الطفلة تطلق على الفتى القريب منها: ده
وفى فترة المراهقة يتحول اسمه الى:صاحبى
وفى نهاية فترة الدراسة يتحول الى: حبيبى
وفى فترة لاحقة يتحول الى :خطيبى
وبعد الزواج مباشرة بيبقى اسمه: جوزى
وبعدها بشوية بيتحول الى: البيه بتاعى
وبعد اول طفل يتحول الى: أبو محمد
وبعد ما يبقوا طفلين او تلالتة يبقى: ابو العيال
ولما الأطفال يدخلوا المدرسة ويهمل فى نفسه علشان يلاحق عليهم يتحول الى:
المنيل على عينه
وبعد كام سنة لما الكام شعرة يقعوا والباقى يبيض بيقى اسمه: الحج
وفى الاخر كدة لما بيقى مقره المفضل السرير بيقى اسمه : البركة بتاعنا
وطبعا اللقب الأخير اللى هياخده فى الآخر: المرحوم

اما الطفل فيسمى فتاته: دى
وبرضه فى فترة المراهقة بيسميها: صاحبتى
وبعد كدة بشوية بتتحول الى:البت بتاعتى
وبعد فترة تبقى: خطيبتى
وفى اول الجواز بتبقى: مراتى
وبعد الجواز بشهرين تلاتة بتتحول الى :الحكومة
ومع اول طفل بتتحول الى : ام احمد
ومع كام عيل بتتحول الى: الست بتاعتى
ولما الشعرايتين يبيضوا بتبقى : الحجة
وبعد ما العيال تتجوز ويبتدى الزوغان من البيت والقعاد على القهوة
بيبقى اسمها:الولية أو هولاكو
وبرضة اخر لقب برضة بيبقى :المرحومة


وسبحان من له الدوام