التوكيل.:3mla:
ارجو من بعض السادة الاعضاء ميطلعوش عيوب مختلقة في العربية ومش موجودة اصلا عشان يفضل المنتدى ده مكان لمصداقية المعلومات وميحصلش اختلاط للمعلومات عند القارئ.
انا لما بتكلم عن الفرنا بتكلم عن تجربة ومفيهاش اي حاجة من الكلام السابق اللي ذكره بعض الاعضاء من صعف الفرامل و ...
يمكن ده تكون حالة خاصة او عيب صناعة حصلت لحد معين.
بالنسبة للاعتمادية فهي فعلا اعتمادية لان موديلاتها في الخليج هي نفس الاكسنت بس في مصر الاسماء مختلفة .
وعندك الاكسنت الموديلات القديمة شغالة زي الحديد مع قلة الاعطال .
سيدي الفاضل السيارة الرينو في الخليج شبه معدومة نظرا لعدم ثقة الشعب الخليجي عموما في الرينو . وبتتباع هناك باسعار زهيدة جدا. واعتقد ان الرينو لا تتحمل المعاملة القاسية في الاجواء شديدة الحرارة وده غير ان تكييف الفرنا اقوى بكتير.
طيب يا استاذ طارقاقتباس:
المشاركة الأصلية كتبت بواسطة tarekabosdera
انا واحد بفتري علي العربيه عشان شكلها مش عاجبني او عشان غبور ليا معاه تار قديم
خش قسم هيونداي و حضرتك اقري التعليقات هناك بتمعن :whtauwant:
و من ملاكها لحد يفتكر اني انا اللي كاتب و لا حاجه :fdsa:
و بالنسبه لموضوع الحر اعقد رينو دي شركه بتنزل مصر و الشرق الاوسط من زمان
كمان الشعب الخليجي بيبقي ليهم معاير خاصه في اختيارتهم
بالنسبه للاعتماديه يا ريت بس حضرتك تركز في الردود
انا مقولتش ان الفيرنا مش اعتماديه بس مش زي الرينو
و تقبل تحياتي
انا يمكن مش هأقدر افيد صاحب الاختيار(لانى كان معايا لانوس ودلوقتى اوبترا)
بس انا فعلا مخنوق وسامحونى جميعا يا رجاله
كل واحد اشترى عربيه متحيز ليها بطريقه مستفزه وكمان مستعد انه يطلع عيوب كتير فى اى عربيه تانيه.
مش معنى انك اشتريت العربيهتبقى هى احسن عربيه فى العالم.بلاش كده .
حتى لو عربيتك فيها عيوب كتير ياريت تقولها لوجه الله.
حب لاخيك ما تحب لنفسك
كل سنه وانتم طيبين ومفيش زعل طبعا واسف على المداخله
انا شايف إن مع الوقت هتنتشر اللوجان كتير اوى
وده هيخليها فى ظرف سنة او اكتر قطع غيارها زى الفيرنا موجودة فى محلات كتيرة أوى بجانب بيتك
وده هيحل مشكلة رخص وكثرة قطع غيار الفيرنا بالنسبة للوجان
وساعتها اللوجان تكسب إن شاء الله