الموضوع: تويوتا ستارليت حد يعرف عنها حاجة؟

معليش انا لسة شايف الموضوع دلوقتى ، بس فرصة بقى لاقيت حد بيفكر يبقى زمل

العربية معايا بقالها 3 شهور وشوية عملت فيهم اكثر من 8000 كيلو
وحلوة مفيش منها مشاكل الحمد لله ، هيا موديل 91

بالنسبة لقطع الغيار الموتور و كدة كلها موجودة بسهولة جدا عند أى حد بتاع تويوتا

الأجزاء الخارجية موجودة كتير بس استيراد فى الحرفيين

لكن اللى نادر شوية هوا العفشة يعنى المساعدين ملاقيتهاش جديدة خالص لكن لو عايزها ممكن تطلبها من مونرو مثلا وبيجيبهالك بعد اسبوع تقريبا مش فاكر بالظبط ، انا كنت محتاج أغير الأمامى وجبتهم استيراد وشغالين كويس الحمد لله

بالنسبة للسعر مش عارف تقريبا معقول بس اتأكد من حد شغال فى العربيات

وعلى فكرة انا كنت سألت أخ فاضل هنا عامل موضوع لتسعير السيارات ونصحنى بيها قالى هيا أفضل من البرايد ، انا مجربتش البرايد وأول مرة اركب عربية صغيرة أصلا بس الحمد لله كويسة و وعضمها ناشف وموتورها سحبة ممتاز مع انة 1000 سى سى لكن 12 صمام ، لكن لما بتظبطة صح أدائة جميل ما شاء الله وكنت بطلع بية من عربيات 1300 واشد من مواتير أكبر بكتير فى عربيات عادية زى شاهين والادا والحاجات دي

بالنسبة للسرعة هيا مش بتاع جري قوى ، بتجيب 150 عادى بس بحس انى محمل عليها ، متوسط السرعة اللى بحس ان العربية مرتاحة 110 و 120 يعنى معقول برضو لكن اكتر من كدة بحس ان صوتها بيعلى

عفشتها ناشفة نوعا ما لكن دة مديها ثبات كويس

العربية واسعة من جوا بشكل معقول

ولو فى أى استفسار اتفضل