حد يعرف نزله طريق المطار الجديد من على الدائرى فين؟!, انا اعرف انها قريبه من طريق السويس.
شكرا
عرض للطباعة
حد يعرف نزله طريق المطار الجديد من على الدائرى فين؟!, انا اعرف انها قريبه من طريق السويس.
شكرا
انت هتنزل نزله المطار عادي جدا
لو انت جي من اتجاه المعادي لأتجاه السلام يبقي هتنزل تاني نزله اللي هي لفه اللي هي بتاعه طريق السويس بس اتجاه القاهره مش السويس
وتفضل ماشي لحد ما تلاقي علي ايديك اليمين داخله للمطار
هتدخل عادي وتدفع الكارته وبعد كده هيخلوك تركن العربيه في البركن وتركب الباص لحد الباب فوق
ياعنى هنزل طريق السويس و بعد كده هلاقى فيه دخلت طريق المطار؟!
بالظبط كده
ولو جاى من اتجاه السلام
فى نازله قبل طريق السويس وفي علامات ارشاديه
متشكر اوى يا جماعه, سوال بس اخير الدخله بتاعت الطريق بتاع كام كيلو كده من نزله الدائرى, اصل خايف افوتها, و فى علامات و اشارات عندها؟!
متشكر جداُ لحضرتك
لو أنت جاي من أتجاه السلام الي المعادي :
- تنزل من الدائري في أتجاه المطار مباشرة و هتلاقي لوحة قبلها و بعد حوالي 6 كم هتلاقي الكارته و بعدها هتلاقي لجنة تانية و بعدها الطريق بيتفرع الي فرعين :
- يمين الي مبني 3 و 2
- شمال الي مبني 1
لو أنت جاي ممن أتجاه المعادي الي السلام :
هاتنزل الي طريق السويس في الاتجاه المؤدي الي ألماظة و بعد المنزل ده بحاجة بسيطة هتلاقي مدخل الطريق الجديد للمطار و فيه لوحة أرشادية و كمين
علي فكرة الباركينج أمام الصالة مباشرة و مش محتاج تركب الاوتوبيس
متشكر جداُ
مش هو لازم تصريح عشان يدخل طريق المطار الجديد؟؟؟؟
مش محتاج تصريح و لا حاجة انا لسه راجع من حوالي ساعتين و علي فكرة الانتظار في الباركينج تعريفته كالاتي :
- المدة (3 ساعات) = 5 جنيه
- اليوم (24 ساعة) = 20 جنيه
- كسر المدة = 5 جنيه
دخول مبني رقم 3 للمودعين و المستقبلين = 10 جنيه
يا باشا اى حد عادى زائر يعنى بيخش بخمسة جنيه ( عشان ال parking) اى صالة فى التلاتة و هما التلاتة منفدين على بعض جوة , و خللى بالك انت رايح استقبال و لا رايح سفر لانهم على مستويين مختلفين عن بعض
اللى شغالين فى المطار نفسه بيتلزق تصريح على ازاز العربية عشان يخشوا و يخرجوا زى ما هما عايزين
شكرا تاني يا كبير بس أنا والدي هو اللي شغال في المطار(مدير صيانة) و علي عربيته(و عربيتي التصريح) و عربية الشركة بتاعته(مرسيدسe class)يعني أنا أخش و أطلع كده!!!
طب مش لازم يتحققو من اللي سايق و لا هو طالما تصريح يبقي يعدي علي طول!!!؟
الصراحة أنا بخاف أخشه عشان السرعة مبعرفش أهدي في و يا تري بقه لو شافو التصريح ممكن يعدوني و أنا علي 180 و لا الرخص لازم؟
ورسوم دخول الصاله 5 جنيه مش 10 الا لو معاك جواز سفر