-
عربيتى ال125 عاوزة شدة
عندى عربية 125 ايطالى موديل 71 :oops: :oops: بموتور 2 كامة والعربية دى عزيزة علية ومش عاوز افرط فيها بس عاوزة تتشد فياريت حد يدلنى على مكان يكون كويس وفى نفس الوقت يكون ناس محترمة وعندهم امانة وعاى فكرة انا كمان عاوز اعمل عمرة موتور وسمكرة بس يكون ده كله فى مكان واحد
-
بالنسبه للمكان ما اقدرش افيدك لكن لو انت جنبي هنا في المحله كنت عرفتك علي ناس يرجعو العربيه دي زيرو.
بالنسبه لتعمير العربيه
اول حاجه تجيب رفرفين اماميين جداد و ما ينفعش فيهم استعمال علشان دول لحام مش بمسامير و لو الستاره الاماميه فيها بارومه غيرها بالمره ما تهملش صدقني بيفرقو كتير في العربيه.
خد بالك كل مسمار يتفك من العربيه اعرف مكانه فين و اي حته بلاستيك و باغه تشيلها حطها في بيتك اضمن لحسن تضيع و تدوخ علي ما تلاقيها و باسعار خرافيه.
هتلاقي بارومه ورا في الدواير اشتري اتنين جداد و بيجو بنص الرفر الخلفي لكن تبقي عينك علي السمكري و هو بيركبهم لحسن يتعوج منه ف بيخلي شكل العربيه وحش.
الابواب حتلاقيها غاليه لكن لو عاوز ترجع العربيه دي فابريكه هات ليها طقم ابواب استعمال و بتوع البولندي بيركبو بفرش ابوابهم بكل حاجه دا لو ابوابك متبهدله.
الصالون اي سروجي نضيف حيشده تمام.
اهم حاجه نواكل الابواااااااااااااااب خلي بالك لا تضيع لحسن غاليه و مش موجوده.
اي سؤال انا تحت امرك العربيه دي حافظها بالمسمار :-)
-
الف شكر على الرد يعنى هيه بيركب عليها صاج البولندى بالنسبة للرفارف ولو مبيركبش اجيب جداد منين
-
لا مش بيركب عليها رفارف البولندي
هما نفس الشاسيه اه لكن لو ركبت رفارف البولندي حتضطر انك تغير لفوانيس اشارات البولندي ف الاحسن انك تجيب رفارفها و حتلاقيها عند الكيلاني بس هات الايطالي بلاش المصري علشان مس بيظبطو مع الفوانيس!!!
-
العربية اللي معاك دي ما شاء الله وحش..
انا حاليا معايا واحدة بس بولندي موديل 83.. مكانتش عاجباني.. مع العلم انها معايا من 6 سنين..
عمرت الموتور.. بقت ما شاء الله تمام.. بس هي في السحب والجري مش قوي يعني..
بس عربيتك انت حاجة تانية.. علشان 2 كامة ايطالي.. الموتور ده تقريبا 1600 في منه برة كان بينزل قوته 100 حصان.. موتور عنيف جدا.. يعني تقدر تشد بيه مع عربيات جديدة..
اهم حاجة في الدنيا في العربية دي الكرونة.. حافظ عليها زي عنيك.. يعني لو عرفت كل 3 شهور تبص علي الاويل سيل بتاعها و تشيك ع الزيت.. علشان بقت غالية قوي دلووقتي..
الناس عادة بتغيرها بتركب درفنسيل (مش متأكد من صحة كتابة الكلمة- انا سمعتها من الصنايعية كده) بتركب بتاع ال 131 بالكرونة بتاعته.. بس بتحتاج تعدل فيه تعديل صغير قوي.. علشان ال 25 سووستها الخلفية ورق زي النقل لكن ال 31 كبايات عادية.. ده كل التعديل..
بس. و شدها من جوة سروجي محترم..
حاجة تانية بقي.. العفشة بتاعتها مالهاش حل..انا معايا حاليا كورسا 97 والله زي ما باقولك عفشة ال25 احسن وانشف منها.. بادخل بيها في اي حتة زي الوحش.. العربيات التانية بتلف وترجع وانا ماعنديش الكلام ده.. ادخل في مرة حفر اي حاجة..و الحمد لله مغيرتش غير طقم بارات مرة واحدة اول ما اخدتا لعربية من 6 سنين جبت طقم الماني استيراد كان ب 650 جنيه الله اعلم دلوقتي بكام..
من ساعتها زي الفل.. ومش محتاج شغل..
ربنا يباركلك فيها..حافظ عليها و متبيعهاش .. علشان لو هتبيع دلوقتعي مش هتجيب فلوس.. يعني ايه 12 ولا 13 الف لأ العربية احسن..
Content Relevant URLs by
vBSEO 3.6.0 PL2